Lo gas mostarda (simbòl quimic : C4H8Cl2S) es un compausat quimic toxic e vesicant que pòu infligir de cremadas grèvas ais uelhs, a la pèu e ai mucosas, compres a travèrs de vestits ò de proteccions de cauchó (bòtas, masca-gas... etc.). Es principalament utilizat coma arma quimica e foguèt fòrça utilizat durant la Premiera Guèrra Mondiala, pendent divèrsei conflictes coloniaus e dins lo corrent de la Guèrra Iran-Iraq.
Gas mostarda | |||
---|---|---|---|
General | |||
Formula bruta | C4H8Cl2S | ||
Nom IUPAC | 1-cloro-2‑[(2‑chloroetil)sulfanil]etan | ||
Numèro CAS | 505-60-2 | ||
Aparéncia | liquid viscós incolòr e inodòr | ||
Unitats del SI & CNTP,exceptat indicacion contrària. | |||
Identificants | |||
|
Son utilizacion coma arma quimica es d'ara endavant estrictament enebida mai plusors país gardan de resèrvas importantas d'aqueu gas dins lo cas d'un conflicte quimic. Sota sa fòrma pura e a temperatura ambianta, es un liquid viscós incolòr e sens odor que provoca, après un certan temps (de quauques minutas a quauques oras), de bofigas sus la pèu. Ataca tanben leis uelhs e lei paumons.
Son nom ven dau fach qu'una fòrma impura d'aquèu gas aviá una odor que semblava a la de la mostarda, de l'alh o dau ravaneu. Es tanben nomenat de còps que i a iperita (derivat dau nom de la vila d'Ypres (Ieper) en Belgica ont fuguèt emplegat per premier còp au combat en setembre de 1917), mostarda au sofre, Kampfstoff LOST, o gaz LOST. Pòu estre letau mai sa premiera foncion es d'estre fortament incapacitant.
This article uses material from the Wikipedia Occitan article Gas mostarda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.