Bristo
Bristo ( Bristo; en Angliais: Bristol) est eune ville d'Angliétèrre.
Ch't' articl'ye fut c'menchie en Jèrriais |
Histouaithe
La ville fut fondée par les Saxons sus la riviéthe Avon (lé nom Brycgstow veurt dithe la pliaiche du pont), et Bristo d'vînt un centre dé conmèrce sustout dans l'escliavage jusqu'à la Contchête Nouormande. Les Nouormands y bâtîtent un châté (passecrit au 17e siècl'ye) , et s'lon lé Livre dé Domesday, Bristo 'tait la quatrième ville en Angliétèrre auprès Londres, Évèroui, et Winchester. Lé vîn fut împorté en Angliétèrre d'Bordgieaux par Bristo au 12e siècl'ye.
Pouor lé 14e siècl'ye, Bristo 'tait la traîsième ville d'Angliétèrre.
En 1497, Jean Cabot et san fis Sébastchien Cabot tchittîtent Bristo pouor vailer explôrer l'Améthique du Nord.
D'pis 1542 Bristo a 'té eune cité. Lé conmèrce auve l'Irlande, la Tèrre-Neuve et d'aut's bords du monde êtablyit la prospéthité d'la ville. La ville èrtouônnit à l'escliavage et trafitchait d's Afritchains en Améthique. L'abolition du conmèrce d'escliaves en 1807 et la compétition des nouvelles villes îndustrielles du Nord d'l'Angliétèrre et sustout d'la caûchie d'Liverpool mèrtchit la fîn d'l'âge d'or d'Bristo.
La preunmié chapelle Méthodiste fut êtablyie par Jean Wesley à Bristo en 1739.
Lé Pont d'Clifton bâti l'travèrs d'la vallée d'l'Avon par Isambard Kingdom Brunel est ieune des mèrvelles dé l'înginn'nie d'la Révolution Îndustrielle.
Y'a deux unnivèrsités à Bristo:
This article uses material from the Wikipedia Nouormand/Normaund article Bristo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.