Kvlv
Dat Kathoolsche Bildungswark van de Landfroon (Katholiek Vormingswerk van Landelijke Vrouwen, KVLV) is en Landfroon-Verband vun un för Froonslüüd op’n Lannen in Belgien (in Flandern, in’n edderlandschen Deel vun Belgien).
Dat KVLV is dat Froonafdeel vun’n belgischen Buurnbund. Siet 2003 hett de Verband sien Sitt in de Vöroortgemeen Wijgmaal vun Löwen, vördem weer he in Löwen sülvst.
Maten sünd vör allen Froonslüüd ut de Bueree, aver de Verband steiht ok apen för Froonslüüd ut annere Beropen. Alltohoop sünd dat so bi 112.000 Froonslüüd (Stand 2006).
De Verband is ok stark aktiv bi de sozialen Deenstleistungen un is een vun de gröttsten Deenstleisters bi de Pleeg vun ole Lüüd un de Betreun vun Kinner.
Geschicht
Dat Bildungswark is an’n 5. Juli 1911 in Löwen as Boerinnenbond (Buurnfroonbund, Bund vun de Buurschen) grünnt worrn un hett sien Naam 1971 op Katholiek Vormingswerk voor Landelijke Vrouwen un denn 1975 op de hüdige Form ännert.
1952 hett sik ok de Landfroonverband vun de Düütsche Gemeenschop in Belgien mit 52 Oortsverbänn dat KVLV anslaten. Disse Verband is 2004 wedder egenstännig worrn, warrt aver wieder vun’t KLVL ünnerstütt.
Tall Maten:
- 1919: 20.000 in 153 Oortsverbänn
- 1940: 120.000 in 973 Oortsverbänn
- 1961: 139.000 in 1.170 Oortsverbänn
- 1991: 163.000 (histoorsch Hööchststand)
- 2006: 112.000 in mehr as 1000 Oortsverbänn
De Verband hett ok en egen Tiedschrift rutbröcht, de vun 1911 bet 1949 De Boerin heten hett un denn Bij de Haard. 1991 is de Naam noch wedder ännert worrn op Eigen Aard. Siet 2006 gifft dat de Tiedschrift Vrouwen met vaart.
Weblenken
- Websteed vun’t KVLV (nedderlandsch)
This article uses material from the Wikipedia Plattdüütsch article KVLV, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.