ߡߏ߬ߙߌ߬ߓߊ߬ߦߛߊ ߦߋ߫ ߡߊ߲߬ߘߋ߲߫ ߣߊߡߎ߲ ߣߴߊ߬ ߟߊ߲߬ߘߊ ߞߘߐߞߘߐ ߘߏ߫ ߟߋ߬ ߘߌ߫߸ ߡߍ߲ ߕߘߍ߬ ߦߋ߫ ߞߍ߫ ߟߊ߫ ߘߊߞߊ߲ ߕߊ ߟߎ߬ ߘߐ߫.
ߟߊߒߡߊ߫ ߘߐ߫ ߣߌ߫ ߡߏ߬ߛߏ ߘߏ߫ ߟߐ߬ ߘߴߊ߬ ߡߊ߫ ߘߋ߲߫ ߛߐ߬ߘߐ߲߬ ߖߏߣߊ߫߸ ߏ߬ ߘߌ߫ ߛߴߊ߬ ߘߊߞߊ߲ ߕߊ߬ ߟߊ߫ ߞߏ߫ ߣߴߊ߬ߟߋ߬ ߞߊ߬ ߘߋ߲߫ ߛߐ߬ߘߐ߲߬߸ ߞߴߊ߬ߟߋ߬ ߘߌ߫ ߡߏ߬ߙߌ߬ߓߊ߬ߖߊ߯ߛߊ ߘߐ߲߫. ߒ߬ߓߊ߬ ߣߌ߫ ߘߋ߲ ߏ߬ ߟߋ ߛߐ߬ߘߐ߲߬ ߘߊ߫ ߛߊ߫߸ ߡߏ߬ߛߏ ߏ߬ ߘߴߊ߬ ߡߊߛߘߌ߬ ߝߊ߬ߣߌ߲߬ߞߏߙߏ߲ ߠߎ߬ ߘߐ߫ ߞߊ߬ ߛߏ ߟߊߡߌߣߌ߲߫ ߡߏ߬ߙߌ߬ߓߊ߬ߖߊ߯ߛߊ ߘߐ߲ߞߟߌ ߘߌ߫ ߛߊ߫. ߞߊ߬ ߓߍ߲߬ ߟߊ߲߬ߘߊ ߡߊ߬߸ ߣߌ߫ ߛߏߟߊߡߌߣߌ߲ ߏ߬ ߞߎ߲߭ߘߏ߲߬ ߘߊ߫߸ ߡߏ߬ߛߏ ߘߌ߫ ߥߊ߫ ߝߊߘߌߦߊߓߐ ߏ߬ ߟߎ߫ ߓߙߌ߬ ߦߙߌߛߎ߲ ߘߏ߫ ߞߘߐ߫.
ߞߊ߬ ߓߍ߲߬ ߡߐ߰ߓߊ ߟߎ߬ ߟߊ߫ ߝߐߟߌ ߡߊ߬: ߞߏ߫ ߗߍ߬ ߞߣߐߘߐߘߌ ߘߏ߫ ߟߋ߬ ߕߘߍ߬ ߦߋ߫ ߡߊ߲߬ߘߋ߲߫ ߘߎ߱ ߘߏ߫ ߟߊ߫ ߞߏ߫ ߡߏ߬ߙߌ߬ߓߊ߫߸ ߡߏ߬ߛߏ ߟߎ߬ ߟߊ߫ ߓߊ߯ߙߊ߫ ߡߌߛߍ߲ ߠߎ߬ ߓߍ߯ ߞߎ߲ߣߍ߲߫ ߕߘߍ߬ ߦߴߏ߬ ߟߋ ߘߐ߫, ߦߏ߫ ߝߊ߰ߣߌ߲߬ ߠߊ߬ߓߊߘߌ ߣߌ߫ ߝߍ߫ ߞߙߊ ߣߌ߫ ߖߐ߬ ߘߊ߲ ߣߌ߫ ߗߋ߬ߟߎ߬ ߘߊ߲ ߠߎ߬ ߣߌ߫ ߝߘߍ߬ ߘߊ߲.... ߠߎ߬ ߣߴߊ߬ߟߎ߫ ߢߐ߲߬ ߘߐ߫ ߕߡߌߣߊ߲ߘߌߦߊߞߏ ߟߎ߬. ߞߏ߫ ߝߴߊ߬ ߕߘߍ߬ ߘߌ߫ ߜߏ߬ߦߌ߬ߖߍ߲ ߞߍ߫ ߞߊ߬ ߡߏ߬ߛߏ ߟߎ߬ ߟߊ߫ ߝߊ߰ߣߌ߲߬ ߞߏߙߏ߲ ߠߎ߬ ߟߊߓߊ߬ߘߌ߫ ߞߙߊߛߌߟߊ߫ ߕߴߊ߬ ߟߊ߫. ߡߏ߬ߛߏ ߟߎ߬ ߟߊ߫ ߢߊ߬ߘߐ߬ߞߏ ߛߎ߯-ߎ-ߛߎ߯ ߓߊ߯ ߥߟߌ߬߸ ߊ߬ߟߎ߬ ߘߌ߫ ߡߏ߬ߙߌ߬ߓߊ߬ ߖߊ߲߬ߛߊ߲߫ ߡߍ߲ߕߍ߲߫.
ߡߏ߬ߙߌ߬ߓߊ߬ ߕߏ߫ ߘߴߏ߬ ߟߋ ߘߐ߫ ߛߊ߬ߦߊ ߣߊ߬ ߘߴߊ߬ ߕߍ߮ ߕߊ߬ ߞߵߊ߬ ߟߊ߫ ߞߏ ߢߊ߭ ߖߊ߬ ߡߏ߬ߛߏ ߟߎ߬ ߘߐ߫.ߥߊ߯ߕߌ ߏ߬ ߘߏ߲߬ ߞߊ߬ ߡߊ߲߬ߘߋ߲߫ ߕߘߍ߬ ߒ߬ ߠߊ߫ ߝߘߊ߬ߝߌ߲߫ ߣߊߡߎ߲ ߠߎ߬ ߡߙߌߦߊ ߟߋ߬ ߞߊ߲߬ ߜߘߋߜߘߋ߫߹ ߡߍ ߓߊ߯ ߞߍ߫ ߖߌߓߐ߲߫ ߠߊ߫߸ ߏ߬ ߘߌ߫ ߡߏ߬ߙߍ߬ߓߊ߫ ߖߊ߲߬ߛߊ ߟߊߘߏ߲߬ ߏ߬ ߘߐ߫... ߤߊ߲߯ ߞߵߏ߬ ߟߊߓߊ߲߫ ߘߊߞߊ߲ߕߊ ߡߊ߬ ߡߏ߬ߙߌ߬ߓߊ߬ ߟߊ߫ ߞߍ߬ߣߍ߲߸ ߞߏ߫ ߣߌ߫ ߞߏ ߣߌ߲߬ ߛߌ߬ߣߊ߬ ߞߍ߫ ߘߊ߫ ߒ ߧߋ߫߸ ߒ ߘߌ߫ ߡߏ߬ߙߌ߬ߓߊ߫ ߖߊ߲߬ߛߊ߫߸ ߞߊ߬ ߕߏ߫ ߢߐ߲߮ ߠߊ߫ ߖߊ߲߬ߛߊ߬ߟߌ ߏ߬ ߘߐߘߌߦߊ߫ ߟߊ߫ ߝߎߚߎ߫ ߝߏ߫ ߞߊ߬ ߘߐ߲߭ ߣߌ߫ ߘߐ߲߬ߞߟߌ ߣߌ߫ ߖߋ߲߬ߓߋ߬ߝߐ ߟߎ߬ ߕߘߍ߬ ߊ߬ ߘߐ߫ ߞߊ߬ ߘߐ߲߬ߞߟߌ ߟߊ߫ ߛߊ߫. ߊ߬ ߝߐ ߛߊ߫ ߞߏ߫ ߡߏ߬ߙߌ߬ߓߊ߫ ߖߊ߲߬ߛߊ߸ ߏ߬ ߟߋ ߣߊ߬ߣߍ߲߫ ߘߐ߲߰ߘߐ߰ߣߍ߲߬ ߦߟߍ߬ߡߊ߲߫ ߠߊ߫ ߡߏ߬ߙߌ߬ߓߊ߬ߖߊ߯ߛߊ ߘߌ߫߸ ߡߏ߬ߙߌ߬ߓߊ߬ߦߊ߯ߛߊ ߟߎ߬ ߓߍ߯ ߘߌ߫.
ߘߊߞߊ߲ߘߓߐ ߏ߬ ߓߊ߯ ߛߋ߫߸ ߡߏ߬ߛߏ ߘߌ߫ ߘߐ߲߬ߞߟߌ ߟߊ߫ ߕߊ߲߫:
ߒߠߋ ߞߵߊ߬ ߝߐ ߟߋ߭߸ ߡߏ߬ߙߌ߬ߓߊ߬ߦߊ߯ߛߊ߫,
ߒߞߏ߫ ߣߌ߫ ߒߠߋ ߞߊ߬ ߘߋ߲ ߛߐ߬ߘߐ߲߸ ߡߏ߬ߙߌ߬ߓߊ߬ߖߊ߯ߛߊ߫,
ߒ ߘߌ ߖߊ߯ߛߊ ߘߐ߲߬߸ ߡߏ߬ߙߌ߬ߓߊ߬ߖߊ߯ߛߊ߫߸
ߏ߬ ߟߋ ߦߊ߯ߛߊ ߦߋ߫ ߣߌ߲߬߸ ߡߏ߬ߙߌ߬ߓߊ߬ߖߊ߯ߛߊ߫;
ߞߎ߮ߞߎ߯ ߞߎ߬ߞߎ߮߸ ߡߏ߬ߙߌ߬ߓߊ߬ߖߊ߯ߛߊ߫,
ߞߎ߮ߞߎ߯ ߞߎ߬ߞߎ߮߸ ߡߏ߬ߙߌ߬ߓߊ߬ߖߊ߯ߛߊ߫,
ߞߏ߮ߞߏ߯ ߞߏ߬ߞߏ߮߸ ߡߏ߬ߙߌ߬ߓߊ߬ߦߊ߯ߛߊ߫.....
This article uses material from the Wikipedia ߒߞߏ article ߡߏߙߌ߬ߓߊ߬ߦߊ߯ߛߊ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.