Rennes
Rennes (en Bréton: Roazhon; en Gallo: Resnn) est eune grand' ville en Brétangne tch'est la capitale du dêpartément d'Ille-et-Vilaine.
Ch't' articl'ye fut c'menchie en Jèrriais |
Ch'est ieune des deux capitales historiques d'la Brétangne (auve Nantes) et achteu ch'est la capitale d'la région d'Brétangne.
_2005.jpg)
La ville a eune populâtion d'206,229 pèrsonnes (en 1999). La populâtion d'la ville et du vaîthinné ensembl'ye est dans les 550,000.
La ville fut fondé où'est qu'les riviéthes Ille et Vilaine lus r'jouaingnent - Rennes est acouo împortant pouor lé transport car y'a eune grande stâtion pouor lé TGV. Ouaithe qu'la ville né sait pon hardi grande, oulle a un c'mîn d'fé à maîntchi souôtèrrain tch'est 9.4 km d'long auve 15 stâtions.
Y'a deux grandes unnivèrsités dans la ville tch'ont dans les 60,000 êtudgiants et y'a d'aut's collèges et înstituts étout.
Parlément d'Brétangne
Iun des pus fanmeurs bâtisses d'la ville est l'Parlément d'Brétangne. La bâtithie fut c'menchi en 1618, mais l'parlément siégeaient là-d'dans raîque en 1655. En 1790 lé parlément fut aboli. Quand eune racachie d'pêtcheurs fîtent un grand protêt dans la pièche du Parlément en 1995, lé bâtisse fut brûlé. Auprès eune èrbâtithie, lé bâtisse fut r'ouvèrt et core pus fanmeur achteu.
Éducâtiaon
- Unnivèrsité d'Rennes 1: Drouait, Êcononmie, Biologie, Chimie, Caltchul, Méd'cinne, Phŷsique
- Unnivèrsité d'Rennes 2 Ĥâote-Brétangne: Laungues, Psychologie, Sociologie, Histouère, Géographie, Sport
This article uses material from the Wikipedia Nouormand/Normaund article Rennes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.