ߡߊ߬ߘߌ߬ߣߊ߫ ߞߎߘߊ߫ (ߕߘߍ߬) ߦߋ߫ ߛߏ ߘߏ߫ ߟߋ߬ ߘߌ߫ ߝߏߟߏ߲ߣߍ߲߬ߜߍ߫ ߖߡߊ߬ߣߊ ߞߣߐ߫߫ ߡߍ߲ ߜߍ߲߭ ߕߍ߰ ߘߊ߫ ߡߏߙߌߥߎߟߋ߲߫ ߓߟߏ߫ (߁߈..؟) ߟߊ߫.
ߊ߬ߟߋ߬ ߛߏ ߕߐ߯ߟߊߣߍ߲߫ ߦߋ߫ ߡߊ߬ߘߌ߬ߣߊ ߟߋ߬ ߟߊ߫ ߡߏߙߌߥߎߟߋ߲߫ ߥߟߌ߬ ߘߊ߫ ߦߋ߲߬ ߡߍ߲ ߘߐ߫ ߞߊ߬ ߥߊ߫ ߛߏ߫ ߞߎߘߊ ߕߍ߰ ߊ߬ ߟߊ߫ ߞߊ߬ߙߊ߲߬ߘߋ߲ ߠߎ߬ ߘߊߢߌߣߌ߲߫ ߞߊ߲ߡߊ߬. ߊ߬ߟߋ ߟߋ߬ ߞߍ߫ ߘߊ߫ ߖߡߊ߬ߣߊ ߞߎߓߋߘߊ ߘߌ߫߸ ߡߍ߲ ߠߊߛߋ߫ ߘߴߊ߬ ߘߊ߲߭ ߠߊ߫ ߛߊ߬ߡߘߎ߬ߜߍ߫ ߓߟߏ߫ (߁߈߈) ߟߊ߫.
ߞߊ߬ߙߊ߲߬ߘߋ߲ ߣߌ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߝߟߐߣߍ߲ ߛߌߦߊߦߊ߫ ߟߊ߫ ߞߊ߬ߙߊ߲߬ߕߊ ߟߊ߫߸ ߊ߬ ߞߵߊ߬ ߢߌߣߌ߲߫ ߡߊ߲߬ߛߊ ߝߍ߬ ߞߴߊ߬ ߦߴߊ߬ ߝߍ߬ ߞߵߊ߬ ߡߊߓߐ߫ ߊ߬ ߟߊ߫ ߞߊ߬ߙߊ߲߬ߘߋ߲ ߠߎ߬ ߘߌ߫ ߞߐߞߊ߲߬߸ ߞߏ߫ ߞߊ߬ ߛߌ߰ߦߌߟߊ ߘߏ߫ ߘߴߊ߬ ߡߊ߬ ߊ߬ ߦߋ߫ ߥߴߊ߬ ߡߊߞߍ߫ ߦߋ߲߬߸ ߡߊ߲߬ߛߊ ߞߵߊ߬ ߟߐ߬ ߊ߬ ߢߣߊ߫ ߦߙߐ߫ ߢߌߣߌ߲߫ ߠߊ߫ ߖߡߊ߬ߣߊ ߞߣߐ߫. ߡߏߙߌߥߎߟߋ߲߫ ߞߵߏ߬ ߦߙߐ ߛߐ߬ߘߐ߲߬ ߞߵߊ߬ ߟߐ߬ ߛߏ߫ ߗߋ߲߰ߓߊ߫ ߘߌ߫߸ ߏ߬ ߞߍ ߊ߬ߟߎ߫ ߦߟߍ߬ߡߊ߲߬ ߘߊ߫ ߦߋ߲߬ ߘߏߦߌ߲߫.
ߡߏߙߌߥߎߟߋ߲߫ ߞߵߊ߬ ߝߐ߫ ߡߊ߲߬ߛߊ ߢߍ߫ ߞߴߊ߬ ߦߴߊ߬ ߝߍ߬ ߞߊ߬ ߖߌ߲߭ ߘߏ߫ ߟߐ߬ ߡߊ߬ߘߌ߬ߣߊ߫ ߞߎߘߊ߫ ߡߊ߬߸ ߛߊ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߞߊߣߊ߬ ߓߋ߬ ߊ߬ ߟߊ߫ ߛߏ ߞߊ߲߬; ߡߊ߲߬ߛߊ ߟߊ߫ ߘߌ߬ߢߍ ߞߐ߬ߣߐߡߊ߬߸ ߊ߬ ߣߴߊ߬ ߞߊ߬ ߡߐ߱ ߘߏ߫ ߟߎ߫ ߗߋ߫ ߊ߬ ߡߊ߬ ߞߵߊ߬ ߘߍ߬ߡߍ߲߬ ߊ߬ ߟߊ߫ ߖߌ߲߬ ߟߐ ߡߊ߬, ߊ߬ ߣߌ߫ ߞߊ߬ ߡߌ߬ߛߙߌ߬ ߢߣߊߡߊ߫ ߟߐ߬ ߦߋ߲߬.
ߒ߬ߓߊ߬ ߡߌ߬ߛߙߌ ߣߌ߫ ߖߌ߲߭ ߏ߬ ߟߋ ߘߊߦߟߍ ߞߍ߫ ߘߊ߫ ߜߊ߬ߟߏ ߘߌ߫ ߖߡߊ߬ߣߊ ߛߌ߰ߓߊ߰ ߞߘߐ ߞߙߏ߬ߡߊ ߟߎ߫ ߞߊ߲߬߸ ߞߵߏ߬ ߛߊߓߎ ߞߍ߫ ߡߏߙߌߥߎߟߋ߲߫ ߠߊ߫ ߖߊ߲߬ߝߊ ߘߌ߫ ߡߍ߲ ߞߊ߬ ߓߌߦߊ߲߫ ߛߘߊߞߊ߫ ߓߐ ߦߟߍ߬ߡߊ߲߫ ߡߐ߰ ߛߘߊߞߊ ߘߌ߫߸ ߞߵߊ߬ ߖߘߍ߬ ߞߍ߫ ߛߌ߬ߟߡߊ߬ ߞߟߍ߬ߞߍ߬ߟߊ ߘߌ߫ ߞߵߊ߬ ߕߘߍ߬ ߞߐ߲ߛߐ߲ߧߊߟߌ ߜߍߞߟߐ ߟߋ߬߸ ߏ߬ ߟߋ ߞߍ߫ ߘߊ߫ ߡߏߙߌ߫ (ߛߌ߬ߟߡߊ߬) ߡߊ߲ߛߊߓߏ߲ ߥߟߌ߬ߣߍ߲ ߘߌ߫ ߛߎ߬ߣߎ߲߬ߞߋ߫ (ߞߊ߯ߝߙߌ߫) ߡߊ߲ߛߊߓߏ߲ ߣߐ߭ ߘߐ߫߸ ߡߍ߲ ߘߊߝߘߌ߫ ߘߊ߫ ߛߊ߭ߡߏ߬ߙߌ߬ ߕߎ߬ߙߋ ߓߟߏ߫ ߁߈߈.؟ ߟߊ߫.
ߛߘߊߞߊ߫ ߓߐ ߓߊ߲ߣߍ߲߸ ߛߌ߬ߛߋ ߞߊ߬ ߝߏߟߏ߲ߣߍ߲߬ߜߍ߫ ߞߟߍ߬ ߞߵߊ߬ ߞߐ߲ߛߐ߲ߧߊ߫߸ ߞߊ߬ ߓߊ߲߫ ߞߊ߬ ߛߌ߰ߢߐ߲߰ ߞߊߝߏ ߟߎ߬ ߞߋ߬ߟߋ߲߬-ߞߋ߬ߟߋ߲߬ ߞߟߍ߫߸ ߞߊ߬ ߡߊ߲߬ߛߊ߬ߟߊ߫ ߘߍ߰ߜߍ ߘߏ߫ ߘߐߓߍ߲߬ ߡߊ߲߬ߘߋ߲߫ ߥߙߏ߬ߘߎ߮ ߘߐ߫߸ ߞߵߏ߬ ߞߎߓߋߘߊ ߞߍ߫ ߡߊ߬ߘߌ߬ߣߊ߫ ߘߌ߫. ߡߏߙߌߥߎߟߋ߲߫ ߛߊ߬ߣߍ߲ () ߞߟߊߓߍ߲ ߘߐ߫ () ߟߊ߫߸ ߊ߬ ߘߋ߲ߞߍ߫ ߛߙߋ߫ ߓߙߎߟߊߦߌ ߛߌ߰ ߘߴߊ߬ ߣߐ߭ ߘߐ߫߸ ߞߵߏ߬ ߘߐ߯ߞߍ߫ ߛߙߋߓߙߋߡߊ ߛߌ߰ ߊ߬ ߣߐ߭ ߘߐ߫߸ ߏ߬ ߟߎ߫ ߓߍ߯ ߟߊ߫ ߞߎߓߋߘߊ ߕߘߍ߬ ߦߋ߫ ߡߊ߬ߘߌ߬ߣߊ߬ ߞߎߘߊ߫ ߟߋ߬ ߘߌ߫.
ߒ߬ߓߊ߬ ߏ߬ ߟߋ ߞߵߊ߬ ߣߌ߫ ߛߊ߭ߡߏ߬ߙߌ߫ ߕߎ߬ߙߋ ߟߊ߫ ߛߙߊߕߌ ߟߎ߬ ߝߘߏ߬ ߞߊ߬ ߓߊ߲߫ ߞߵߊ߬ ߞߍ߫ ߏ߬ ߟߊ߫ ߘߊ߯ ߞߋߟߋ߲߫ ߞߊ߲߬ ߞߵߏ߬ ߟߎ߫ ߝߊ߰߸ ߊ߬ ߣߌ߫ ߕߎ߬ߙߋ ߜߊ߬ߛߌ߬ ߘߊ߫ ߢߐ߲߮ ߣߊ߫ ߏ߬ ߟߋ ߘߐ߫߸ ߏ߬ ߛߋ߫ ߘߴߊ߬ߟߋ߬ ߟߊ߫ ߞߵߊ߬ߟߎ߫ ߟߊ߫ ߡߊ߲߬ߛߊ߬ߓߏ߲ ߘߊߝߘߌ߫.
ߦߊ߬ߣߌ߲߫ ߏ߬ ߞߍ߫ ߕߐ߫ ߡߎߣߎ߲߬߸ ߊ߬ߟߎ ߟߋ߬ ߞߊ߬ ߟߊ߲߬ߝߌߦߊ߫ ߕߎ߬ߙߋ߫ ߡߛߏ߬ ߛߐ߮ߣߊ߬ ߞߡߊ߬ߙߊ߫ ߣߌ߫ ߓߌߦߊ߲ ߠߎ߬ ߝߏ߫ ߛߊߣߊ߲ߞߘߐ߫߸ ߞߵߏ߬ ߞߍ߫ ߓߟߏߡߐ߮ ߘߌ߫. ߏ߬ ߘߋ߲ߞߍ߫ ߛߊ߬ߡߘߎ߬ߜߍ߫ ߕߎ߬ߙߋ߫ ߥߊ߫ ߘߊ߫ ߛߊ߲߬ ߦߙߌߞߊ ߞߴߏ߬ ߞߎ߲߬ߞߊ߫ ߢߌߣߌ߲ ߠߊ߫ ߡߊ߬ߘߌ߬ߣߊ߫ ߞߎߘߊ߫ ߦߋ߲߬ ߠߋ߫߸ ߏ߬ ߟߋ ߝߊ߲߭ ߞߍ߫ ߘߊ߫ ߡߊ߲߬ߛߊ߬ ߟߊ߬ߓߊ߲ ߘߌ߫ ߡߊ߲߬ߘߋ߲߫ ߘߎ߰ߞߟߏ ߞߊ߲߬߸ ߡߍ߲ ߕߐ߮ ߞߵߊ߬ ߝߊ߲߭ ߓߍ߯ ߟߊߝߏ߬ ߞߘߍߜߍ߫.
This article uses material from the Wikipedia ߒߞߏ article ߡߊ߬ߘߌ߬ߣߊ߫ ߞߎߘߊ߫, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.