225088 Gonggong (simbòl: ), o (225088) 2007 OR10, es un objècte transneptunian qu'a una magnitud absoluda de 1,9, aquò le prequalifica per èsser integrat dins la lista dels planetas nans e dels plutoïdes.
Gonggong es estat descobèrt per l'equipa del CalTech (M.E. Schwamb, Michael E. Brown, David L. Rabinowitz) lo 23 d'agost de 2008.
En esperant una denominacion oficiala per l'UAI, Brown a escaissat l'objècte "Blanca Nèu" (en anglés "snow white").
Amb una magnitud absoluda de 1,9, Gonggong brilha mens que Sedna (1,6 per 1600 km) mas mai qu'Orcus (2,3 per ~950 km). Sa talha es estimada dins una forqueta de 975 km a 1400 km.
Gonggong seguís una orbita semblabla a la del planeta nan, Èris caracterizat per un grand mièg-axe de 67,33 UA, una excentricitat de 0,5 e una inclinason d'environ 30° per rapòrt a l'ecliptica.
Gonggong se tròba a 85 UA actualament del Solelh Ephemerides e lo darrièr passatge a la perielia remonta a 1856. Dins lo classament dels objèctes aluenhats del Solelh, es a la tresena plaça entre los de grandas dimensions, depassat solament d'Èris (96 UA) e Sedna (88 UA).
This article uses material from the Wikipedia Occitan article 225088 Gonggong, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.