Francés Fontan (París, 7 de febrièr de 1929 - Coni, 19 de decembre de 1979) foguèt un teorician nacionalista occitan originari de Gasconha.
Es lo fondator dau Partit Nacionalista Occitan (PNO). Èra a Fraisse (Val Varacha), dins la val Varacha (Valadas Occitanas).
Francés Fontan nasquèt dins una familha d’origina gascona (de Ròcafort de Garona) que lo paire trabalhava per la SNCF e la maire èra d’origina aristocratica. La tradicion monarquista familiala faguèt que lèu (cap a quinze o setze ans) s'inscriguèsse dins lo Movement Socialista Monarquic que laissariá puèi per se dirigir cap a l'anarquisme e mai lo trotskisme. Foguèt gràcias a Pèire Bèc que li revelèt que çò que se parlava en çò sieu èra una lenga sonada occitan, e que comencèt son activitat occitanista. Se mudèt a Niça per s'ocupar de qualqu'un de la familha e ailà se passegèt pel Partit Comunista Francés e a la Nouvelle Gauche abans de fondar en 1959 lo Partit Nacionalista Occitan en cò de Ben Vautier. Secutat per la justícia francesa (per ajuda al FLN argerian e per un cas supausat d’omosexualitat) partiguèt per las Valadas Occitanas e s’installèt a Fraisse ont se moriguèt en 1979. Pro curiosament aqueste personatge, en partida a l'origina de l'occitanisme actual, gaireben sabiá pas parlar occitan.
This article uses material from the Wikipedia Occitan article Francés Fontan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.