Euro

He warrt vun de Europääsche Zentralbank kontrolleert un is de offiziell Betahlmiddel vun dörteihn vun de Staaten in de EU un süss Staaten, de nich in de EU sünd.

De Euro gellt siet 1999 as Bookgeld. An’n 1. Januar 2002 werr de Euro ok as Bargeld – Münten un Banknoten – inföhrt un löste de fröher in de deelnehmenden Länner gülligen Müntteken af. Een Euro is ünnerdeelt in 100 Cent.

Disse Länner hebbt den Euro as nieg Geld inföhrt:

• Belgien (inföhrt as Bookgeld 1999/ inföhrt as Bargeld 2002)
• Düütschland (1999/2002)
• Finnland (1999/2002)
• Frankriek (1999/2002)
• Grekenland (2001/2002)
• Irland (1999/2002)
• Italien (1999/2002)
• Luxemborg (1999/2002)
• Nedderlannen (1999/2002)
• Österriek (1999/2002)
• Portugal (1999/2002)
• Spanien (1999/2002)
• Slowenien (2007/2007)
• Malta (2008/2008)
• Zypern (2008/2008)
• Slowakei (2009/2009)
• Eestland (2011/2011)
• Lettland (2014/2014)
• Litauen (2015/2015)

En poor Staaten hebbt bi dat Geld Tosamenslüss mit Staaten hatt, de nu de Euro inföhrt hebbt, un hebbt dorum ok offiziell de Euro annahmen:

• Andorra
• Monaco
• San Marino
• Vatikanstadt

Annere Staaten hebbt de Euro inföhrt, ahn dat de EU tostimmt hett:

• Kosovo
• Montenegro

De Staaten Däänmark, Sweden un Grootbritannien hebbt sik entschieden, den Euro vöreerst nich intoföhren.

Buten vun Europa hebbt ok en poor Rebeden de Euro inföhrt. Dat sünd de franzöösch Överseedépartements Franzöösch-Guayana, Guadeloupe, Martinique, Mayotte un Réunion un de Rebeeten Saint-Pierre un Miquelon.

In dat Johr 2007 ännert sük de Weertsieden van de Euro-Münten. Bi de 10-, 20- un 50-Cent-Stücken wiest denn en Europakoort ahn Lännergrenzen und de Werttallen sünd anners ünnerleggt. Bi de Euro-Stücken is de Europakoort denn ok ännert. 1-, 2- un 5-Cent-Münten wurd aber nich ännert.

  Euro. Mehr Biller, Videos oder Audiodateien to’t Thema gifft dat bi Wiki Commons.

• Euro - Noten un Historie (hoochdüütsch un engelsch)