ߡߊ߯ߞߐߣߐ߲߫
ߡߊߞߐߣߐ߲߫ ߦߋ߫ ߖߌ߬ߣߍ߬ ߛߏ ߘߏ߫ ߟߋ߬ ߘߌ߫ ߞߎ߲ߓߊ߲߫ ߡߙߊ߬ߘߊ߬ߘߎ߯ߟߊ ߣߌ߫ ߞߊ߲ߞߊ߲߫ ߡߙߊ߬ߓߊ߰ߘߊ ߟߎ߬ ߘߐ߫߸ ߡߍ߲ ߠߎ߬ ߓߍ߯ ߦߋ߫ ߞߊ߲ߞߊ߲߫ ߕߌ߲߬ߞߎߘߎ߲ ߘߐ߫.
ߊ߬ ߛߌ߰ߣߍ߲߬ ߦߋ߫ ߞߊ߲ߞߊ߲߫ ߛߏ ߥߙߏ߬ߘߎ߮ ߟߋ߬ ߘߐ߫ ߞߎߘߍ߫ ߁߅ ߟߊ߫. ߊ߬ ߦߋ߫ ߡߊ߲߬ߘߋ߲߫ ߞߊ߬ߝߏ߬ߓߏߟߏ߲߫ ߞߙߎ߬ߟߊ߬ߡߌߣߌ߲ ߠߋ߬ ߘߐ߫߸ ߝߊߦߌߘߴߊ߬ߟߋ ߟߋ߬ ߦߋ߫ ߏ߬ ߛߏ߫ ߝߟߐ (ߘߏ߫) ߘߌ߫. ߘߊ߲߭ ߦߴߊ߬ ߣߌ߫ ߥߎߙߋ߲ߓߊ߯ߦߊ߫ ߕߍ߫ ߡߌߟߏ ߞߐߡߊ߬ ߕߟߋ߬ߓߐ ߘߐ߫߸ ߊ߬ ߣߌ߫ ߓߎߛߎ߬ߙߊ߬ ߕߍ߫ ߞߐ߬ߘߎ߮ ߘߐ߫߸ ߞߎ߲ߓߊ߲߫ ߣߌ߫ ߞߊߣߌ߲ߞߐ߬ ߣߌ߫ ߓߣߍ߬ߓߐ߫ ߟߎ߫ ߕߍ߫ ߕߟߋ߬ߓߋ ߘߐ߫߸ ߊ߬ ߣߌ߫ ߜߟߋߡߊ߫ ߣߌ߫ ߛߊ߬ߞߘߐ߬ߟߊ߫ ߟߎ߫ ߕߍ߫ ߥߙߏ߬ߘߎ߮ ߘߐ߫.
ߘߐ߬ߝߐ
ߡߊ߯ߞߐߣߐ߲߫ ߦߋ߫ ߛߏ߫ ߝߌ߬ߟߊ߫ ߛߌ߰ߣߍ߲ ߠߋ߬ ߘߌ߫ ߛߏ߫ ߞߋߟߋ߲߫ ߘߌ߫߸ ߣߊ߬ߦߌ߬ߕߋ ߟߎ߬ ߟߊ߫ ߛߏ ߣߌ߫ ߞߐ߲ߘߍ ߟߎ߬ ߟߊ߫ ߛߏ߸ ߛߏ߫ ߝߌ߬ߟߊ ߏ߬ ߟߎ߫ ߟߋ߬ ߟߊߘߍ߬ߣߍ߲߫ ߦߋ߫ ߞߋߟߋ߲߫ ߘߌ߫. ߝߐߟߌ߫ ߘߐ߫ ߞߏ߫ ߣߊ߬ߦߌ߬ߕߋ ߏ߬ ߟߎ߫ ߟߋ߬ ߝߟߐ߫ ߛߌ߰ߣߍ߲߫ ߕߘߍ߬ ߦߋ߫ ߦߋ߲߬ ߞߘߐ߬ߡߊ߲߫߸ ߞߐ߲ߘߍ ߟߎ߬ ߣߊ߬ߣߍ߲߸ ߊ߬ߟߎ߫ ߘߍ߬ ߘߊ߫ ߛߌ߱ ߡߊ߬ ߛߙߊߕߌ ߘߏ߫ ߟߎ߫ ߟߊ߫.
ߡߊ߯ߞߐߣߐ߲߫ ߞߐ߲ߘߍ ߟߎ߬ ߣߌ߫ ߜߙߋߘߎ߯ ߞߐ߲ߘߍ ߟߎ߬ ߦߋ߫ ߝߎ߬ߙߋ߬ߞߋ߬ߟߋ߲߬ߛߐ (ߓߋ߲ߓߊ߫ ߞߋߟߋ߲߫) ߟߋ߬ ߘߌ߫߸ ߡߍ߲ ߠߎ߬ ߦߋ߫ ߟߊ߲߬ߓߋ߬ ߟߊ߫ ߘߊ߲߬ߕߎ߬ߡߊ߲߬ߖߊ߲߫ ߠߊ߫.
ߞߏ߬ߣߌ߲߬ ߥߊ߯ߕߌ ߣߌ߲߬ ߠߊ߫߸ ߝߊߦߌߘߊ߫ ߘߐ߫ ߦߋ߲߬ ߦߋ߫ ߞߐ߲ߘߍ߫ ߛߏߦߊ ߟߋ߬ ߟߊ߫߸ ߓߊߏ߬ ߒߠߋ ߞߊ߬ ߣߊ߬ߦߌ߬ߕߋ߬ ߟߎ߬ ߞߋߟߋ߲߫ ߠߋ߬ ߟߐ߲߫ ߦߋ߲߬ ߕߊ߲߬߸ ߏ߬ ߟߋ ߦߋ߫ ߛߘߌ߬ߞߌ߬ߓߊ߬ߟߊ߫ ߘߌ߫. ߣߊ߬ߦߌ߬ߕߋ ߕߐ߭ ߟߎ߬ ߖߍ߲ߛߍ߲ߣߍ߲߫ ߘߌ߫ ߞߍ߫ ߖߡߊ߬ߣߊ ߟߊ߫߸ ߊ߬ ߘߏ߫ ߟߎ߫ ߟߋ߬ ߦߋ߫ ߖߊ߲߬ߞߊ߰ߣߊ߫ ߕߊ߲߬.
ߞߊ߬ߓߌߟߊ ߟߎ߬
ߞߊ߬ߓߌߟߊ ߥߟߊ߫ ߝߊ߬ߓߏ߲߫ ߣߊ߯ߣߌ߲߫ ߠߎ߫ ߟߋ߬ ߦߋ߫ ߡߊ߯ߞߐߣߐ߲߫: ߞߐ߬ߞߎ߬ߘߎ߲߬ߠߊ߫߸ ߛߣߊߘߊ߬ߡߊ߫߸ ߖߏ߬ߡߊߞߊ߬ߓߊ߫߸ ߊ߬ ߣߌ߫ ߞߐߣߍߛߏߙߌߘߎ߯ (ߞߐ߲ߘߍ߫ ߛߏ߬ߙߌ߫ ߘߎ߯). ߞߊ߬ߓߌߟߊ ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߟߎ߬ ߛߏ߯ߙߏߣߍ߲߫ ߦߋ߫ ߞߊ߬ߓߌ߬ߟߊ߬ ߡߌߛߍ߲ ߠߎ߬ ߣߌ߫ ߓߊߓߏ߲ ߠߎ߬ ߟߊ߫߸ ߒߠߋ ߕߴߛߋ߫ ߡߍ߲ ߠߎ߬ ߝߊߙߊ߲ߝߊ߯ߛߌ߫ ߟߊ߫.
ߛߌ߫ ߜߘߍ߫ ߟߎ߫ ߞߏ߬ߣߌ߲ ߦߋ߫ ߦߋ߲߬߸ ߏ߬ ߟߎ߬ ߘߏ߫ ߟߋ߬ ߦߋ߫ ߕߙߊߥߟߋ ߟߎ߬ ߘߌ߫߸ ߞߊ߬ߓߊ ߟߎ߬ ߘߌ߫…
ߣߊߡߎ߲ ߣߌ߫ ߟߐ߲ߠߌ߲ߦߊ ߟߎ߬
ߣߊߡߎ߲߫ ߝߌ߬ߟߊ߫ ߟߋ߬ ߦߋ߫ ߡߊ߯ߞߐߣߐ߲߫߸ ߦߏ߫ ߡߊ߲߬ߘߋ߲߬ ߡߌߙߌ߲ߘߌ ߝߊ߲߬ߓߊ ߓߍ߫ ߢߊ ߡߍ߲ ߡߊ߬߸ ߏ߬ ߟߎ߫ ߟߋ߬ ߦߋ߫ ߛߌ߬ߟߡߊ߬ߦߊ ߣߌ߫ ߛߏߡߦߊ ߟߎ߬ ߘߌ߫. ߒ߬ߞߊ߬ ߖߘߍ߬ߞߟߏ߬ߦߊ ߏ߬ ߟߋ ߞߍߓߊ߮ ߞߊߛߌߦߊ߫ ߞߛߐߞߛߐ߫ (٪߉߅\߉߈)߸ ߏ߬ ߞߏ߬ߣߌ߲ ߛߌߦߊߡߊ߲߫ ߝߣߊ߫ ߦߋ߫ ߛߏߡߦߊ ߓߟߏߦߊ߫ ߟߊ߫ ߘߏ߲߰ ߘߐ߫ (ߓߊߏ߬ ߛߊߟߌߟߏ߲ ߓߊ߬ ߝߊ߮ ߕߴߊ߬ ߥߟߎ߬ߝߊ߮ ߛߊ߬ ߟߊ߫).
ߟߐ߲ߣߌ߲ߦߊ ߟߎ߬
ߡߊ߯ߞߐߣߐ߲߫ ߦߋ߫ ߦߙߐ߫ ߛߓߊ߬ߕߌ߬ߣߍ߲߬ߓߊ ߟߋ߬ ߘߌ߫ ߡߊ߲߬ߘߋ߲߬ ߟߐ߲ߠߌߦߊ ߟߎ߬ ߓߟߏߦߊ ߘߐ߫߸ ߦߏ߫: ߛߏ߬ߟߌ߬ߛߌ߮ ߟߎ߬ ߣߌ߫ ߛߣߍ߬ߛߎߢߊ ߟߎ߬ ߣߌ߫ ߞߛߊ߬ߘߎ߲ߘߎ߲ ߠߎ߬ ߣߌ߫ ߛߌߟߊ߫ ߛߊ߮ ߟߎ߬ (ߏ߬ ߟߎ߬ ߘߏ߫ ߟߎ߫ ߓߘߊ߫ ߡߊߓߌ߬ߟߊ߬).
ߞߏ߬ߣߌ߲߬ ߒ߬ ߠߊ߫ ߕߏߟߏ߲߫ ߘߐߞߏ ߏ߬ ߟߎ߬ ߦߋ߫ ߓߟߏߦߊ߫ ߟߊ߫ ߞߏ߫ ߝߌ߬ߟߊ߬ ߟߎ߫ ߟߋ߬ ߘߐ߫ ߕߊ߲߬߸ ߏ߬ ߟߎ߫ ߟߋ߬ ߦߋ߫ ߘߟߊ߬ ߛߊߟߌ ߟߎ߬ ߣߌ߫ ߛߎ߲ߞߊߙߏ߫ ߛߊߟߌ ߣߌ߫ ߘߐ߲߬ߞߌ߲߬ ߛߊߟߌ ߟߎ߬ ߟߋ߬ ߘߐ߫ ߛߐ߲߬.
ߘߟߊ߬ ߛߌߦߊߡߊ߲߫ ߠߎ߫ ߟߋ߬ ߦߋ߫ ߡߊ߯ߞߐߣߐ߲߫ ߦߋ߲߬߸ ߡߍ߲ ߠߎ߬ ߕߐ߮ ߘߌߣߊ߬ ߝߐ߫ ߞߐߝߍ߬:
ߦߟߌߡߊߛߙߋ ߟߎ߬
This article uses material from the Wikipedia ߒߞߏ article ߡߊ߯ߞߐߣߐ߲߫, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.