Basilike Ed Saint-Pière
El basilike ed Saint-Pière (étou ~ Sant-Piare) ch’est l’pus importante église dins ch’catolicime, al est ch’tcheur au catolicime pi à l’Église catolike.
A s’truve à Rome dins chl’Étot du Vatican. A contient ch’tronne pi l’tombe à Saint-Pière, considérè conme ech prunmier Pape. Ch’est ch’liu douqu’ofichie ch’Pape catolike.
Ch’est l’basilike au Pape au Vatican, a n’est don mie l’catédrale ed Rome qu’est l’arkibasilike ed Saint-Jean d’Latran. Al o ‘tè batite edseur l’anchienne basilike palio-crétienne qu’avoét ‘tè batite edseur el tombe à ch’Saint-Pière à chl’indroét douqu’il o subi ch’martire edsous Néron. A n’est point l’pus grande basilike dins ch’monne, ch’est Nou-Danme d’el Poais in Cote d’Ivoére (qu’est unne copie d’el basilike ed Saint-Pière).
This article uses material from the Wikipedia Picard article Basilike ed Saint-Pière, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Picard (DUHOCTRUNGQUOC.VN) is an independent company and has no affiliation with Wiki Foundation.