Tractats De Roma

Pels articles omonims, vejatz Tractats de Roma (omonimia).

• Tractat instituent la Comunautat Economica Europèa (TCEE). Es l’acte fondator de la Comunautat Economica Europèa (CEE). Foguèt signat per Alemanha, França, Itàlia e los membres de Benelux: Belgica, Luxemborg e Païses Basses. Aqueste tractat instituiguèt lo Mercat Comun e definiguèt las basas de la Politica Agricòla Comuna (PAC) executada en 1962.
• Tractat instituent la Comunautat Europèa de l'energia atomica (TCEEA). Foguèt signat en 1957 a Roma, al meteis temps que lo Tractat instituent la Comunautat Economica Europèa, d'ont lor nom informal comun de Tractat de Roma (1957).

Lo Tractat de Maastricht del 7 de febrièr de 1992 nomenva la Comunautat Economica Europèa en Comunautat Europèa. La denominacion del Tractat es doncas venguda oficialament: «Tractat istituent la Comunautat Europèa».

Lo Tractat foguèt modificat successivament per :

• L’Acte Unic europèu signat a Luxemborg, entrat en vigor lo 1^èr de julhet de 1987;
• Lo Tractat de Maastricht, entrat en vigor lo 1^èr de novembre de 1993, instituent l’Union Europèa;
• Lo Tractat d'Amsterdam, entrat en vigor lo 1^èr de mai de 1999, modificant lo tractat sus l’Union Europèa, los tractats instituent las Comunautats Europèas e cèrts actes connèxes;
• Lo Tractat de Niça, entrat en vigor lo 1^èr de febrièr de 2003;
• Lo Tractat de Roma de 2004, tanben dich Tractat establissent una Constitucion per Euròpa, signat lo 29 d'octobre de 2004 pels caps d'Estat membres de l’Union Europèa. L'entrada en vigor d'aqueste darrièr tractat demòra çaquelà incertana aprèp lo reget per referendum del tractat en França e als Païses Basses en 2005.

• Lo tèxt (consolidat) del Tractat instituent la Comunautat Europèa (TCE).
• Lo tèxt original de 1957.