MS-DOS ist en Bedriefssysteem för en Reekner vun Microsoft, is aber hüüt nich mehr begäng.
Langform vun de Naam is Microsoft Disk Operating System.
MS-DOS is en textbaseert System. Dat heet, dat Befehlen blots mit Tastatur un nich mit ene Muus ingeben warrn köönt. Dat System weer fröher noch as ünnerste Loog vun de graafschen Bedriefssystemen Windows 1.x, 2.x, 3.x, 95, 98 und ME vun Microsoft implementeert. In ne’ere Bedriefssystemen warrt en anner Grundloog bruukt.
Hüüt warrt MS-DOS, as ok annere Disk Operating Systems, kuum noch bruukt, is aber vun wegen de Grött good to bruken, wenn een to’n Bispeel en System op Diskett packen will.
Hier is en List vun de wichtigsten Kommandos, man nich vullstännig. Ünner MS-DOS köönt Informatschonen to Befehlen mit BEFEHL /? afropen warrn.
cd {Ordner} | Wesselt in den Ordner „Ordner“. Dat soorgt dorför, dat du de Dateien in den Ordner utföhren un op’n Bildschirm wiesen kannst. |
cd .. | Wesselt in den nächsthöheren Ordner (to’n Bispeel vun C:\DOS in C:\" |
cd \ | Wesselt in den Stammordner (to’n Bispeel C:\) |
cls | Bildschirm lerrig maken |
copy {vun} [nooh] | Kopeert Dateien |
copy con [dateiname] | Lütt Texteditor, mit den du Texte schrieben kannst. |
echo Moin | Dormit kannst du Mellungen utgeben. |
format C: | Löscht den gesamten Inholt vun en Fastplatenpartitschoon un maakt en ne’e Tabell för Bedriefssystemen dor op. Dorna is de Fastplaat lerrig, dat heet, wenn MS-DOS up disse Partitschoon liggt, is dat ok weg. |
del {datei} bzw.erase {datei} | Löscht Dateien |
dir [/p/w/s/a] | Wiest Dateien in den aktuellen Ordner |
exit | Slött de Kommandoreeg, wenn de ut en anner Programm upropen worrn is (to’n Bispeel Microsoft Windows) |
md {name} | Maakt en ne’en Ordner |
path [[=]wert] | Dormit kannst de Ümgebungsvariable „path“ op’n Bildschirm wiesen oder ännern. In den Ordner, de in disse Variable angeben is, söcht MS-DOS no sien Programme. |
rd {name} | Löscht en lerrigen Ordner |
ren {name} | Gifft ene Datei en annern Naam |
set [variable[=wert]] | Gifft de Ümgebungsvariablen an, ännert se oder erstellt een ne’e |
type {dateiname} | Wiest ene Datei an |
ver | Wiest di de Version vun MS-DOS |
This article uses material from the Wikipedia Plattdüütsch article MS-DOS, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.