Art Nouvé
Ch't' articl'ye fut c'menchie en Jèrriais |
L' Art Nouvé (
Art Nouvé) 'tait un mouvement artistique tchi d'vînt populaithe en Ûrope et en Améthique du Nord duthant l's années 1890.
William Morris et l'mouvement Arts and Crafts avaient prîns du Néo-Gothique un întéthêt dans les designs du Mouoyen Âge et r'nonchant la production îndustrielle et r'gardant d'èrché les flieurs et les pliantes pouor l'înspithâtion. Quand des designs du Japon arrivîtent en Ûrope, chenna înfluencit l'design étout et nou dêv'loppit eune manniéthe dé design tch'avait des lîngnes organniques tchi touônnaient et r'touônnaient coumme des tigues dé pliantes.
Les nouvelles méthodes dé production îndustrielle aîdgîtent la faîs'sie d'ité et l'Art Nouvé d'vînt faichonnabl'ye pouor les meubl'yes, la bijout'tie et l'architectuthe. En Allemangne et Autriche, lé magâsîn Jugend rapportit la faichon et l'Art Nouvé Autrichien a nom en Allemand Jugendstil.
En France, l'Art Nouvé fut fait sèrvi pouor lé conmèrce dans d's annonches. L'artiste Tchèque, Alphonse Mucha, fit bein d's affiches s'lon eune manniéthe d'l'Art Nouvé.
Gal'lie
-
Jugendstil à Bèrlîn -
design à Charles Rennie Mackintosh -
à Barcélonne, Antoni Gaudí fit des bâtisses fantastiques
This article uses material from the Wikipedia Nouormand/Normaund article Art Nouvé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.