Rhoi-Negger-Krais: Låndkreis in Bade-Wirddeberg

Er ghert zum Regiarungsbeziag Kallsruh. Midd 527.287 Oiwuhna (2012) iss er de Londkrais midd de hegschde Bevelkerungsõõzahl in Bade-Wirddeberg unn de driddhegschd in Daitschlond. De Londkrais gherd zur Medropolregion Rhoi-Negger. Zum Londkrais selwa ghere 54 Gemainde. Verwaldungssidz iss Haidlberg unn de jetzische Londrad iss de Stefan Dallinger vun de CDU.

Geografie

Im Weschde hot de Londkrais Õdail an de Owwerrhoinische Diefewene, im Nordoschde am siedlische Odewald unn im Siedoschde am nerdlische Kraischgau. Di Geschend am wesdlische Rånd vum Odewald bezaischend ma als Bergschdrooß, äni vun de wärmschde Gegende in Daitschlond.

Gschischd

De Krais iss dorsch di Kraisreform am 1. Januar 1973 aus de ehemålische Londkrais Monnem, Londkrais Haidlberg unn Taile vun de Londkrais Sinse unn Londkrais Mossbach endschdanne.

Oiwuhnerendwigglung

Dadum	Oiwuhnerzahle
31. Dezember 1973	447.099
31. Dezember 1975	449.602
31. Dezember 1980	463.110
31. Dezember 1985	467.597
27. Mai 1987 ¹	465.342
31. Dezember 1990	488.017

Dadum	Oiwuhnerzahle
31. Dezember 1995	512.445
31. Dezember 2000	524.028
31. Dezember 2005	533.993
31. Dezember 2007	534.989
31. Dezember 2012	527.287

Schtädt und Gemainde

Zum Rhoi-Negger-Krais ghere fogende Schtädt:

Bischese, Ewwerbach, Eppele, Hemschbach, Hoggene, Ladeberg, Lååme, Neggergmin, Rauebäjg, Schääna, Schriese, Schwetzinge, Sinse, Waibscht, Walldoaf, Woinem, Wissloch

Zum Rhoi-Negger-Krais ghere fogende Gemainde:

Altlosse, Angelbachdal, Bammedal, Brihl, Diele, Dossene, Edinge-Neggerhause, Epflbach, Eschlbrunn, Gaiberg, Heddesbach, Heddese, Helmschd-Baage, Härschberg ån da Bergschdrooß, Ilwese, Ketsch, Kraizschdåånisch, Laudebach, Lobbach, Malsch, Mauer, Meckse, Mihlhause (Kraischgau), Naideschtoi, Nailosse, Nußloch, Ofderse, Plankscht, Railinge, Reischatshause, Såndhause, Schääbrunn, Schbeechbach, Sångd-Lee-Rot, Wissebach, Wilhelmsfeld, Zuzehause

Sämdlische Orde, wu zum Krais ghere, sin in de Adiggl Ortsnåme in der Gejend vun Heidlberg un Ortsnåme im siedeschdlische Rhoi-Negger-Kreis (Kraischgau) zu finne. Do schdehne aa di Orts-Uunåme.

Bolidig

Kraisdaach

Ergebniss vun de Kraisdaachswahle am 7. Juni 2009:

Partei	Wahlergebnis		Sitze
CDU	34,1 %	− 5,6	38 Sidz	− 7
SPD	23,3 %	− 0,9	24 Sidz	+ 1
FW	17,6 %	+ 0,6	17 Sidz	+ 1
Griene	12,2 %	+ 0,3	12 Sidz	±0
FDP/DVP	8,5 %	+ 1,6	9 Sidz	+ 2
Linke	3,0 %	+ 3,0	3 Sidz	+ 3
Andere	1,3 %	+ 1,0	0 Sidz	± 0

Londrad

1973: Georg Steinbrenner, Amtsverweser
1973–1986: Albert Neckenauer
1986–2010: Jürgen Schütz (CDU)
seit 2010: Stefan Dallinger (CDU)

Wärdschafd

Viele Induschdrieunnernemme vun de medallveaawaidende unn schemische Induschdrie sinn im Rhoi-Negger-Krais verdrede. Große Unnernemme sinn des SAP-Unnernemme in Walldoaf unn St.-Lee-Rot, de Finanzdienschdlaischder MLP unn die Haidlberjer Druggmaschine in Wissloch. Die Badisch Schbaagelschdrooß fierd in de Owwerrhoinewene dorsch de Rhoi-Negger-Krais, do werd viel Schbaagel õõgebaud.

Websaide

Die offiziell Houmpäidsch vum Rhoi-Negger-Krais

Medropolregion Rhoi-Negga

Londgrais un Schdadgrais in Bade-Wirddeberg‎

This article uses material from the Wikipedia Pälzisch article Rhein-Neckar-Kreis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.