Silvio Alberto (Tip) Marugg (☆ 16 di desèmber 1923 na Willemstad – † 22 di aprel 2006 na Willemstad) tabata un eskritor i poeta antiano.
Pais di nashonalidat | Antias Hulandes |
---|---|
Fam | Marugg |
Fecha di nasementu | 16 desèmber 1923 |
Lugá di nasementu | Willemstad |
Fecha di fayesimentu | 22 aprel 2006 |
Lugá di fayesimentu | Willemstad |
Dominio di idioma | Hulandes |
Okupashon | eskritor |
Distinshon | Premio Cola Debrot |
E la nase komo e di sinku di shète yiu. Su mayornan tur dos tabata katóliko pero Marugg a wòrdu kriá katòliko komo protestant. E la haal su diploma di mulo na aña 1942 e mester a drenta 5 aña di servisio militar. Despues e la traha basta aña na Shell. Ora e tabata traha na e pagina di personal di Shell yamá 'Passaat', e la deskubri su talentonan pa skirbi. E la debutá na 1958 ku su buki di novela Weekendpelgrimage. Na 1967 e la sigui ku In de straten van Tepalka. Pero te na 1988 e la saka su di très novela, De morgen loeit weer aan ku a haña nominashon pa e premio di literatura di AKO. Marugg tabata kasi 20 aña ku penshun na e momentu ei i a tuma retiro for di skirbimentu. Su bukinan a wòrdu tradusí den entre otro ingles i ruso.
Meskos ku Boeli van Leeuwen, kende tabata su amigu, e bida riba e isla di Kòrsou tabata hunga parti sentral den su storianan. E la buska un manera pa demostrá e paradohanan entre e eksistensia individual i e bida den komunidat. Su estilo si ta otro. Kaminda Van Leeuwen ta lusi su mes ekstravagante i ku hopi atenshon pa grupo, Marugg tabata mas moderá, melankóliko i mas di fokus riba e ser individual.
E delaster añanan di su bida e tabata keha di un bistá ku tabata sigui bai atras, kual a kousa ku e no tabata den un estado mas pa skirbi i lesa. Tambe e la pèrdè un pia un aña promé ku e la fayesé dor di un infekshon.
Aunke e tabata kriá kristian, Marugg no tabata tin kreensia. Su falta di religion tabata un gran motivashon pa skirbi, asina e tabata buska sentido den su bida.
This article uses material from the Wikipedia Papiamentu article Tip Marugg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.