Terpsichore (vun ooltgreeksch τερπέω, terpeo sik frein un χoρός, choros Danz,up Platt: de bi'n Danz sik freit) is en vun de negen Musen, de dat in de Greeksche Mythologie vun Hesiod af an gifft.
Se is de Muse vun den Chorgesang un vun den Danz.
As al Musen is Terpsichore en Göddin. Se is en Dochter vun Zeus un siene Leevste Mnemosyne. Hen un wenn warrt se ok as Mudder vun de Sirenen ankeken, de se mit den Flussgott Acheloos tüügt hebben schall.
Terpsichore warrt tomeist dorstellt in'n Sitten mit en Kythara (Lier) un mit en Plektron.
De Komponist Michael Praetorius hett siene Sammlung mit weltliche Dänz na düsse Muse Terpsichore benömmt.
De Asteroid Nr. 81, Terpsichore, hett sien Naam vun düsse Muse herkregen.
This article uses material from the Wikipedia Plattdüütsch article Terpsichore (Mythologie), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.