Julino Willem Anthony, konosí bou su nòmber artístiko William Anthony, (☆ 23 di febrüari 1956 na Boneiru) ta un kantante, aktor i outor boneriano.
Pais di nashonalidat | Reino Hulandes |
---|---|
Nòmber den idioma propio | Willem Anthony |
Nòmber di nasementu | Julino Willem Anthony |
Nòmber di dilanti | Willem |
Fam | Anthony |
Fecha di nasementu | 23 febrüari 1956 |
Lugá di nasementu | Boneiru |
Dominio di idioma | Hulandes |
Okupashon | kantante, aktor |
Instrumento | bos |
Despues di kaba su estudio di LTS na Kòrsou Anthony ta bai traha na Shell Curacao N.V. Desde un edat hopi jong e tabatin un amor pa kantamentu; su promé presentashonnan tabata na Boneiru i esaki el a sigui desaroya na Kòrsou. Na 1972 e ta inisia su karera artístiko bou e nòmber "William Anthony". Na 1974 e ta partisipa na e festival Voz di Oro. Despues el a representa Boneiru na diferente festival, entre otro na Puerto Rico i Venezuela, i unda el a gana premio. Komo kantante Anthony ta pone atenshon spesial pa e piesa i kantikanan antiano inolvidabel. Algun di e kantikanan aki ta: Sobre las alas del Viento (J.S. Corsen), Bon Aña (J. Palm), Riba Awa (v.d. Pavert / Palm), Schoon is De West, Snijderslied, Esta Dushi (Pedro Pablo Medardo de Marchena) i Mi Deseo (konosi komo Mi Densio). Bou di su propio direkshon el a saka algun CD musikal.
Na 1986 Anthony ta muda pa Hulanda. Aki el a sigui desaroya su multitalento. Entre otro el a presenta komo aktor y figurante den diferente produkshon pa televishon hulandes, entre otro komo polis den e eksitoso seri Goede tijden, slechte tijden. Ya na 1978 el a revela esaki ora el a aktua den e seri di televishon Duel in de Diepte, hungando e rol di Marco. Su eksperensianan na Hulanda i tur su eksperensianan artístiko ta inspire pa skirbi i a resulta den e bukinan Musika Maestro i Hoezo discriminatie?
Referensia
|
This article uses material from the Wikipedia Papiamentu article Willem Anthony, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.