Pliémue
Pliémue ( Pliémue; Guernésiais : Pllêmue; en Angliais : Plymouth) est eune ville sus la côte du Sud d' l'Angliétèrre dans l' Devon.
Ch't' articl'ye fut c'menchie en Jèrriais |
La ville a 'té eune cité d'pis 1928 et d'pis 1988 ch'est eune meunicipalité tchi s'gouvèrne.
La caûchie d' la Mathinne Rouoyale à Devonport dans l' Vouêt d' la cité est la pus grande caûchie navale dans l'Unnion Ûropéenne.
L'Unnivèrsité d' Pliémue fut fondée en 1992. Achteu ch'est la pus grande unnivèrsité du Seur-Vouêt d' l'Angliétèrre (30,000 êtudgiants).
Histouaithe
S'lon lé Livre dé Domesday lé mangni d' Sutton 'tait un fieu rouoya. Henri I d'Angliétèrre baillit l'fieu ès Valletorts, eune fanmil'ye du vaîthinné, tchi donnîtent du tèrrain au prieuré d' Plympton, eune ville sus la riviéthe Plym. En 1254 la ville èrchut l' drouait d' graie un marchi épis en 1439 la ville auve sa contrée èrchut sa charte meunicipale – ch'fut la preunmié charte accordée à eune ville en Angliétèrre par un acte du parlément. Mais la riviéthe s'envâsit et la caûchie d' l'engoulême du Plym (Plym-mouth) d'vînt la caûchie împortante d'la ville.
La Hougue dé Pliémue (en Angliais: Plymouth Hoe) est, s'lon la tradition, la pliaiche où'est qu' Francis Drake finnit sa gamme dé boules d'vant aller battre la Grand' Fliotte Espangnole en 1588.
Duthant la S'gonde Dgèrre Mondiale, la ville fut bombardée séthieusement et pèrdit des bâtisse historiques. Lé mitan fut r'bâti auprès la dgèrre.
This article uses material from the Wikipedia Nouormand/Normaund article Pliémue, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.