Estocòlme: Capitala de Suècia

Sa conurbacion, a caval sus lo lac Mälaren e la mar Baltica, passa lo milion d'abitants. La vila s'estend per un ensemble d'illas, de las qualas la mai significativa es la que forma la Gamla Stan, o vila vièlha. L'edifici sèti de l'Ostau de Vila es famós internacionalament, ja que es ont se fa la remesa dels prestigioses Prèmis Nobel.

Estocòlme
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Armas
Geografia fisica
Coordenadas	59° 19′ 46″ N, 18° 04′ 07″ E
Superfícia	187,74 km²
Geografia politica
País	Suècia
Comtat	Estocòlme
Geografia umana
Populacion (2014)	942 370 ab.
Autras informacions
start.stockholm

La ciutat d'Estocòlme (Stockholms kommun) compta 871.952 abitants (31-12-2012). mas lo nom d'Estocòlme es generalament donat a l'ensemble del comtat d'Estocòlme, que ne regropa 2.011.047 (30-09-2009).

En tant que capitala suedesa, lo govèrn i residís e lo parlament s'i reunís. Es tanben la residéncia del cap de l'Estat, lo rei Carles XVI Gustau de Suècia.

La ciutat es la capitala de Suècia dempuèi lo sègle XIII.

Situacion

Estocòlme se tròba sus la còsta orientala de Suècia, a l'endrech ont lo lac Mälar rejonh la mar Baltica. La quita vila s'estend sus quatorze illas qu'apertenon totas a l'archipèla d'Estocòlme, ont l'aiga representa aperaquí 30 % de la superfícia de la vila amb una proporcion identica pels espacis verds. Cinquanta-set ponts permeton de religar los diferents quartièrs^,.

La vila foguèt fondada sus la pichona illa de Stadsholmen (ont se tròba Gamla stan, la vila vièlha), e s'es puèi desvolopada al nòrd cap a Norrmalm e Östermalm, e al sud cap a Södermalm.

L'importanta archipèla, constituida d'aperaquí 24 000 illas, es un luòc de detenta particularament presat dels abitants de la vila, que s'i rendon la dimenchada o lo dimècres après -dinnar.

Clima

Lo clima d'Estocòlme es de tipe continental, del fach de la latitud fòrça septentrionala, e del relatiu alunhament de l'ocean Atlantic. Las sasons son fòrça marcadas amb d'ivèrns freds e d'estius suaus a cauds, aquò degut a una granda diferéncia dins la durada de la jornada entre lo solstici d'estiu (18+ oras de jorn) e lo solstici d'ivèrn (6 oras de jorn). Los recòrds de temperatura a Estocòlme son de 36 °C al maximum e −32 °C al minimum . Pasmens, la temperatura es pas jamai davalada en dessós de - 25 °C dempuèi l'ivèrn de 1986-1987. Lo nombre d'oras d'ensolhelhament es 1830 oras.

Nòtas

Galariá

•  
  Una mapa d'Estocòlme en 1910.
•  
  Lo centre istoric de la vila d'Estocòlme.
•  
  La falha sus Södermalm al dessús de Söder Mälarstrand.