߂߀߁߆ ߓߊߣߌ߫ ߓߊ߲߬ߜ߭ߎ߫ ߞߍߒߞߊ߲ߠߌ߲
ߓߊߣߌ߲߫ ߓߊ߲߬ߜ߭ߎ߫ ߞߍߒߞߊ߲ߠߌ߲ ߞߍ߫ ߘߊ߫ ߣߍߣߍߓߊ ߈\߂߀߁߆ ߟߊ߫ ߛߊ߯ߤߍߟߌ߫ ߞߟߍ ߕߎ߬ߡߊ ߟߊ߫.
| ߊ߬ ߦߋ߫ ߡߍ߲ ߘߏ߫ ߘߌ߫ | Insurgency in the Maghreb (2002–)  |
|---|---|
| ߖߡߊ߬ߣߊ߫ | Niger |
| ߦߙߐ | Banibangou |
| ߘߎ߰ߡߊ߬ߛߓߍ ߛߌ߰ߝߏ߲ | |
| ߕߎ߬ߡߊ߬ߘߊ | ߈ ߣߍߣߍߓߊ 2016 |
ߊ߬ ߞߍߟߌ
߂߀߁߆ ߣߍߣߍߓߊ ߈ ߛߐ߰ߡߊ߬ߘߊ ߟߊ߫߸ ߡߊ߬ߙߌ߬ߝߊ߬ߕߌ߮ ߘߏ߫ ߟߎ߫ ߞߵߊ߬ߟߎ߫ ߞߍ߫ ߣߌߗ߭ߍߙߌ߬ ߛߏ߬ߙߌ߬ߡߊ߬ߘߋ߲ ߠߎ߬ ߞߊ߲߬ ߓߊߣߌ ߓߊ߲߬ߜ߭ߎ߫߸ ߡߊ߬ߟߌ ߓߐߕߏ߲ ߞߎߘߍ߫ ߡߎ߬ߥߊ߲ ߠߊ߫. ߡߙߊ߬ߡߊ߬ߝߋ߲߬ ߡߌߛߍ߲ ߠߎ߬ ߣߌ߫ ߓߎ߰ߓߎ߬ߡߊ߬ߟߊ߲ (ߟߊ߲ߛߌ߫ ߙߏߞߍߕߌ) ߟߎ߬ ߟߋ߬ ߕߘߍ߬ ߦߋ߫ ߞߍߒߞߊ߲ߓߊ߮ ߓߟߏ߫߸ ߡߍ߲ ߠߎ߬ ߣߊ߬ ߘߊ߫ ߔߏߔߏ߫ ߕߊ߲߫ ߣߌ߫ ߞߐ߫ ߟߎ߫ ߞߊ߲߬߸ ߊ߬ ߣߌ߫ ߞߐ߲߬ߛߏ߫ ߝߌ߬ߟߊ߬ ߟߎ߫. ߛߍ߬ߘߏ߲ ߞߍ߫ ߘߊ߫ ߕߎ߬ߡߊ߬ߙߋ߲߬ ߣߊ߯ߣߌ߲߫ ߖߊ߬ߣߍ߲ ߠߋ߬ ߞߘߐ߫ ߦߊ߬ߣߌ߲߫ ߝߊ߬ߙߊ߲߬ߛߌ߫ ߛߊ߲ߡߊߞߎߟߎ߲ ߠߎ߬ ߣߊ߬ ߕߍ߫ ߞߊ߬ ߝߘߊ߫ ߓߊߙߌߞߊߣߌ߲߫ ߝߊ߲ߞߊ ߟߎ߬ ߟߊ߫߸ ߊ߬ ߣߌ߫ ߛ߭ߏߥ ߐ߬ߝ ߝߐ߯ߙߛ ߕߊ߬ߡߌ߲߬ ߞߏ߫ ߝߌ߬ߟߊ ߟߎ߫߸ ߏ߬ ߟߎ߫ ߟߋ߬ ߞߊ߬ ߥߛߊ߬ ߞߍ߫ ߞߍߒߞߊ߲ߓߊ߮ ߟߎ߬ ߜߍ߲ ߘߐ߫ ߞߵߊ߬ߟߎ߫ ߓߐ߫ ߦߋ߲߬ ߘߊ߫ ߟߊ߫. ߖߤߊ߬ߘߌ߬ ߞߟߍ߬ߟߊ ߏ߬ ߟߎ߫ ߞߊ߬ ߞߟߊ ߞߘߐߞߊ߬ ߞߊ߬ ߥߊ߫ ߡߊ߬ߟߌ ߝߊ߲߭ ߠߋ߬ ߝߍ߬߸ ߞߊ߬ ߥߊ߫ ߞߐ߲߬ߛߏ߫ ߝߌ߬ߟߊ߬ ߟߎ߫ ߘߴߊ߬ߟߎ߫ ߓߟߏ߫ ߞߌ߬ߛߍ߬ߝߙߎ ߟߎ߫ ߕߘߍ߬ ߦߋ߫ ߡߍ߲ ߠߎ߬ ߞߣߐ߫߸ ߊ߬ ߣߌ߫ ߞߟߍ߬ ߡߎ߬ߙߊ߲߫ ߜߘߍ߫ ߟߎ߫. ߡߊ߬ߜߍ߲ ߠߎ߬ ߣߊ߬ ߘߊ߫ ߞߐ ߝߍ߬ ߞߊ߬ ߓߊ߲߫ ߞߵߊ߬ߟߎ߫ ߣߐ߬ߝߍ߬ߜߍ߲߫ ߝߎߚߎ߫ ߝߏ߫ ߞߊ߬ ߥߊ߫ ߛߋ߫ ߡߊ߬ߟߌ߬ߓߊ ߘߎ߰ߞߟߏ ߞߊ߲߬.
ߓߐ߬ߣߐ
ߞߍߒߞߊ߲ߠߌ߲ ߣߌ߲߬ ߡߊ߫ ߡߊߞߊߣߌ߲߫ ߞߙߎ߫ ߛߌ߫ ߓߟߏ߫ ߒ߬ߞߊ߬ ߍߙߍߝߌ ߕߊ߫ ߝߐߟߌ߫ ߘߐ߫ ߞߏ߫ ߊ߬ߘߌߣߊ߲ߣ ߊ߬ߓߎ ߥߊߟߌߘ ߊ߬ߟߑߛߊ߬ߤߌ߬ߙߊ߬ߥߌ ߟߊ߫ ߞߙߎ ߟߎ߬ ߟߋ߬ ߣߐ߬ ߘߌ߫ ߞߍ߫߸ ߓߌ߬ߟߊ߬ߢߐ߲߰ߡߊ ߦߴߏ߬ ߟߎ߫ ߡߍ߲ ߠߎ߬ ߣߌ߫ ߛߌ߬ߟߡߊ߬ ߞߊߝߏ ߕߍ߫߸ ߞߎߡߊ ߏ߬ ߞߐߡߊߓߌ߲ߓߌ߲߫ ߘߊ߫ ߡߊ߲߬ߕߏ߲߬ߕߍ ߛߏ߬ߙߌ߬ߡߊ߬ߘߋ߲߫ ߝߊ߲ߞߊ ߟߎ߬ ߓߟߏ߫ ߡߍ߲ ߠߎ߬ ߡߝߊߣߍ߲߫ ߕߘߍ߬ ߦߋ߫ ߡߊ߬ߟߌ ߟߊ߫. ߊ߬ ߕߌߢߍߟߌ ߞߍ߫ ߘߊ߫ ߣߊ߲߬ߕߌ߰ ߅ ߟߎ߫ ߝߊ߰ߟߌ ߟߋ߬ ߘߌ߫ ߞߊ߬ ߛߓߊ߬ ߖߐߞߌ߫ ߸ ߊ߬ ߣߌ߫ ߞߊ߬ ߣߊ߯ߣߌ߲߫ ߠߎ߫ ߝߋ߬ߟߋ߲߬ߝߋߟߋ߲߫߸ ߏ߬ ߟߋ ߘߐߛߊߙߌ߫ ߘߊ߫ ߞߣߐߟߊ ߞߏߕߌ߮ ߓߟߏ߫. ߖߤߊ߬ߘߌ߬ ߞߟߍ߬ߟߊ ߟߎ߬ ߞߊ߬ ߡߐ߰ ߝߌ߬ߟߊ߬ ߟߊߥߛߎ߫ ߸ ߏ߬ ߟߎ߫ ߘߐ߫ ߞߋߟߋ߲߫ ߝߊ߰ ߘߊ߫ ߟߵߊ߬ߟߎ߫ ߓߟߏ߫. ߞߍߒߞߊ߲ߓߊ߮ ߝߌ߬ߟߊ߬ ߟߎ߫ ߝߊ߰ ߘߊ߫߸ ߛߌߞߊ߫ ߞߍ߫ ߘߊ߫ ߡߐ߰ ߂߆ ߜߘߍ ߡߍ߲ ߠߎ߬ ߡߊ߬ ߸ ߏ߬ ߟߎ߬ ߝߣߊ߫ ߡߌ߬ߘߊ߬ ߘߊ߫. ߖߤߊ߬ߘߌ߬ ߞߟߍ߬ߟߊ ߏ߬ ߟߎ߬ ߝߣߊ߫ ߞߊ߬ ߞߐ߲߬ߛߏ߫ (ߔߌߞߐߔߎ߫) ߟߎ߫ ߕߊ߬ ߞߌ߬ߛߍ߬ߝߙߎ߫ ߕߘߍ߬ ߦߋ߫ ߡߍ߲ ߠߎ߬ ߞߣߐ߫.
ߦߟߌߡߊߛߙߋ ߟߎ߬
This article uses material from the Wikipedia ߒߞߏ article ߓߊߣߌ߫ ߓߊ߲߬ߜ߭ߎ߫ ߞߍߒߞߊ߲ߠߌ߲ (߂߀߁߆), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.