Wapen/Flagg | Koort | |
---|---|---|
| ||
Basisdaten | ||
Inwahners: | ||
Postleettall: | 27308 | |
Vörwahl: | 04237 | |
Geograafsche Laag: | 52° 58′ N, 9° 28′ O | |
Sankt Pauli (hoochdüütsch Sankt Pauli) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen höört de Oort to de polietsche Ortschop Schepinkel.
De Oort liggt in de Lümbörger Heid. Dat Water ut dat Rebeed flütt in’n Noorden na’n Gohbeek hen af un in’n Süden na de Lehrde hen.
De Naveröörd sünd Dreßel un Jeddingen in’n Noordoosten, de Hoff Tadel in’n Oosten, Bleckwedel un Königshoff in’n Süüdoosten, Egenbossel un Lehrden in’n Süden, Groten Heinz un Lüttjen Heinz in’n Süüdwesten, Bennbössel in’n Westen un Schepinkel, Geerkenhoff un Odeweg in’n Noordwesten.
De Oort is eerst in dat 20. Johrhunnert as Siedlung anleggt worrn. Vör allen na’n Tweten Weltkrieg hebbt dor Verdrevene ut de Oostrebeden Hüüs boot.
De Oort höört von Anfang an to de Gemeen Odeweg, de 1954 ehren Naam op Schepinkel ännert hett. Düsse Gemeen is an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn. Sietdem höört de Oort to de Oortschop Schepinkel binnen de Gemeen.
Sankt Pauli is evangeelsch-luthersch präägt un höört to dat Kaspel von de Bartholomäus-Kark in Karkwals.
För de Kathoolschen is de St.-Josef-Kark in Veern tostännig.
För Sankt Pauli is de freewillige Füürwehr Schepinkel tostännig.
An Sankt Pauli langs löppt de Landsstraat 171, de in’n Süüdwesten över Kerklinneln na Veern an de Bundsstraat 215 geiht un in’n Noordoosten över Jeddingen na Visselhöövd an de B 440. In’n Süden (al op Rebeed, dat to’n Landkreis Rodenborg höört), löppt de Kreisstraat 240 na Egenbossel un Bleckwedel. In’n Noordwesten löppt en lüttjere Straat na Schepinkel an de K 18, de von dor wiedergeiht na Odeweg, Groten Zähln un Lüttjen Zähln.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so 13 Kilometer in’n Süüdwesten von Sankt Pauli an de L 171.
De nächste Bahnhoff is so bi acht Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel. Bet 1987 hett dat ok noch an de Bahnhööv Bennbössel un Jeddingen Personenverkehr geven. Düsse beiden Bahnhööv weren blots veer Kilometer weg.
This article uses material from the Wikipedia Plattdüütsch article Sankt Pauli (Landkreis Veern), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.