Koornsche Spraak
Snackt in
| Koornsch | ||
|---|---|---|
| England (Cornwall) | ||
| Sprecher | 250 - 300 leifig, bi 3.000 geiht dat man so | |
| Klassifikatschoon |
| |
| Offitschell Status | ||
| Amtsspraak in | - | |
| Spraakkoods | ||
| ISO 639-1 | kw | |
| ISO 639-2 | (B) cor | (T) |
De koornsche Spraak (op Koornsch: Kernowek) is de inheemsche Spraak vun Cornwall un höört (blangen Waliessch un Bretoonsch) to de britannsche Grupp vun de keltschen Spraken. (De annere Ünnergrupp vun de keltschen Spraken is de goideelsche Grupp mit Irisch, Schottsch-Gäälsch un Manx). Koornsch hett üm un bi 80% vun sien Grundvokabular mit Bretoonsch gemeensam, 75% mit Waliessch, 35% mit Irisch un 35% mit Schottsch-Gäälsch.
Bet to dat Enn vun dat 18. Johrhunnert hebbt Lüüd ut Cornwall de koornsche Spraak bruukt. Denn is de Spraak as Spraak vun en Gemeenschop utstorven. 'n poor enkelte Lüüd sind bekannt, de noch letzte Resten vun de Spraak af un an bruukt hebbt. In't 20. Johrhunnert hebbt Spraakenthusiasten de Spraak wedder in't Leven trüchhaalt.
Vundaag gifft dat üm un bi 350 Lüüd, de de Spraak fleten snackt un ca. 3000 Lüüd, de Koornsch tominnst 'n beten köönt, dat is weniger as een Perzent vun de Lüüd ut Cornwall.
Na en langen Striet hett Grootbritannien Koornsch as Minnerheitenspraak anerkannt. Siet 2002 steiht ok Koornsch ünner de Schuul vun de Europääsche Charta vun de Regional- un Minnerheitenspraken.
De regionale Regeren vun Cornwall hett tosamen mit de koornschen Spraakverenen en Strategie utarbeidt, woans se de Spraak vöranbringen wullt.
Referenzen
Weblenken
This article uses material from the Wikipedia Plattdüütsch article Koornsche Spraak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.