Ing Leying Godwin (a king Ingles ausan dang Godwin's law, Godwin's Rule of Nazi Analogies o Godwin's Law of Nazi Analogies) metung yang argumentu o pamangaintuliran a gewa nang Mike Godwin anyang 1990 a megi nang kasebyan king Aptas (Internet adage) .
Sasabian nang "Kuntoru kakaba ing pisasabyan, alus siguradung daragul ing posibilidad a pakiyanti ya iti o ikumpara kareng Nazi o kang Hitler." ("As an online discussion grows longer, the probability of a comparison involving Nazis or Hitler approaches 1.") King makuyad a salita, apansinan na apagumasdan Godwin a, nung mika ustung panaun, sanumang pamisabi-sabi o diskusyun king Aptas panibatan ne ning pamiyanti o pamagkumpara kang Hitler ampo kareng Nazi.
Maralas, gagamitan de ing Leying Godwin antimong pamagpigil kareng argumentu king maleparan a pormang Reductio ad Hitlerum.[mangailangangan yang sitas/suporta] Ing Reductio ad Hitlerum pagtangkan neng sambutan ing argumentu uling iti ginamit ne o dela neng Hitler. Ala yang sasabyan ing patakaran o leyi nung bage ya ing pangabanggit o pamagkumpara kang Adolf Hitler o deng Nazi, sasabyan na mung malyaring marapat iti, king lambatan ning diskusyun, bage ya man o ali. Uli na niti, sasabyan nang Godwin a kailangang lisyan ing pamanabusu o sobrang pamangamit kareng pamagkumparang deti kareng Nazi o kang Hitler, uling lalako na da ing epektu da reng makatud o matulid a pamagkumpara o pamiyanti.
Lipat ning king metung kareng mumuna nang uri o porma ning leying Godwin makaturu yang partikular kareng diskusyun kareng Usenet newsgroup, ref name="Godwin 1991">Godwin, Mike (August 18, 1991). "Re: Nazis (was Re: Card's Article on Homosexuality". rec.arts.sf-lovers. (Web link). Archived from the original. . gagamitan de ngeni ing leyi king sanumang threaded online discussion, kayabe la reng kareng forum, chat room ampong blog comment thread, at mababanggit ya king e bageng pamagkumpara o pamiyanting Nazi kareng artikulu o talumpati o speech.
Internet Portal |
This article uses material from the Wikipedia Kapampangan article Leying Godwin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.