ߜ߭ߋߐߙߜ߭ ߜ߭ߍߙߕߑߣߍߙ

ߊ߬ ߔߘߏ߬ߞߟߏ߬ߡߊ߬ ߘߊ߫ ߞߍ߬ߟߍ ߡߌ߬ߘߊ߬ߟߌ߬ߘߋ߲ ߠߎ߬ ߟߊ߫ ߘߊ߮ ߞߣߐ߫߸ ߞߊ߬ ߡߊ߬ߟߐ߲߬ ߕߐ߰ ߜߘߍ߫ ߕߊ߬ ߞߏ߫ ߘߌߣߊߌߛ ߝ. ߥߊߌߟߍߟ߸ ߊ߬ ߘߏ߲߬ ߡߊ߫ ߛߋ߫ ߡߌ߬ߘߊ߬ ߟߴߏ߬ ߞߐ߫ ߡߎ߰ߡߍ߫. ߊ߬ ߥߊ߫ ߘߴߊ߬ ߡߊߟߐ߲ߠߌ߲ ߢߊ߫ ߓߘߍ ߏ߬ ߝߊߙߊ߲ߛߊ߫ ߛߊ߲߬ ߄߀ ߖߊ߬ߕߋ߫ ߕߊ߬ߡߌ߲ ߞߐ߫.

ߜ߭ߋߐߙߜ߭ ߜ߭ߍߙߕߑߣߍߙ

ߡߐ߱

ߖߊ߲߬ߕߌ߰ߦߊ	ߗߍ߭
ߝߊ߬ߛߏ߬ߦߊ߬ ߖߡߊ߬ߣߊ߫	ߊߟߏߡߊ߲ߘߎ߯, ߊߡߋߙߌߞߌ߬ ߞߊ߬ߝߏ߫ ߘߍ߬ߣߍ߲
ߕߐ߮	Georg
ߛߌ	Gärtner
ߡߏߦߌ߫ ߕߎߡߊ	߁߈ ߞߏߟߌ߲ߞߏߟߌ߲ 1920
ߡߏߦߌ߫ ߦߌߟߊ	Świdnica
ߛߦߊ߬ ߕߎߡߘߊ	߃߀ ߓߌ߲ߠߊߥߎߟߋ߲ 2013
ߛߊ߬ߦߊ ߞߍ߫ ߦߌߟߊ	Boulder
ߞߊ߲	ߊߟߏߡߊ߲ߞߊ߲
ߓߊ߯ߙߘߊ	ߣߊ߲߬ߕߌ߮
ߣߊ߲߬ߕߌ߰ ߖߟߊ	ߣߊ߲߬ߕߌ߮
ߝߐߢߐ߲߯ߞߐ	ߖߊ߯ߓߊ߫ ߞߟߍ߫ ߝߌߟߊߣߊ߲
ߛߏ߬ߙߌ߬ߡߊ߬ߘߋ߲߬	ߥߍߤߑߡߊߗ, Afrika Korps

ߜ߭ߍߙߕߑߣߍߙ ߕߘߍ߬ ߦߋ߫ ߓߐ߫ ߟߊ߫ ߛߛߑߥߋߌߘߑߣߌߕߖ߭ ߟߋ߬߸ ߛߌߟߋߛߌߦߊ߫ ߘߎ߰ߟߊ ߘߐ߫ (ߊ߬ ߦߋ߫ ߞߟߌ߫ ߟߊ߫ ߟߋ߬ ߕߊ߲߬ ߞߏ߫ ߛߑߥߌߘߑߣߌߞߊ߫߸ ߔߐߟߐ߲ߢ). ߊ߬ ߟߊߘߏ߲߬ ߘߊ߫ ߥߍߤߑߡߊߗ ߘߐ߫ ߁߉߄߀ ߠߊ߫߸ ߞߵߊ߬ ߛߌ߭ ߕߏ߫ ߛߊ߲߬ ߁߉ ߘߐ߫߸ ߊ߬ ߕߘߍ߬ ߘߴߊߝߙߌߞߌ߬ ߞߐ߬ߘߎ߮ ߓߙߊߡߊߖߊ߲ߓߊ߲ ߘߐ߫ ߊߝߙߌߞߊ ߞߐߙߔ ߟߎ߫ ߝߍ߬. ߊ߬ ߡߌ߬ߣߊ߬ ߘߊ߫ ߢߌ߲߬ߢߐ߲߮ ߠߎ߬ ߟߊ߫ ߞߟߍ߬ߓߏߟߏ߲ ߠߎ߬ ߓߟߏ߫ ߕߎߣߛߌ߫ ߟߋ߬ ߁߉߄߃ ߟߊ߫߸ ߏ߬ ߞߍ ߊ߬ ߕߊ߬ ߘߊ߫ ߞߵߊ߬ ߟߊ߫ ߥߊ߫ ߞߊ߬ߝߏ߫ ߘߍ߬ߣߍ߲ ߠߊ߫ ߞߍ߬ߟߍ ߡߌ߬ߘߊ߬ߟߌ߬ߘߋ߲ ߘߌ߫.

ߞߍ߬ߟߍ ߓߊ߲߫ ߕߎߡߊ ߟߊ߫߸ ߜ߭ߍߙߕߑߣߍߙ ߖߌ߱ߕߍ߰ ߘߴߊ߬ ߞߐߛߊߦߌ߫ ߞߏ ߟߴߊ߬ ߝߊ߬ߛߏ߫߸ ߓߊߏ߬ ߊ߬ ߕߎ߲߬ ߓߘߴߊ߬ ߡߍ߲߫ ߞߏ߫ ߦߋ߲߬ ߠߎ߫ ߡߙߊ߬ߣߍ߲߫ ߦߋ߫ ߛߏߝߌߦߋ ߘߍ߭ ߟߋ߬ ߓߟߏ߫߸ ߊ߬ ߞߵߊ߬ ߘߐߞߕߌ߫ ߏ߬ ߟߋ ߘߐ߫ ߛߊ߫ ߞߵߊ߬ ߔߊ߬ߘߊ߲߬ߞߌ߫. ߞߍ߬ߟߍ ߓߊ߲ ߞߎ߲߬ߢߐ߰ ߘߊߡߊ߲ߘߊߡߊ߲ ߡߊ߬߸ ߊ߬ ߞߵߊ߬ ߔߏ߬ߘߏ߲߬ߞߌ߫ ߞߊ߬ ߓߐ߫ ߡߌ߬ߘߊ߬ߟߌ߬ߘߋ߲߬ ߘߊ߮ ߞߣߐ߫ ߘߍߡߌ߲ߜ߭߸ ߡߍߞߛߌߞߏ߫ ߞߎߘߊ߫߸ ߏ߬ ߞߍ߫ ߘߊ߫ ߕߎߟߊߝߌ߲ ߂߂ ߟߋ߬ ߡߊ߬ ߁߉߄߅ ߟߊ߫. ߊ߬ ߓߊ߲ ߞߐ ߘߐ߫ ߓߊ߬ߟߊ߲߫ (Barrage) ߡߟߊ ߞߐ ߘߴߊ߬ ߓߟߏ߫߸ ߊ߬ ߞߵߊ߬ ߖߎߙߊ߲߫ ߡߊ߬ߘߏ߬ߣߌ߲߬ߠߌ߲߬ ߛߌߛߌ߫ ߞߎߟߎ߲ ߘߏ߫ ߞߎ߲߬ߕߍ ߡߵߊ߬ ߕߎ߲߬ ߓߘߴߏ߬ ߡߍ߲ ߠߊߞߙߐ߬ߛߌ߫ ߞߵߊ߬ ߖߊ߬ߕߋ߬ߘߐ߬ߛߌ߮ ߞߍ߫ ߖߐ߲߫. ߒ߬ߓߊ߬ ߛߌ߬ߛߌ߬ߞߎߟߎ߲ ߏ߬ ߟߋ ߞߵߊ߬ ߕߊ߬ ߛߊ߫ ߞߊ߬ ߥߴߊ߬ ߘߌ߫ ߞߊ߬ߟߑߝߐ߯ߣߌ߬ߦߊ߫.

ߜ߭ߋߐߙߜ߭ ߕߊ߯ߡߊ߫ ߘߊ߫ ߞߊ߬ߝߏ߫ ߘߍ߬ߣߍ߲ ߕߟߋ߬ߓߋ ߞߐ߰ߖߌ߬ߘߊ ߛߏ߫ ߛߌߦߊߡߊ߲߫ ߠߎ߫ ߠߋ߬ ߣߌ߫ ߢߐ߲߯ ߕߍ߫߸ ߊ߬ ߓߊ߯ߙߊ߫ ߘߊ߫ ߦߙߌߕߍ߯ ߘߊߞߎ߲ ߘߐ߫߸ ߝߍ߫ ߘߐߞߏߟߊ ߘߌ߫߸ ߊ߬ ߣߌ߫ ߓߟߏߟߊߓߊ߯ߙߊ߫ ߘߊߞߎ߲ ߠߎ߬ ߘߐ߫. ߊ߬ ߞߊ߬ ߊ߲߬ߜ߭ߌ߬ߟߋ߬ߞߊ߲ ߞߊ߬ߙߊ߲߬ ߛߓߍߘߊ ߡߊ߬ߡߌ߬ߘߊ߬ߟߌ߬ߟߊ ߘߏ߫ ߝߍ߬߸ ߊ߬ ߞߊ߬ ߞߊ߲ ߟߐ߲ߠߌ߲ ߓߊߓߋ߬߸ ߞߊ߬ ߡߊ߬ߟߐ߲߬ ߛߓߍ߫ ߞߎߘߊ߫ ߟߊߘߊ߲߫ ߞߵߊ߬ ߕߐ߯ ߦߟߍ߬ߡߊ߲߫ ߏ߬ ߘߐ߫ ߞߵߊ߬ ߞߍ߫ ߘߌߣߊߌߛ ߍߝ. ߥߊߌߟߍߛ߸ ߊ߬ ߞߊ߬ ߘߍ߬ߟߊ߬ߞߊ ߟߊ߲߬ߞߊ߲߬ߘߊ߬ߟߌ߫ ߛߓߍ ߛߐ߬ߘߐ߲߬ ߕߐ߮ ߏ߬ ߟߊ߫߸ ߊ߬ ߞߵߊ߬ ߖߍ߬ߘߍ ߞߊ߲߬ߛߓߍ߬ߟߌ߫ ߞߎߘߊ߫ ߟߊߘߊ߲߫ ߏ߬ ߘߐ߫ ߞߴߊ߬ߟߋ ߝߊ߬ ߟߋ߬ ߛߊ߬ ߘߊ߫ ߛߌߟߓߊ߫ ߞߊ߲߫ ߓߌߟߊ߲ߘߐ ߘߏ߫ ߘߐ߫߸ ߞߴߊ߬ߟߋ ߝߊߙߌߕߊߣߍ߲ߠߡߊ ߕߊ߬ ߘߴߏ߬ ߟߋ ߘߐ߫ ߞߵߊ߬ ߟߊߘߊ߬ߙߏ߫. ߊ߬ ߥߊ߫ ߘߴߊ߬ ߡߊߞߍ߫ ߣߐߙߑߘߍ߲߫߸ ߞߊ߬ߟߑߝߐ߯ߣߌ߬ߦߊ߫߸ ߊ߬ ߓߊ߯ߙߊ߫ ߘߊ߫ ߦߋ߲߬ ߠߋ߬ ߛߊ߫ ߣߍߣߍߞߊ߲߫ ߕߏߙߏ߲ߘߏ (ߛߑߞߌ «SKI») ߟߞߊ߬ߙߊ߲߬ߠߌ߲߬ߠߊ ߘߌ߫ ߕߟߋ߬ߡߊ ߘߐ߫߸ ߊ߬ ߣߌ߫ ߟߐ߬ߟߌ ߣߌ߫ ߖߊ߬ߥߏ߬ߘߊ ߟߎ߬ ߟߊ߫ ߛߊ߬ߡߊ ߘߐ߫. ߘߎߢߊ߫ ߝߏߣߌ߲ߞߋ ߟߎ߬ ߟߊ߫ ߛߌ߲߬ߝߏ߲߬ߧߊ߬ߟߌ (YMCA) ߟߊ߫ ߘߐ߲߭ ߘߏ߫ ߟߋ߬ ߛߋ߲߭ߝߍ߬ ߛߊ߫߸ ߊ߬ ߣߌ߫ ߖߌߋߣ ߞߑߟߊߙߞ ߞߵߊ߬ߟߎ߫ ߢߐ߲߮ ߦߋ߫߸ ߏ߬ ߞߍ ߝߌ߬ߟߊ߬ߓߊ ߏ߬ ߟߎ߫ ߟߊ߫ ߝߘߎ ߛߘߌ߬ ߘߊ߫ ߁߉߆߄ ߠߊ߫. ߏ߬ ߕߘߍ߬ ߦߋ߫ ߡߛߏ߬ ߜߐ (ߗߍ߬ߛߊ߬ߡߛߏ) ߘߏ߫ ߟߋ߬ ߘߌ߫߸ ߊ߬ ߞߵߏ߬ ߗߍ߬ ߞߘߐ ߘߋ߲ ߝߌ߬ߟߊ ߞߴߊ߬ ߟߊ߫ ߕߊ߬ߘߋ߲ ߘߌ߫.

ߊ߬ ߕߟߊ ߞߐ ߘߐ߫߸ ߞߊ߬ߝߏ߫ ߘߍ߬ߣߍ߲ ߛߏ߬ߙߌ߬ߡߊ߬ߘߋ߲ ߠߎ߬ ߞߊ߬ ߝߟߍ ߟߊߥߟߌ߬ ߊ߬ ߞߊ߲ߡߊ߬߸ ߏ߬ ߟߊߟߐ߬ ߘߊ߫ ߁߉߆߃ ߟߋ߬ ߟߊ߫. ߍߝ.ߓߌ߫.ߊߌ (FBI) ߞߊ߬ ߝߟߊߡߊ ߘߏ߫ ߟߊߥߊ߲߬ߞߊ߫ ߜ߭ߍߙߕߑߣߍߙ ߡߌ߬ߘߊ ߟߊ߫ ߁߉߄߇ ߟߊ߫. ߡߍ߲ ߝߘߊ߫ ߘߴߊ߬ ߟߊ߫ ߖߘߍ߬ߝߐ ߟߊ߫߸ ߞߏ߫ ߊ߬ߟߋ ߕߘߍ߬ ߘߊ߫ ߣߍߣߍߞߊ߲߫ ߕߏߙߏ߲ߘߏߟߊ߫ ߞߋߟߦߊߣߍ߲ ߠߎ߬ ߟߊ߫ ߛߘߍ ߘߐ߫ ߛߊ߲ߝߊߙߊ߲ߛߌߛߑߞߏ߫ ߛߏ ߞߣߐ߫߸ ߡߍ߲ ߠߎ߬ ߗߋ߫ ߘߊ߫ ߡߐ߰ ߡߊ߬ߞߊ߬ߘߊ߲߬ ߞߊ߲ ߡߊ߬ ߛߌ߬ߛߌ߬ߞߎߟߎ߲ ߞߣߐ߫ ߛߍ߯ߙߊ ߣߋߝߘߊ߫߸ ߞߵߊ߬ ߕߘߍ߬ ߣߍߣߍߛߌ߲ߓߌ ߓߘߊ߫ ߥߎ߬ߦߊ߬ ߊ߬ ߞߎ߲߬ߠߊ߫ ߁߉߅߂ ߓߌ߲ߠߊߥߎߟߋ߲ ߠߊ߫߸ ߏ߬ ߡߍ߲ ߣߐ߬ߞߟߊߡߊ߲ ߘߐ߫ ߣߌ߫ ߟߊߌߝ ߝߐ߰ߓߍ߬ߝߐ߯ߓߍ ߞߵߊ߬ ߣߌ߫ ߞߙߎ ߏ߬ ߟߎ߫ ߖߌ߬ߦߊ߬ߓߍ ߕߊ߬ ߞߵߊ߬ ߕߘߍ߬ ߊ߬ߟߋ ߟߋ߬ ߜߎ ߕߘߍ߬ ߦߋ߫ ߍߝ.ߓߌ.ߊߌ (FBI) ߟߊ߫ ߡߐ߱ ߘߐ߫ ߘߐ߫ ߢߌߣߌ߲ߕߊ ߘߌ߫. ߏ߬ ߟߋ ߞߐ߫ ߛߊ߫ ߞߎ߲߬ߠߊ߬ߛߌ߮ ߞߵߊ߬ ߟߊ߫ ߓߏ߬ߙߌ ߏ߬ ߞߏ ߡߊߝߊ߰߸ ߞߴߊ߬ ߣߵߊ߬ ߟߊߥߟߌ߬ ߟߴߊ߬ ߟߊߞߐߛߊߦߌ߲ߞߏ ߟߋ߬ ߡߊߕߊ߲߬ߞߊ ߡߊ߬߸ ߞߵߊ߬ ߓߐ߫ ߘߏ߲߰ߠߌ߲ ߓߌ߲߬ߓߊߏ ߘߊߞߘߐ߫ ߞߊ߬ ߥߊ߫ ߊߟߏߡߊ ߠߎ߬ ߟߊ߫ ߓߐ߬ߣߐ ߕߊߖߟߎߛߙߊ ߞߍ߫߸ ߏ߬ ߞߍ ߊ߬ ߟߊ߫ ߞߏ ߓߐ߫ ߘߊ߫ ߡߊ߬ߛߌߟߊ߲ ߘߐ߫߸ ߓߊߏ߬ ߏ߬ ߟߋ ߕߘߍ߬ ߘߌ߫ ߛߋ߫ ߞߍ߫ ߟߊ߫ ߛߊߓߎ߫ ߘߌ߫ ߞߊ߬ ߝߟߍ߫ ߘߊ߲߬ߠߊߕߊ߬ߡߌ߲߬ߣߍ߲ ߠߊߥߟߌ߬ ߟߴߊ߬ ߞߊ߲ߡߊ߬.

ߜ߭ߍߙߕߑߣߍߙ ߓߐ߫ ߘߊ߫ ߦߋ߲߬ ߝߣߊ߫ ߘߐ߫ ߞߊ߬ ߥߊ߫ ߓߐߟߑߘߊ߬߸ ߞߟߏߙߊߘߏ߫߸ ߊ߬ ߓߊ߯ߙߊ߫ ߘߊ߫ ߦߋ߲߬ ߠߋ߬ ߛߊ߫ ߟߐ߬ߟߌ ߓߛߌ߬ߓߊ߮ ߣߌ߫ ߓߏ߲߫ ߟߐ߬ߟߌ ߞߏߟߊ߲ߞߘߐߢߐ߲߮ ߘߌ߫߸ ߊ߬ ߛߍ߰ ߕߎߡߊ ߛߘߎ߬ߧߊ߬ߣߍ߲߸ ߊ߬ ߦߟߍ߬ߡߊ߲߬ ߘߊ߫ ߤߊ߯ߥߊߌ߬. ߊ߬ ߥߊ߫ ߘߊ߫ ߢߣߊߡߦߊ߫ ߡߝߊߣߍ߲ ߠߎ߬ ߘߊߡߌ߬ߣߊ߬߸ ߊ߬ ߡߏ߬ߛߏ ߟߊ߫ ߞߣߐߜߊ ߕߊ߬ߡߌ߲߬ ߘߊ߫ ߘߐ߲߰ߘߐ߰ߣߍ߲߬ ߡߞߊ߬ߝߏ߬ ߟߊ߫ ߞߊ߬ ߓߍ߲߬ ߊ߬ ߞߣߐߘߐߜߏߦߊ ߣߴߊ߬ ߓߊ߲߭ ߠߎ߬ ߞߏߛߐ߲߬ ߘߊߘߐߖߊߥߏ ߡߵߊ߬ ߟߊ߫ ߞߏ߫ ߞߍߣߍ߲߫ ߞߘߐ ߞߊ߲߬߸ ߊ߬ ߡߴߊ߬ ߛߐ߲߬ ߏ߬ ߡߍ߲ ߢߊߝߐ߫ ߞߏ ߡߴߊ߬ߟߋ߬ ߢߍ߫. ߁߉߈߄ ߠߊ߫߸ ߞߵߊ߬ ߕߘߍ߬ ߏ߬ ߓߘߴߊ߬ ߘߐߞߕߌ߫ ߞߴߊ߬ ߦߴߊ߬ ߡߊߕߊ߯ ߟߴߊ߬ ߟߊ߫߸ ߊ߬ ߞߵߊ߬ ߟߊ߫ ߕߊ߬ߡߌ߲߬ߣߍ߲ ߘߊ߲߬ߕߍ߰ߟߌ ߞߴߏ߬ ߢߍ߫. ߞߊ߬ ߓߍ߲߬ ߏ߬ ߟߊ߫ ߞߟߊߓߎߘߏ߲ߠߌ߲ ߡߊ߬߸ ߊ߬ ߥߊ߫ ߘߊ߫ ߛߋ߫ ߖߊ߬ߡߊ ߢߊߞߘߐ߫ ߏ߬ ߛߊ߲߬ߠߊ߬ߞߊ ߟߊ߫. ߊ߬ ߥߊ߫ ߘߊ߫ ߛߋ߫ ߘߐ߬ߝߐ ߞߊ߬ߙߊ߲߬ߝߊ ߊߙߑߣߐߟߘ ߞߑߙߊߡߊ߬ ߝߍ߬߸ ߏ߬ ߡߍ߲ ߕߘߍ߬ ߦߋ߫ ߡߐ߰ ߘߌ߫ ߞߎ߲߬ߠߊ߬ߛߌ߮ ߘߐ߫ ߡߍ߲ ߕߎ߲߬ ߞߊ߬ ߊߟߏߡߊ߲ߘߎ߯ ߞߍ߬ߟߍ ߡߌ߬ߘߊ߬ߟߌ߬ߘߋ߲߫ ߃߇߁ ߀߀߀ ߡߍ߲ ߠߎ߬ ߟߊ߫ ߕߊ߯ ߘߊ߫ ߞߊ߬ߝߏ߫ ߘߍ߬ߣߍ߲ ߠߊ߫߸ ߊ߬ߟߋ ߟߋ߬ ߕߘߍ߬ ߞߵߏ߬ ߟߎ߬ ߟߊ߫ ߘߐ߬ߝߐ ߟߐ߲߫ ߓߍ߯ ߘߌ߫. ߊ߬ߟߎ߬ ߓߊ߯ߙߊ߫ ߘߊ߫ ߢߐ߲߯ߝߍ߬ ߞߊ߬ ߤߌߕߑߟߍߙ ߟߊ߫ ߣߊ߲߬ߕߌ߰ ߟߊ߬ߓߊ߲ ߡߍ߲ ߠߎ߬ ߕߏ߫ ߘߊ߫ ߞߊ߬ߝߏ߫ ߘߍ߬ߣߍ߲ ߠߊ߫߸ ߊ߬ߟߎ߫ ߞߵߏ߬ ߛߓߍ߫ ߁߉߈߅ ߟߊ߫. ߊ߬ ߖߍ߬ߘߍߝߊ߲߭ ߠߊߓߐ߫ ߕߏ߬ߘߋߦ ߛ߭ߏߥ ߖߌ߬ߦߊ߬ߝߟߍ ߘߐ߫߸ ߡߍ߲ ߘߐ߫ ߣߴߊ߬ ߥߊ߫ ߘߊ߫ ߓߐ߫ ߓߑߙߊߊ߲ߕ ߜ߭ߐ߲ߓߍߟ ߡߊ߬. ߊ߬ߟߋ ߟߋ߬ ߥߊ߫ ߘߊ߫ ߟߊߓߊ߲߫ ߞߍ ߡߊ߬ ߊߟߏߡߊ߲ߘߎ߯ ߞߍ߬ߟߍ ߡߌ߬ߘߊ߬ߟߌ߬ߘߋ߲߫ ߠߊ߬ߓߊ߲ ߘߴߊߡߍߙߌߞߌ߬.

ߜ߭ߍߙߕߑߣߍߙ ߓߊ߲ ߞߐ ߘߐ߫ ߊ߬ ߘߊ߲߬ߕߍ߰ ߟߊ߫ ߞߎ߲߬ߠߊ߬ߛߌ߮ ߟߎ߬ ߢߍ߫߸ ߞߎ߲߬ߠߊ߬ߛߌ߮ ߢߊߞߍ߫ ߘߊ߫ ߓߊߏ߬ ߊ߬ߟߎ߬ ߡߴߊ߬ ߟߐ߲߫ ߊ߬ߟߎ߬ ߞߍߕߐ߫ ߦߋ߫ ߡߍ߲ ߟߊ߫ ߟߴߊ߬ ߞߎ߲߬ ߞߊ߬ ߓߍ߲߬ ߊ߬ ߟߊ߫ ߓߏ߬ߙߌ ߡߊ߬. ߜ߭ߍߙߕߑߣߍߙ ߕߘߍ߬ ߕߍ߫ ߕߎ߲ߞߊߙߊ߲ߞߋ߫ ߟߊߘߤߊ߬ߓߊߟߌ߫ ߘߌ߫߸ ߓߊߏ߬ ߊ߬ ߟߊߣߊ߬ ߘߊ߫ ߞߊ߬ߝߏ߫ ߘߍ߬ߣߍ߲ ߞߣߐ߫ ߟߋ߬ ߓߊߏ߬ ߊ߬ ߣߴߊ߬ ߞߊߡߊ߲߫. ߊ߬ ߘߏ߲߬ ߝߣߊ߫ ߡߴߊ߬ ߓߏ߬ߙߌ߫ ߘߋ߬ ߞߏ߫ ߓߊߏ߬ ߊߟߏߡߊ߲ߘߎ߯ ߞߍ߬ߟߍ ߥߛߎߘߋ߲ ߠߎ߬ ߓߍ߯ ߟߊߞߐߛߊ߬ߦߌ߫ ߕߐ߫ ߦߴߊ߬ߟߎ߫ ߝߊ߬ߛߏ߫߸ ߓߊ߬ߙߌ߬ ߊ߬ߟߋ ߓߏ߬ߙߌ߬ߣߍ߲߫ ߦߴߊ߬ ߕߊ߫ ߘߊ߲߬ߡߊ߬ ߟߋ߬ ߞߏ߫ ߓߊߏ߬ ߊ߬ ߟߊߞߐߛߊ߬ߦߌ߫ ߕߐ߫ ߦߴߊ߬ ߝߊ߬ߛߏ߫ ߟߋ߬ ߛߌߟߋߛߌ߬ߦߊ߫߸ ߏ߬ ߟߎ߬ ߘߏ߲߬ ߕߎ߲߬ ߓߘߊ߫ ߡߌ߬ߣߊ߬ ߛߏߝ߭ߌߦߋ ߘߍ߭ ߟߎ߬ ߓߟߏ߫. ߞߵߊ߬ ߟߴߊ߬ ߞߊ߲߬ ߝߣߊ߫߸ ߊ߬ߟߋ ߣߵߊ߬ ߓߏ߬ߙߌ߬ ߟߊ߫ ߞߍ߬ߟߍ ߓߊ߲ ߞߐ ߟߋ߬ ߘߐ߫߸ ߢߌ߬ߣߌ߲߬ߞߊ߬ߟߌ ߘߏ߫ ߟߎ߫ ߝߊ߲߭ ߕߘߍ߬ ߦߋ߫ ߛߋ߲߬ߠߊ߫ ߞߏ߫ ߦߊ߯ߟߴߊ߬ ߕߘߍ߬ ߦߋ߫ ߥߛߎߘߋ߲ ߠߋ߬ ߘߌ߫ ߡߎߣߎ߲߬ ߓߊ߬. ߏ߬ ߟߋ ߞߵߊ߬ ߞߍ߫ ߊ߬ ߡߊ߫ ߣߐ߬ߝߍ߬ߜߍ߲߫ ߢߊ߫ ߜߘߍ߫ ߡߊ߬. ߍߝ.ߓߌ߫.ߊߌ߫ ߞ߲ߵߊ߬ ߟߊߥߊ߲߬ߞߊ߫ ߞߵߊ߬ߟߎ߫ ߡߊ߬ߞߏ߬ ߜߘߍ߫ ߕߴߊ߬ ߟߴߏ߬ ߞߐ߫߸ ߝߎ߲ߘߟߌ ߣߌ߫ ߛߌ߰ߛߓߍ߬ߞߏ ߖߋ߬ߕߌ߬ߘߊ ߝߣߊ߫ ߞߵߏ߬ ߢߐ߲߰ ߝߐ߫ ߞߴߊ߬ߟߎ ߡߊ߬ߞߏ߬ ߕߴߊ߬ ߟߊ߫ ߞߐߛߊߦߌߞߏ ߟߊ߫ ߢߊ߫ ߜߘߍ߫ ߡߊ߬. ߜ߭ߍߙߕߑߣߍߙ ߡߊߞߟߌ߫ ߞߴߊ߬ ߦߋ߫ ߞߍ߫ ߞߊ߬ߝߏ߬ ߟߊߘߍ߬ߣߍ߲ ߘߎ߰ߘߋ߲ ߘߌ߫. ߞߏ߬ߣߌ߲߬ ߏ߬ ߛߋ߲߬ߠߊ߬ߛߎߡߦߊ߫ ߘߊ߫ ߞߵߊ߬ ߡߊߛߐ߲߬ߘߐ߲߬ ߛߓߍߘߟߊߡߐ߮ ߟߎ߬ ߛߋ߲߬ߠߊ߬ߛߎߡߦߊ ߝߍ߬߸ ߏ߬ ߟߋ ߞߵߊ߬ ߞߍ߫ ߊ߬ ߞߍ߫ ߘߊ߫ ߘߍ߲ߝ߭ߊ߬ ߥߙߏ߬ߘߎ߮ ߘߎ߰ߘߋ߲ ߘߌ߫ ߂߀߀߉ ߣߍߣߍߓߊ ߟߋ߬ ߟߊ߫.

ߊ߬ ߡߛߏ߬ ߖߌߣ ߞߑߟߊߙߞ ߞߵߊ߬ ߝߘߎ ߛߵߊ߬ ߡߊ߬ ߁߉߈߀ ߠߋ߬ ߟߊ߫߸ ߞߏ߫ ߓߊߏ߬ ߊ߬ ߡߊ߫ ߟߴߊ߬ߟߋ߬ ߟߊ߫ ߞߵߊ߬ ߟߊ߫ ߘߊ߲߬ߕߍ߰ߟߌ ߞߴߊ߬ ߦߋ߫. ߏ߬ ߞߏߛߐ߲߬ ߛߊ߫߸ ߜ߭ߍߙߕߑߣߍߙ ߞߵߊ߬ ߞߐߛߊ߬ߦߌ߫ ߊߟߏߡߊ߲ߘߎ߯߸ ߞߵߊ߬ ߕߘߍ߬ ߊ߬ ߡߊ߬ߡߛߏ ߦߋ߫ ߤߊ߲ߓߎߙߜ߭߸ ߓߊߏ߬ ߊ߬ ߡߊ߫ ߖߌ߰ߡߊ߬ߝߊ߫ ߛߌ߫ ߛߐ߬ߘߐ߲߫ ߊ߬ ߟߊ߫ ߛߌߣߌ߲߫ ߢߍߛߌ߮ ߟߊ߫ ߦߋ߲߬߸ ߏ߬ ߟߋ ߞߵߊ߬ ߟߐ߬ ߊ߬ ߞߐߛߊ߬ߦߌ߫ ߟߊ߫ ߞߟߏߙߊߘߏ߫ ߞߊߙߏ߫ ߘߊ߲ߘߐ߫ ߟߊߕߊ߬ߡߌ߲ ߞߐ ߘߴߊ߬ ߓߟߏ߫ ߦߋ߲߬.

ߜ߭ߍߙߕߑߣߍߙ ߛߊ߬ ߘߊ߫ ߟߐߝ߭ߑߟߊ߲ߘ ߟߋ߬߸ ߞߟߏߙߊߘߏ߫, ߂߀߁߃ ߟߊ߫.