Renate Elly Künast (* 15.
Dezember">15. Dezember 1955 in Riäkelhusen) is en düütsche Politikersche vun Bündnis 90/De Grönen. Siet 2005 is se de Vörsittersche vun de Bundsdagsfrakschoon vun ehr Partei un weer vun 2001 bit 2005 Bundsministersche för Brukerschuul, Nehren un Landweertschap.
Künast hett vun 1973 bit 1976 an de Fackhoochschool Düsseldörp dat Fack Soziale Arbeit studeert un dorna 1976/77 en Anerkennungsjohr maakt. Twüschen 1977 un 1979 hett se as Sozialarbeitersche in Berlin in de Justizvulltogsanstalt Tegel arbeit. In’n Ansluss doran hett se an de FU Berlin en Jurastudium opnahmen, dat se 1982 mit dat eerste un 1985 mit dat tweete juristische Staatsexamen afslaten hett. Se is sietdem as Afkaat tolaten un is bi de Kanzlee, in de ünner annern ok ehr Parteifründ Wolfgang Wieland arbeit. Mit em tosamen hett se lange Johren de Frakschoon in’t Berliner Afordentenhuus föhrt.
In’t Johr 1979 is Renate Künast in de Berliner Alternative List för Demokratie un Ümweltschuul intreden, de sik later de Bundsorganisatschoon vun de Grönen anslaten hett. vun Juni 2000 bit März 2001 weer se tosamen mit Fritz Kuhn Bundsvörsittersche vun Bündnis 90/De Grönen. Künast is Liddmaat vun’n Parteiraat vun de Grönen.
Vun 1985 bit 1987 as ok vun 1989 bit 2000 weer Künast Liddmaat vun’t Afordentenhuus vun Berlin. Dor weer se vun 1989 bit 1993 un noch mol vun 1998 bit 2000 Frakschoonsvörsittersche. 1991 bit 1994 hett se de Enquête-Kommisschoon Verfatensreform vun’t Afordentenhuus leidt- Vun 1993 bit 1998 weer se Sprekersche för Rechtsfragen in ehr Frakschoon.
Siet de Bundsdagswahl 2002 is Renate Künast Liddmaat in’n Düütschen Bundsdag. Na de Bundsdagswahl 2005 is se an’n 18. Oktober 2005 tosamen mit Fritz Kuhn Vörsittersche vun de Bundsdagsfrakschoon Bündnis 90/De Grönen worrn. In’n Bundsdag is se jeed mol över de Landslist Berlin intogen. In ehrn Wahlkreis in Tempelhof-Schöneberg hett se 2005 21,0 % vun de Eerststimmen kregen.
Künast weer Liddmaat vun de Kabietten Schröder I un II. Vun’n 12. Januar 2001 bit to’n 4. Oktober 2005 weer se Bundsministersche för Brukerschuul, Nehren un Landweertschap. Op ehr egen Anregen hen is dat vörmolige Landweertschapsministerium nee betekent worrn un hett dat Opgavenrebeet Brukerschuul mit dorto kregen. In dat Amt beropen weer se wun wegen dat ehr Vörgänger Karl-Heinz Funke (SPD) un de Gesundheitsminstersche Andrea Fischer (Bündnis 90/De Grönen) wegen en BSE-Schandaal Bott geven müssen.
As Ministersche hett Künast de „Agrarwenn“ dörsett, en Reformpaket, dat den Brukerschuul starker maakt un de ökoloogsche Landweertschap föddert hett un togliek de Deerschuul utwieten schüll. As de root-gröne Bundsregeeren bi de Bundsdagswahl 2005 ehr Mehrheit verloren harr is se Frakschoonsvörsittersche worrn. Se is dorüm an’n 27. September 2005 vun ehr Amt torüchpeddt, noch vördem de Regeeren Merkel in’t Amt kamen is. För de Twüschentiet hett ehr Parteikolleeg Jürgen Trittin ehr Amtsopgaven mitövernahmen.
Wiel fröhere Bundsdagsafordente un Frakschoonsvörsitters vun de Partei en Deel vun jemehr Diäten an de Partei afgeven müssen, kriggt Künast över ehr Frakschoonsvörsitterdiät vun 7.009 Euro in’n Maand rut en Toslag vun 3.500 jeden Maand ut de Frakschoonskass.
Künast is Liddmaat in’n Biraat vun de karkenkritischen Börgerrechtsverenigen Humanistische Union. Bito is se Liddmaat vun’t Kuratorium vun de Berliner AIDS-Help as ok Ehrenliddmaat vun de International Raoul Wallenberg Foundation un dat Angelo Roncalli Committee.
Wilhelm Niklas | Heinrich Lübke | Werner Schwarz | Hermann Höcherl | Josef Ertl | Björn Engholm | Josef Ertl | Ignaz Kiechle | Jürgen Borchert | Karl-Heinz Funke | Renate Künast | Jürgen Trittin (komm.) | Horst Seehofer | Ilse Aigner | Hans-Peter Friedrich | Christian Schmidt | Julia Klöckner
This article uses material from the Wikipedia Plattdüütsch article Renate Künast, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.