ߊߡߌߣߊߕߊ߬ ߕߎ߬ߙߋ ߡߏߦߌ߫ ߘߊ߫ ߞߏߟߌ߲ߞߏߟߌ߲ ߁߂ ߟߋ߬ ߟߊ߫ ߁߉߅߂ ߟߊ߫ ߞߐߣߊߞߙߌ߫߸ ߞߊ߬ ߛߊ߬ ߓߌ߲ߠߊߥߎߟߋ߲ ߁߂ ߡߊ߬ ߂߀߂߂ ߟߊ߫ ߙߓߊ߫ (ߡߊ߬ߙߐߞߎ߬)߸ ߊ߬ ߕߘߍ߬ ߦߋ߫ ߖߌ߬ߣߍ߫ ߓߘߍ߬ߓߘߍ߬ߟߌ߬ߟߊ ߟߋ߬ ߘߌ߫.
ߖߊ߲߬ߕߌ߰ߦߊ | ߡߏ߬ߛߏ |
---|---|
ߝߊ߬ߛߏ߬ߦߊ߬ ߖߡߊ߬ߣߊ߫ | ߖߌ߬ߣߍ߫ |
ߕߐ߮ | ߊߡߌߣߊߕߊ߬ |
ߛߌ | ߕߎ߬ߙߋ߫ |
ߡߏߦߌ߫ ߕߎߡߊ | ߁߂ ߞߏߟߌ߲ߞߏߟߌ߲ 1952 |
ߡߏߦߌ߫ ߦߌߟߊ | ߞߐߣߊߞߙߌ߫ |
ߛߦߊ߬ ߕߎߡߘߊ | ߁߂ ߓߌ߲ߠߊߥߎߟߋ߲ 2022 |
ߛߊ߬ߦߊ ߞߍ߫ ߦߌߟߊ | ߙߓߊ߫ |
ߊ߬ ߝߊ߬ | ߛߋߞߎ߬ ߕߎ߬ߙߋ |
ߊ߬ ߣߊ߫ | ߡߊߙߑߜ߭ߍߌߕ ߞߐߟ |
ߓߊߘߋ߲ߡߊ ߟߎ߬ | ߡߏ߬ߤߊ߬ߡߍߘ ߕߎ߬ߙߋ |
ߝߘߎߡߊ | ߡߊ߬ߞߛߌߡ ߞߡߊ߬ߙߊ߫ |
ߞߊ߲ | ߝߊ߬ߙߊ߲߬ߛߌ߬ ߞߊ߲ |
ߓߊ߯ߙߘߊ | ߓߘߍ߬ߓߘߍ߬ߟߌ߬ߟߊ, jurist, business executive, activist |
ߗߋߘߊ | mayor of Kaloum |
ߞߙߎߞߊ | ߖߌ߬ߣߍ߬ ߓߍ߯ߦߊ ߞߙߎߞߊ, Kaloum Yigui |
ߊ߬ ߛߊ߬ ߘߊ߫ ߞߵߊ߬ ߕߏ߫ ߞߊ߬ߟߎߡ ߘߎ߰ߕߌ߰ߦߊ ߟߋ߬ ߟߊ߫ ߞߐߣߊߞߙߌ߫ ߞߊ߬ߝߏ߬ߙߋ߲ ߘߏ߫߸ ߊ߬ ߞߋߟߋ߲߫ ߠߋ߬ ߕߘߍ߬ ߦߋ߫ ߡߏ߬ߛߏ߫ ߘߌ߫ ߞߎߓߋߘߊ ߞߊ߬ߝߏ߬ߙߋ߲߬ ߟߏ߯ߟߎ ߟߎ߬ ߞߎ߲߬ߠߊ߫.
ߊߡߌߣߊߕߊ߬ ߕߎ߬ߙߋ߫ ߟߋ߬ ߦߋ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߝߟߐ߫ ߛߋߞߎ߬ ߕߎ߬ߙߋ ߘߋ߲߫ ߝߟߐ ߣߴߊ߬ ߘߋ߲ߡߛߏ߫ ߝߟߐ ߟߎ߬ ߘߌ ߘߌ߫. ߊ߬ ߝߘߎ߫ ߘߊ߫ ߕߏ߬ߟߊ߲߬ߕߊ߲߬ߠߊ߫ ߞߘߐ߫ ߡߊ߬ߞߛߌߡ ߞߡߊ߬ߙߊ߫ ߟߋ߬ ߓߟߏ߫ ߁߉߇߄ ߠߊ߫.
ߊ߬ ߦߋ߫ ߞߊ߬ߝߏ ߡߐ߰ߓߊ ߘߏ߫ ߘߋ߲ߡߛߏ߫ ߟߋ߬ ߘߌ߫ ߣߊߟߌ߬ߡߎ߲߫ ߊߤߊߡߍߘ ߛߋߞߎ߬ ߕߎ߬ߙߋ ߘߌ߫߸ ߊ߬ ߞߵߊ߬ ߟߊ߫ ߞߊ߬ߙߊ߲ ߞߍ߫ ߞߐߣߊߞߙߌ߫ ߟߋ߬ (ߞߵߊ߬ ߕߘߍ߬ ߊ߬ ߝߊ߬ ߦߋ߫ ߞߊ߲ߓߍ߲ ߞߊ߲ߕߌ߯ߦߊ ߟߊ߫), ߊ߬ ߣߴߊ߬ ߡߊ߬ߞߍ߫ ߡߎ߬ߤߊ߬ߡߊߘ ߕߎ߬ߙߋ߫. ߊ߬ ߝߊ߬ ߟߊ߫ ߛߊ߬ߦߊ ߞߐ ߘߐ߫߸ ߊ߬ ߞߵߊ߬ ߘߐߞߕߌ߫ ߞߊ߬ ߥߴߊ߬ ߡߊߞߍ߫ ߡߊ߬ߙߐߞߎ߬߸ ߏ߬ ߞߍ߫ ߘߊ߫ ߁߉߈߄ ߞߊ߬ߝߏ߫ ߖߊߛߏ߲ ߞߐ ߟߋ߬ ߘߐ߫߸ ߓߊߏ߬ ߊ߬ ߕߘߍ߬ ߦߋ߫ ߓߌ߬ߟߊ߬ߢߐ߲߰ߡߊ ߞߋ߬ߥߎ߬ߣߍ߲߬ߞߋߥߎ ߟߋ߬ ߘߌ߫. ߊ߬ ߞߵߊ߬ ߞߐߛߊ߬ߦߌ߫ ߖߌ߬ߣߍ߫ ߛߋ߲߬ߧߊ ߘߏ߫ ߘߐ߫߸ ߞߏ߬ߣߵߏ߬ ߞߍ߫ ߘߊ߫ ߟߐ߬ߟߌ߬ ߞߊ߲ ߠߋ߬ ߡߊ߬. ߏ߬ ߟߋ ߞߐ߫ ߛߊ߫߸ ߂߀߁߈ ߘߎ߰ߕߌ߰ ߛߎߥߊ߲ߘߌ ߢߊߞߘߐ ߘߐ߫߸ ߊ߬ ߘߏ߲߬ ߘߊ߫ ߓߘߍ߬ߓߘߍ߬ߟߌ ߘߐ߫ ߞߙߎߞߊ߫ ߘߍ߲ߖߘߍߟߊ ߘߌ߫ ߞߊ߬ߟߎߡ ߦߌ߬ߜ߭ߌ ߕߐ߮ ߘߌ߫.
ߊ߬ ߕߘߍ߬ ߦߋ߫ ߖߌ߬ߣߍ߬ ߓߍ߯ߦߊ߫ ߞߙߎߞߊ ߕߐ߲ߘߋ߲ ߠߋ߬ ߘߌ߫ ߞߊ߬ߦߌ߯ ߊ߬ ߝߊ߬ ߕߋ߬ߟߋ ߘߐ߫ ߞߙߎߞߊ߫ ߞߋߟߋ߲ߧߊ ߕߎ߬ߡߊ ߟߊ߫߸ ߊ߬ ߞߵߊ߬ ߡߊߕߊ߯ ߟߋ߬ ߓߘߍ߬ߓߘߍ߬ߟߌ ߟߴߊ߬ ߟߊ߫ ߢߊߣߌ߲ߡߊߓߏߙߌ ߕߎ߬ߡߊ ߟߊ߫. ߊ߬ ߞߵߊ߬ ߞߐߛߊ߬ߦߌ߫ ߖߌ߬ߣߍ߫ ߟߐ߬ߟߌ߬ ߥߊߟߌߘߊ ߘߏ߫ ߘߌ߫߸ ߊ߬ ߣߊ߬ ߘߊ߫ ߞߊ߬ߟߎߡ ߦߌ߬ߜ߭ߌ (ߞߊ߬ߟߎߡ ߖߌ߱) ߟߊߘߊ߲߫ ߞߐ ߟߊ߫ ߞߙߎߞߊ߫ ߘߍ߲ߖߘߍߟߊ ߘߌ߫.
ߊ߬ ߟߊ߫ ߟߊ߬ߥߛߊ߬ ߛߐߘߐ߲ ߞߐ ߘߐ߫ ߞߊ߬ߟߎߡ ߞߎ߲߬ߠߊ߫߸ ߓߊߏ߬ ߊ߬ ߞߍ߫ ߘߊ߫ ߡߊ߬ߡߌ߬ߘߊ߬ߟߌ߬ߟߊ ߘߴߏ߬ ߞߋߟߋ߲߫ ߠߋ߬ ߘߐ߫߸ ߊ߬ ߞߵߊ߬ ߡߊߟߐ߲߫ ߞߴߊ߬ ߦߋ߫ ߖ.ߓ.ߞ ߟߋ߬ ߘߐ߫ ߤߊ߲߯ ߓߌ߬.
ߊ߬ ߞߍ߫ ߘߊ߫ ߡߊ߬ߡߌ߬ߘߊ߬ߟߌ߬ߟߊ߫߫ ߘߍ߲ߖߘߍߟߊ ߟߋ߬ ߞߊ߬ߟߎߡ ߦߌ߬ߜ߭ߌ ߛߟߊ߫ ߟߊ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߛߋ߲߬ߝߍ߫ ߞߏ߲ߞߏߜߍ ߄, ߂߀߁߈ ߠߊ߫߸ ߊ߬ ߞߊ߬ ߞߊ߲߫ ߂߉ ߟߋ߬ ߛߐ߬ߘߐ߲߫ ߞߊ߬ߟߎߡ ߟߊ߬ߟߌ߰ߟߌ߬ߟߊ ߂߉ ߟߎ߫ ߘߐ߫. ߞߐߣߊߞߙߌ߫ ߞߎ߲߬ߠߊ߬ߛߌ߰ߟߊ߫ ߡߊߕߎߙߍ߲߫ ߓߊ߲߬ߜ߭ߎߙߊ߫ ߞߊ߬ ߛߏ ߟߛߊߣߌ߲ߧߊ ߢߍߥߟߊ߫ ߘߐߥߛߊ߬ߣߍ߲ ߠߋ߬ ߟߊߥߟߌ߬. ߛߟߌ߫ ߡߛߏ ߕߊ߫ ߝߐߟߌ߫ ߘߐ߫߸ ߞߏ߬ ߡߌ߬ߙߌ߲߬ߘߌ ߛߋ߲߭ ߕߍ߬ߘߍ ߛߊߣߌ߲ߧߊ ߏ߬ ߘߐ߫߸ ߞߴߏ߬ ߦߋ߫ ߢߊ߲߬ߞߐ߬ߓߊߟߌ ߟߋ߬ ߘߌ߫߸ ߞߴߊ߬ߟߎ߫ ߦߋ߫ ߢߊ߬ߡߊ ߘߟߊߘߍ߰ ߘߊߞߎ߲߫ ߞߋߟߋ߲߫ ߘߐ߫ ߛߊ߫ ߖߊ߬ߕߋ߬ߘߐ߬ߛߌ߮ ߘߌ߫ ߛߎߘߊ߲߫.
ߊߡߌߣߊߕߊ߬ ߟߊ߫ ߟߊ߬ߥߛߊ߬ ߛߐߘߐ߲ ߏ߬ ߖߊ߬ߕߋ߬ ߘߊ߫ ߖ.ߡ.ߟ ߟߊ߫ ߗߌߙߏ߲ߠߌ߲ ߠߋ߬ ߘߌ߫ ߏ߬ ߟߎ߬ ߡߍ߲ ߠߎ߬ ߕߘߍ߬ ߦߋ߫ ߝߊ߲߬ߞߊ ߟߊ߫ ߥߊ߯ߕߌ ߏ߬ ߟߊ߫߸ ߞߊ߬ ߓߍ߲߬ ߞߊ߬ߟߎߡ ߛߌ߰ߝߊߘߌ ߡߊ߬߸ ߓߊߏ߬ ߞߊ߲ߓߍ߲ ߞߊ߲ߕߌ߯ߘߊ ߣߌ߫ ߞߊ߬ߝߏ ߞߎ߲߬ߠߊ߬ߛߌ߰ ߘߊߞߎ߲ ߓߍ߯ ߦߴߊ߬ߟߋ ߟߋ߬ ߞߣߐ߫.
ߊߡߌߣߊߕߊ߬ ߕߎ߬ߙߋ߫ ߦߋ߫ ߞߕߌߦߟߊ (juriste de formation) ߟߋ߬ ߘߌ߫߸ ߊ߬ ߞߵߊ߬ ߥߊߙߊ߲ߞߊ߫ ߘߋߣߍ߲ ߠߎ߬ ߤߊߞߍ ߡߊߞߊߘߊ߲ ߘߐ߫. ߊ߬ ߓߊ߯ߙߊ߫ ߘߊ߫ ߘߋߣߍ߲ ߠߎ߬ ߦߋ߫߸ ߊ߬ ߣߌ߫ ߞߊ߬ ߡߊ߬ߝߊ߲߬ߞߐ߫ (tribunal démoniaque) ߟߊߛߌ߲߫.
ߊ߬ ߕߘߍ߬ ߦߋ߫ ߡߍ߲ ߠߊ߫ ߊߡߌߣߊߕߊ߬ ߕߎ߬ߙߋ߫ ߟߊ߫ ߞߍ߬ߣߍ߲ ߞߏ߫ «ߞߊ߲ߕߌ߯ ߊߤߊߡߍߘ ߛߋߞߎ߬ ߕߎ߬ߙߋ ߕߘߍ߬ ߦߋ߫ ߦߋ߫ ߖߌ߬ߣߍ߫ ߝߏߣߌ߲ߞߋ ߓߍ߯ ߝߊ߬ ߟߋ߬ ߘߌ߫». «ߛߋߞߎ߬ ߕߎ߬ߙߋ ߕߘߍ߬ ߦߋ߫ ߖߌ߬ߣߍ߬ ߝߏߣߌ߲ߞߋ ߟߎ߬ ߓߍ߯ ߝߊ߬ ߟߋ߬ ߘߌ߫ ߞߐߘߍ߫». «ߊ߬ ߘߏ߲߬ ߕߎ߲߬ ߕߍ߫ ߘߏ߫ ߓߐ߫ ߟߊ߫ ߘߏ߫ ߘߐ߫»
ߊߡߌߣߊߕߊ߬ ߕߎ߬ߙߋ߫ ߞߵߊ߬ ߕߊ߫ ߦߋߕߊ ߝߐ߫ ߞߊ߬ ߟߐ߬ ߝߊ߬ߙߊ߲߬ߛߌ߬ ߟߊ߫ ߖߌ߬ߣߍ߫ ߟߢߊߣߌ߲߫ ߡߵߊ߬ ߟߊ߫ ߘߍ߲ߖߘߍߟߦߊ ߞߐ ߘߐ߫߸ ߞߏ߫ ߝߊ߬ߙߊ߲߬ߛߌ߫ ߞߊߡߊ߲߫ ߞߊ߬ ߦߊ߰ߝߊ ߕߙߊ߫ ߖߌ߬ߣߍ߫ ߝߍ߬.
ߊߡߌߣߊߕߊ߬ ߕߎ߬ߙߋ߫ ߛߊ߬ ߘߊ߫ ߓߌ߲ߠߊߥߎߟߋ߲ ߁߂, ߂߀߂߂ ߟߊ߫ ߡߊ߬ߙߐߞߎ߬߸ ߖߊ߲߬ߞߊߙߏ߫ ߞߎ߲߬ߕߊ߰ߖߊ߲ ߘߏ߫ ߞߐߝߍ߬.
This article uses material from the Wikipedia ߒߞߏ article ߊߡߌߣߊߕߊ߬ ߕߎ߬ߙߋ߫, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.