Cél articllo est ècrit en arpetan supradialèctâl / ORB lârge. |
Rènes | |
[rɛn] | |
Blâson | Logô |
Gentilyiço | Renês, Renêsaen ORB lârge Rennais, Rennaiseen francês |
---|---|
Noms arpetans | |
En CFLL | Rène |
Noms ètrangiérs | |
Nom latin (racena) | Condate Redonum Redones |
Nom francês | Rennes |
Nom galô | Resnn, Renn |
Nom breton | Roazhon |
Administracion | |
Règion culturâla | Bretagne |
Règion historica | Payis renês |
Payis | France |
Règion | Bretagne |
Dèpartament | Ila-et-Vilègne (prèfèctura) |
Arrondissement | Rènes (ch·èf-luè) |
Entèrcomunalitât | Rènes Mètropola (sièta) |
Sendeco Mandat | Nathalie Appéré (PS) 2014-2020 |
Code postâl | 35000, 35200, 35700 |
Code comena | 35238 |
Dèmografia | |
Populacion municipâla | 209 860 hab. (2012) |
Densitât | 4 165 hab./km2 |
Populacion agllomèracion | 700 675 hab. (2013) |
Geografia | |
Coordonâs | |
Hôtior | Min. 20 m Max. 74 m |
Supèrficie | 50,39 km2 |
Èlèccions | |
Dèpartamentâles | Burô centralisior d’onze cantons |
Localisacion | |
Lims | |
Seto Vouèbe | http://metropole.rennes.fr/ |
changiér |
Rènes [rɛn], (Rennes [ʁɛn] en francês, Resnn [rɛn], Renn [rən] en galô, Roazhon [ˈrwɑː.zən] en breton) est na comena francêsa et bretona du cuchient de la France, ch·èf-luè du dèpartament d’Ila-et-Vilègne et de la règ·ion Bretagne. Cela vela sè trôve dens lo Levant de la Bretagne, u regonfllo de l’Ila et de la Vilègne.
Placiêe dessus l’arc atlantico eropèen, a 55 kilomètros de les coutes de la Mange, Rènes compte 209 860 habitents dedens-les-muralyes en 2012, cen que fât de lyé la premiére vela de la règ·ion Bretagne, la seconda vela du Grant Cuchient et l’onziéma comena la ples poplâye de France en nombro d’habitents. L’unitât urbèna est poplâye de 322 247 habitents en 2013 et son sôl urben, que comprend 700 675 habitents en 2013, est lo diéziémo u nivél nacionâl. Rènes est la sièta d’una mètropola de 426 502 habitents (2013), fassent d’ense partia de les 11 grantes mètropoles francêses de drêt comon (dês janviér 2015).
L’histouère de Rènes côvre un temps de plusiors siècllos. Dens lo temps galo-romen, la citât fondâye per los Rèdons pôrte lo nom gôlouès de Condate. La vela vêt son povêr politico s’acrêtre u Moyen Âjo en vegnent côp sus côp châtelâr de la Mârche de Bretagne pués capitâla du Duch·iê de Bretagne. Desot lo Viely Règ·imo, l’union de la Bretagne a la France renge a châ pou Rènes u rang de granta vela provinciâla. L’emplantacion du Parlement de Bretagne a Rènes u XVIémo siècllo et pués du palès du Parlement de Bretagne u XVIIémo siècllo at portant pèrmètu a la Bretagne de consèrvar tant qu’a la Rebênâda francêsa na sé-quint’ôtonomia a l’ègârd du povêr reyâl du temps. Rènes at notament jouyê un rolo important dens la Rebêna du papiér timbrâ en 1675. Victima d’un tèrriblo fuè en 1720, lo bôrg mèdièvâl en bouesc de la vela est a mêtiêt rebâti en piérra (granit et tof de piérr’a chôlx). Réstâye en maj·oritât campagnârda tant qu’a la Seconda Guèrra mondiâla, Rènes s’est franc dèvelopâye u XXémo siècllo.
O est dês los ans 1950 que la vela de les administracions at cognu na prospèritât èconomica, urbèna et dèmografica liyêe notament a l’ègzodo campagnârd et pués a na novèl’endustrialisacion (fabreca ôtomobila de PSA La J·anês). Pendent los ans 1980-90, Rènes at prês na posicion stratègica dedens les tèlècomunicacions (crèacion du Minitèl, Transpac). Dês adonc, el est vegnua un polo important du sèctor tèrcièro en sè verient vers lo numerico et les tècnologies novèles (tècnopola Rènes Atalante, polo de compètitivitât Émâges et Baragnes, lambelisacion French Tech, ERT B-Com, chouèx du mètrô ôtomatico VAL). Enqu’houé, la zona de travâly de Rènes comprend 781 011 habitents (2012). El est yona de les ples rentâbles et dinamiques de France, avouéc na quota de chômâjo u tôrn de 8% en 2016. Cen est confirmâ per lo fêt que Rènes est, en 2011, la premiére vela de province por sa produccion de rechèce per habitent.
Outre los fllancs dèmograficos, historicos et èconomicos, Rènes est avouéc les grantes veles ètudientes francêses en étent en 2012 la huétiéma vela univèrsitèra avouéc 63 000 ètudients. Lambelisâye vela d’ârt et d’histouère, el at consèrvâ un important patrimouèno mèdièvâl et cllassico u dedens de son centro historico. 90 bâtiments sont d’ense protègiês coment monuments historicos,.
Enfin, Rènes est étâye èlua en 2012 « vela la ples agrèâbla a vivre de France » d’aprés lo cllassement de la gazèta L’Express.
Los habitents de la vela sont apelâs los Renês [lu rnɛ] et les Renêses [le rnɛːz].
En lengoua des segnos francêsa, la vela sè signe coment un rène.
This article uses material from the Wikipedia Arpetan article Rènes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contegnu est disponiblo desot licence CC BY-SA 4.0 betâ a pârt mencion contrèra. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Arpetan (DUHOCTRUNGQUOC.VN) is an independent company and has no affiliation with Wiki Foundation.