ߖߌ߬ߣߍ߬ ߖߊ߯ߓߘߊ߫ ߞߏ߬ߝߌ߫ ߊ߲ߣߊߣ

This article is a stub. You can help Wikipedia by expanding it.

ߊ߬ߟߋ߫ ߟߋ߬ ߦߋ߫ ߖߌ߬ߣߍ߫ ߞߊ߬ߝߏ ߘߎ߲߬ߘߎ߬ߡߊ߬ ߖߊ߯ߓߘߊ ߘߞߋ߬ߟߌ߬ߓߏ߬ߟߏ߲߬ ߥߙߍ ߝߟߐߝߟߐ ߘߌ߫. ߊ߬ߟߋ߫ ߟߋ߬ ߞߊ߫ ߓߏ߲߬ ߖߌ߬ߣߍ߫ ߘߎ߲߬ߘߎ߬ߡߊ߬ ߖߊ߯ߓߘߊ ߓߍ߯ ߘߌ߫ ߝߊ߲߬ߝߘߊ߬ߢߊ ߟߊ߫ ߥߊ߬ߙߊ ߣߌ߫ ߘߞߋ߬ߟߊ߬ߘߋ߲ ߠߎ߬ ߟߊ߫

ߛߌߦߊߦߊ ߘߐ߫. ߓߊߏ߬، ߂߀߁߅ ߟߊ߫ ߸ ߘߞߋ߬ߟߊ߬ߘߋ߲߬ ߁߀ ߀߀߀ ߣߌ߫ ߞߐ߫ ߟߋ߬ ߕߍ߬ߘߍ߫ ߦߋ߲߬. ߘߞߋ߬ߓߏ߬ߟߏ߲߬ ߛߌߦߊߡߊ߲߫ ߦߋ߫ ߦߋ߲߬ ߟߐ߲ߞߏ ߣߌ߫ ߛߎ߲ߞߎ߲ ߟߐ߲ߞߏ ߣߌ߫ ߛߋ߲ߞߏߟߦߊߥߙߍ ߟߐ߲ߞߏ ߟߎ߬ ߘߐ߫.߂߀߁߆ ߟߊ߫ ߸ ߒߞߏ ߓߏߟߏ߲ߝߘߊ ߘߏ߫ ߟߊߞߊ߬ ߘߴߊ߬ߟߋ߬ ߖߊ߯ߓߘߊ ߞߣߐ߫. ߏ߬ ߟߋ߬ ߦߋ߫ ߒߞߏ ߓߏߟߏ߲ߝߘߊ߫ ߝߟߐߝߟߐ ߟߊߞߊ߬ߣߍ߲ ߘߌ߫ ߖߊ߯ߓߘߊ ߘߏ߫ ߟߊ߫ ߘߎߢߊ߫ ߘߐ߫. ߒߞߏ ߦߋ߫ ߘߞߋ߬ ߟߊ߫ ߖߊ߯ߓߘߊ߫ ߜߘߍ߫ ߟߎ߫ ߟߊ߫ ߊ߬ߟߋ ߕߊ ߢߍ߫ ، ߒ߬ߞߊ߬ ߓߏߟߏ߲ߝߘߊ߫ ߟߐߘߎ߯ ߕߴߏ߬ ߟߎ߬ ߟߊ߫.

ߖߊ߯ߓߘߊ ߞߏ߬ߝߌ ߊ߬ߣߊߣ ߓߊ߲ߣߍ߲ ߟߐ߬ ߟߊ߫߸ ߎߛߎߡߊߣߌ߲߬ ߞߊ߬ߓߊ ߥߊ߫ ߘߴߊ߬ ߓߎ߬ߧߊ ߟߊ߫ ߘߙߌߛߊ߬ ߞߊ߬ߓߊ ߞߘߐ߫. ߏ߬ ߘߌߦߊ߫ ߘߴߊ߬ ߢߍ߫ ߝߎߚߎ߫ ߞߊ߬ ߘߎߓߊ߫ ߖߊ߯ߓߘߊ ߥߙߎߞߌ ߟߊ߫. ߏ߬ ߓߊ߲ ߘߊ߫ ߞߵߊ߬ ߦߌ߬ߘߵߊ߬ ߟߊ߫ ߞߏ߫ ߒ ߓߊ߬ߟߌ߬ߣߍ߲߫ ߦߴߊ߬ ߕߐ߯ ߞߏ ߟߋ߬ ߘߐ߫ ߣߍ߲߯ߞߍ߫߸ ߝߏ߫ ߣߴߌ ߞߊ߬ ߒ ߓߌ߬ߟߊ߬ ߛߌߟߊ ߞߊ߲߬ ߊ߬ ߞߏߢߊ ߘߐ߫ ߞߍ߬.

ߘߙߌߛߊ߬ ߞߊ߬ߓߊ ߝߣߊ߫ ߞߵߊ߬ ߦߌ߬ߘߊ߬ ߞߏ߫: ߌ ߦߴߊ߬ ߟߐ߲߫ ߊ߬ ߥߊ߯ߕߌߖߊ߲߫ ߠߋ߬ ߦߋ߫ ߣߌ߲߬ ߘߌ߫ ߝߘߊ߬ߝߌ߲ ߘߊ߲ߞߎ߲ߣߍ߲߫ ߕߍ߫ ߘߎߢߊ߫ ߡߏ߲߬ߕߏ߲߬ ߛߌ߫ ߓߟߏ߫߸ ߞߏ߫ ߊߡߍߙߞߌߞߊ ߟߎ߬ ߟߋ߬ ߝߟߐߝߟߐ߫ ߞߊ߬ ߝߋ߲߫ ߦߋ߫ ߝߘߊ߬ߝߌ߲ ߘߐ߫ ߞߵߊ߬ ߟߊߛߌ߰ ߘߎߢߊ߫ «ߡߊ߲߬ߕߏ߲߫ ߘߍ߬ߣߍ߲» ߞߎ߲߬ߠߊ߫߸ ߝߘߊ߬ߝߌ߲߬ߗߍ (ߞߏ߬ߝߌ߫ ߊ߬ߣߊߣ) ߏ߬ ߓߴߊ߬ ߝߐ߫ ߞߏ߫ ߞߊ߬ ߘߎߢߊ߫ ߟߊߕߊ߯ߡߊ߫ ߢߊ ߡߍ߲ ߡߊ߬ ߓߌ߬߸ ߊ߬ ߦߋ߫ ߟߊߕߊ߯ߡߊ߫ ߟߊ߫ ߕߋ߲߬ ߠߋ߫: ߊ߬ ߝߐ߫ ߡߐ߰ ߓߴߌ ߟߊ߫ ߞߏ ߡߍ߲ ߕߐ߯ߟߊ߫ ߏ߬ ߟߴߏ߬ ߘߐ߫߸ ߊ߬ ߝߐ߫ ߏ߬ ߕߍ߫ ߛߓߊ߬ߕߌ߬ ߟߊ߫ ߟߋ߬؟

ߒ߬ߓߊ߬ ߞߏ߲߬ߓߏ߫ ߎߛߑߡߊߣ ߞߊ߬ߓߊ ߞߊ߬ ߝߋ߲߫ ߦߋ߫ ߞߎߡߊ ߏ߬ ߟߋ ߘߐ߫ ߞߵߊ߬ ߟߊ߫ ߖߊ߯ߓߘߊ ߕߐ߯ߟߊ߫ «ߞߏ߬ߝߌ߫ ߊ߬ߣߊߣ» ߠߊ߫. ߓߍ߯ ߘߏ߲߬ ߢߊ߫ ߦߴߊ߬ ߟߊ߫ ߛߓߊ߬ߕߌ ߘߊߞߘߐ߫.

ߖߌ߬ߣߍ߬ ߖߊ߯ߓߘߊ߫ ߞߏ߬ߝߌ߫ ߊ߲ߣߊߣ ߦߋ߫ ߖߘߍ߬ߞߎ߬ߙߎ߲߬ߘߎ߬ߕߌ߮ ߟߋ߬ ߘߌ߫. ߊ߬ ߜߙߋ߬ߡߊߕߍ߰ ߘߊ߫ ߁߉߉߉ ߘߓߊ߬ߕߊ߫ ߂߈ ߠߋ߬ ߟߊ߫ (ߕߐ߲ ߝߙߍߕߍ ߂߈߁߄/ߟ.ߞ. ߕ/ߞߎߓ). ߊ߬ ߟߊ߫ ߗߋߦߊߟߌ ߟߎ߬ ߝߟߍ߫:

•ߞߊ߬ ߟߊ߬ߓߌ߬ߟߊ߬ߟߌ ߛߊ߲ߘߐߕߊ ߥߟߊ߫ ߝߘߏ߬ߓߊ߬ ߟߊߞߐ߯ߟߌ ߛߊ߲ߘߐߕߊ ߥߟߊ߬ߘߊ ߟߎ߬ ߘߌ߫ ߘߞߋ߬ߟߊ߬ߘߋ߲ ߠߎ߫ ߡߊ߬؛

•ߞߊ߬ ߟߐ߲ߞߏ߫ ߕߌߙߌ߲ߠߌ߲ ߛߘߊߟߊ߫؛

•ߞߊ߬ ߞߎ߲߬ߠߊ߬ߝߏ߬ߣߌ߲ ߣߌ߫ ߓߌ߬ߟߊ߬ߢߐ߲߰ߡߊ ߛߋߒߞߏߟߦߊ߫ ߞߎߘߊ ߟߎ߬ ߛߘߊߟߊ߫.

•ߞߏ߲ߓߏ ߎߛߑߡߊߣ ߞߊ߬ߓߊ߫ ߡߍ߲ ߦߋ߫ ߖߌ߬ߣߍ߬ ߖߊ߯ߓߘߊ߫ ߞߏ߬ߝߌ߫ ߊ߲ߣߊߣ ߜߙߋ߬ߡߊ߬ߕߍ߰ߓߊ߮ ߘߌ߫ ߸ ߊ߬ ߡߏߦߌ߫ ߘߊ߫ ߁߉߅߅ ߟߋ߬ ߟߊ߫ ߓߡߊ߬ߞߐ߫. ߖߌ߬ߣߍ߫ ߓߘߍ߬ߓߘߍ߬ߟߌ߬ߟߊ ߘߏ߫ ߟߵߊ߬ ߘߌ߫.

ߟߍߙߊߓߏ߲ ߧߋ߫ ߡߊ߬ߡߙߊ߬ߟߌ ߛߊ߲ߓߏ߲ ߓߟߌߕߍ ߃߲ ߠߋ߬ ߟߊ߫. ߊ߬ ߢߎߡߍߙߋ߲߫ ߟߍߙߊ ߣߌ߫ ߟߍߙߊ߫ ߛߓߍߣߍ߲ ߞߊ߫ ߛߌߦߊ߫ ߅߀.߀߀߀ ߘߌ߫؛ ߕߟߋ߬ߓߊ߰ ߄߀ ߜߊ߲߬ߞߎ߲߬ߣߍ߲߫ ߓߟߐߟߐ ߟߊ߫ ߸ ߘߞߋ߬ߟߊ߬ߘߋ߲ ߠߎ߬ ߣߌ߫ ߘߞߋ߬ߝߊ ߟߎ߬ ߦߋ߫ ߛߏ߲߯ߓߊߟߌ ߞߍ߫ ߟߴߏ߬ ߟߎ߬ ߟߊ߫ ߸ ߞߊ߬ ߕߌߙߌ߲ߠߌ߲ ߠߎ߬ ߞߍ߫. ߟߐ߲ߣߌ߲ߧߊ ߞߣߍ ߝߏ߯ߓߊ ߘߏ߫ ߦߋ߫ ߖߊ߯ߓߘߊ߫ ߞߏ߬ߝߌ ߊ߲ߣߊߣ ߞߣߐ߫ ߸ ߟߊ߬ߘߍ ߣߌ߫ ߛߌ߰ߥߟߊ߬ ߕߌ߲ߕߊ߲ߣߍ߲ ߠߎ߬ ߣߌ߫ ߘߍ߰ߡߎ߲ ߣߌ߫ ߘߛߊߓߐߟߌ ߟߎ߬ ߦߋ߫ ߞߍ߫ ߟߊ߫ ߡߍ߲ ߞߣߐ߫.

 

ߘߞߋ߬ߟߊ߬ߘߋ߲߬ ߆ ߀߀߀ ߖߊ߬ߕߋ߬ ߟߋ߬ ߘߞߋ߬ ߟߴߊ߬ ߞߣߐ߫ ߕߋ߲߭ߕߋ߲߭.

ߤߊ߬ߓߌߓߎ߬ ߓߊߟߑߘߋ߬ ߸ ߖߌ߬ߣߍ߬ ߞߊ߲ߓߍ߲ ߝߊ߬ߛߏ߬ ߜߙߊ ߥߛߊ߬ߘߋ߲.

ߖߌ߬ߣߍ߬ ߖߊ߯ߓߘߊ߫ ߞߏ߬ߝߌ߫ ߊ߲ߣߊߣ ߛߏ߯ߙߏߣߍ߲߫ ߟߐ߲ߘߊ ߟߏ߯ߟߎ߫ ߣߌ߫ ߘߋ߬ߙߌ߬ߘߊ߬ ߞߋߟߋ߲߫ ߣߌ߫ ߗߋ߬ߥߎ߬ߣߍ߲߬ߗߋߥߎ ߟߎ߬ ߟߊ߫ ߛߋߒߞߏߟߦߊߥߙߍ ߘߞߋߘߊ ߣߌ߫ ߞߊ߲ ߠߎ߬ ߓߏ߲ߞߣߐ ߞߋߟߋ߲߫ ߠߋ߬ ߟߊ߫:

•ߘߊ߲ߘߊߟߌ ߣߌ߫ ߓߊߛߌߦߊ ߣߌ߫ ߢߌ߲ߘߞߋ ߣߌ߫ ߞߎ߲߭ ߘߊ߲ߘߊ ߟߐ߲ߘߊ

•ߡߟߋߞߎߦߊ ߣߌ߫ ߡߐ߰ߦߊ ߟߐ߲ߞߏ ߟߎ߬ ߟߐ߲ߘߊ

•ߞߎ߬ߙߎ߲߬ߘߎ ߣߌ߫ ߓߘߍ߬ߓߘߍ߬ߟߌ ߟߐ߲ߞߏ ߟߎ߬ ߟߐ߲ߘߊ

•ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߟߘߊ߬ߙߏ߬ߟߌ ߟߐ߲ߞߏ ߟߎ߬ ߟߐ߲ߘߊ

•ߟߐ߲ߘߊ ߡߍ߲ ߢߎ߲ߣߍ߲߫ ߕߟߋ߬ߓߊ߰ߦߊ߬ߟߌ ߞߍߞߌߦߊ ߟߎ߬ ߓߟߏߦߊߟߌ ߟߊ߫ ߥߊߟߌߘߊ߫ ߟߘߊߙߏ ߟߊ߫

•ߊ߲߬ߜ߭ߌ߬ߟߋ߬ߞߊ߲ ߟߐ߲ߘߊ

•ߗߋ߬ߥߎ߬ߣߍ߲߬ߗߋߥߎ ߟߎ߬ ߟߊ߫ ߛߋߒߞߏߟߦߊߥߙߍ߫ ߘߞߋߘߊ

 

•ߖߌ߬ߣߍ߫ ߘߋ߬ߙߌ߬ߘߊ߫ ߞߏ߬ߝߌ߫ ߊ߲ߣߊߣ

•ߞߊ߲ ߠߎ߬ ߓߏ߲ߞߣߐ ([[ߒߞߏ ߓߏߟߏ߲ߝߘߊ]] ߦߴߏ߬ ߡߍ߲ ߞߣߐ߫).