Russell Alexander „Chiste“ Garcia (* 16.
Dezember">16. Dezember 1950 in Stann Creek Town; † 19. Dezember 2009 in Belize-Stadt) weer en Politiker ut Belize (UDP).
Garcia is 1950 as Söhn von Gwendolyn, borene Trapp, un Alejandro Garcia in ene Garifuna-Familie in Stann Creek Town (vondaag Dangriga) boren. Myrtle Palacio weer siene Halvsüster. Garcia hett dat Lynam Agricultural College besöcht un hett denn in de Johren 1970 an de Central Farm Training School in Central Farm arbeidt. Sien Ökelnaam Chiste keem von’n Filmheld Maciste un hett op sien Sportlichkeit un Knööv anspeelt. He weer verheiraadt mit Florence Garcia, borene Sabal, un hett in Dangriga leevt. De beiden harrn teihn Kinner.
Garcia is an’n 19. Dezember 2009 in dat Karl Heusner Memorial Hospital in Belize-Stadt doodbleven, nadem he al een Johr mit Nerenverseggen to kriegen harr. De Truurfier weer an’n 23. Dezember in de Sacred Heart Church in Dangriga.
Bi de Parlamentswahl 1993 weer he för de UDP Kannedaat in’n Wahlkreis Dangriga un hett mit 56,4 % von de Stimmen gegen Theodore Aranda von de PUP wunnen. Bi de Wahl 1998 weer he in’n sülven Wahlkreis wedder Kannedaat un hett dütmaal mit 41,63 % von de Stimmen gegen Aranda verloren. Bi de Wahl 2003 is he ok wedder antreden un hett mit 44,58 % von de Stimmen gegen Sylvia Flores (PUP) verloren.
Dormit weer Garcia von 1993 bet 1998 Afornten von dat Repräsentantenhuus von Belize. In de sülve Tied weer he ok ünner Premierminister Manuel Esquivel Minister för Bueree.
Von 2006 bet März 2009 weer he Maat von’n Stadtraad von Dangriga.
De Multifunkschoons-Sport- un Veranstaltungs-Hall in Dangriga, de 2018 trech worrn is, is em to Ehren Russell ‘Chiste’ Garcia Auditorium nöömt worrn.
–1981: Florencio Marin Sr. | 1984–1989: Dean Lindo | 1989–1993: Michael Espat | 1993–1998: Russell Garcia | 1998–2003: Daniel Silva | 2003–2004: Servulo Baeza | 2004–2006: Michael Espat | 2006–2008: Juan Vildo Marin | 2008–2012: Rene Jaime Montero | 2012–2016: Gaspar Vega | 2016–: Godwin Hulse
This article uses material from the Wikipedia Plattdüütsch article Russell Garcia (Politiker), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.