SV Estrella (oficialmente Sport Vereniging Estrella) ta un club di futbol di e bario di Papilon den Santa Cruz, Aruba.
E ta hunga den e Division di Honor y a titula 12 biaha campeon nacional. E ta e ekipo Arubano cu mihor prestacion riba nivel internacional y ta pertenece na e tres grandinan den futbol na Aruba, hunto cu RCA y Dakota.
Fecha di fundashon òf kreashon | 1948 |
---|---|
Deporte | futbòl |
Pais | Aruba |
Liga | Division di Honor (Aruba) |
Akomodashon | Stadion Guillermo Prospero Trinidad |
Sede | Oranjestad, Santa Cruz |
Kategoria pa miembro di un tim | Category:SV Estrella players |
SV Estrella a ser funda dia 1 di september 1948 na Santa Cruz, inicialmente bou di e nomber Sint Jozefbond "Estrella". Fundadonan tabata Laudoro Wester, frère Fredericus y algun otro frères. Frère Fredericus tabata e prome presidente. E club ta inaugura su propio veld di bala na 1949 y su propio edificio na 1955. Tanto pafor como paden e tabata organisa actividadnan deportivo, entre nan biljart, pingpong, ahedrez, domino, futbol, softbol, basketbol i volleybol. Tambe tabatin comedia y celebracion di Carnaval. Bou presidencia di Eddy Werleman a lanta stichting Frère Fredericus na 1997 pa renoba e clubhuis y haci e club funciona atrobe.
Desde su inicio SV Estrella tabata activo cu un ekipo di futbol, division junioren y a cuminsa participa na e torneonan di AVB na 1949. Na aña 1952 e ekipo ta titula campeon na varios ocacion, promoviendo na aña 1957 pa e liga maximo, Division di Honor. A haci uso di entrenadornan manera Juan Briezen, Angel Botta, frère Paulus, Chinto Werleman, Fenchi Dubero y Dodo Franken. Estrella a corona campeon di Aruba na 12 ocacion, principalmente durante decada ochenta y nobenta di siglo 20. E ta un di e dos unico ekipo Arubano cu a bira campeon di Antias Hulandes ora Aruba tabata un parti constituyente di esaki. Danki na e titulo aki Estrella tabata e prome club Arubano pa participa na 1971 na CONCACAF Champions Cup, alcansando final di e torneo den su unico participacion. Durante e torneo el a provecha di e derota di su contrincante den e fase preliminario pasando pa e fase di grupo, unda el a termina den ultimo posicion sin anota punto. Den exterior e club ta bira tambe conoci dor di su bishita na paisnan manera Costa Rica, Venezuela, Colombia y Guatemala.
Desde 2019 Lorenzo (Denchi) Werleman ta presidente di e club.
Copa Antiano: 1
Fuente, nota i/òf referensia |
This article uses material from the Wikipedia Papiamentu article SV Estrella, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). E kontenido ta disponé bou di CC BY-SA 4.0, a menos ku ta unique ta alkontrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Papiamentu (DUHOCTRUNGQUOC.VN) is an independent company and has no affiliation with Wiki Foundation.