Sola i Karlstad, eigentleg Eva Lisa Holtz (1.
januar">1. januar 1739–24. november 1818), var ein svensk vertshushaldar som er blitt eit kjent symbol for byen Karlstad.
Sola i Karlstad | |
Statuen Sola i Kallsta utanfor stadshotellet i Karlstad | |
Statsborgarskap | Sverige |
Fødd | 1. januar 1739 Karlstad |
Død | 24. september 1818 (79 år) |
Yrke | forretningsdrivande |
Sola i Karlstad på Commons |
Eva Lisa Holtz var fødd i Karlstad den 1. januar 1739. Ho dreiv eit vertshus som låg på tomt 156 i byen. Ho vart kjend for sitt glade og «solfylte» humør, og fekk derfor tilnamnet «Sola i Karlstad». Vertshuset blei kjend som «Solas».
Ved utgravingar i sentrale Karlstad i byrjinga av 2000-talet på byggjetomta til et nytt kjøpesenter fann Riksantikvarieämbetet restane av vertshuset til Sola. Restane vart ikkje tatt vare på, men i staden vart dei hivne på fyllinga.
Utanfor stadshotellet i Karlstad står ein statue av Eva Lisa Holtz, med tittelen Sola i Karlstad. Denne statuen er utført av skulptøren Herman Reijers og vart oppstilt på denne plassen i 1985.
Det finst fleire litterære referansar til sol og solskin i Karlstad. Romanen Solen i Karlstad (1904), skrive av pseudonymet Gunnar Forssman, er ein av dei. Hovudpersonen i romanen, Elsa, blir kalla Solen i Karlstad. Til Öjebokören (grunnlagt i 1955 i Karlskoga) skreiv Rune Lindström 1957 songen «Te dans mä karlstatösera» (seinare kjend gjennom Sven-Ingvars), der ei linje i innleiinga lyder «mitt öga det blänker som sol i Karlstad stad».
Karlstads kommun gjorde i 1989 ei glad sol til sin logo. Logoen var teikna av kunstnaren Lasse Sandberg, og hadde allereie vore i bruk sidan 1984, då byen feira 400-årsjubileum.
This article uses material from the Wikipedia Nynorsk article Sola i Karlstad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.