Gemeen Neetz
Neetz (hochdüütsch Neetze) is een Gemeen in de Samtgemeen Oostheid in’n Landkreis Lümborg in Neddersassen (Düütschland), de an’n Neetz-Stroom liggt.
De Gemeen hett 2793 Inwahners (Stand 31. Dezember 2022).
| Wapen/Flagg | Koort | |
|---|---|---|
|
|
| |
| Basisdaten | ||
| ||
| Flach: | 26,86 km² | |
| Inwahners: | 2793 (31. Dezember 2022) | |
| Hööchd: | 37 m över de See | |
| Postleettall: | 21398, 21379 | |
| Vörwahl: | 05850 | |
| Geograafsche Laag: | 53° 16′ N, 10° 38′ O | |
| Grenzen bi OSM: | 1387448  | |
| Gemeenslötel: | 03 3 55 026 | |
| Öörd in de Gemeen: | 4 | |
| Börgermeester: | Karsten Johansson | |
| Websteed: | www.neetze.de | |
| Koort Kreis  | ||
Geografie
Geografisch Loog
Neetz liggt an’n Westrand vun de Naturpark Elvöver-Drawehn an de Neetz. De Gemeen höört to de Samtgemeen Oostheid, de ehr Verwalten in de Gemeen Borendörp hett.
Gemeenindelen
De Öört in de Gemeen sünd:
- Neetz
- Nee Neetz
- Süttörp
- Nee Süttörp
- Neemöhln
In de Karkgemeen Neetz sünd man ok noch de Öört Bollersen und Nee Bollersen.
Historie
Vun’n Dörp Neetz weer 1205 as Netisse toeerst in een Oorkunn schreeven, wenn Wilhelm vun Lümborg een Hoff an de Lüüd vun’n Lübeeker Doom doon hett. De Naam hebbt se vun’n Stroom nohmen un heet so veel as „natt“, „fleeten“, „Stroom“ oder „Water“. Annere Naams weern 1238 Netze, 1282 Netesse un 1314 Netessen.
Bi Neetz woorn am Enn vun’n Middeloller mehrere Dörpen twei slaan, as Wentörp, dat woll al in’n 12. Johrhunnert weggahn is, un Tewinkel, wovun dree Hööv noch 1318 in een Oorkunn vun’n Klooster Lüün dren stann. Een Kilometer in’n Noorden vun Neetz weer de Öört Niendörp (nich dat Niendörp bi Reinstörp). Niendörp hett dat noch in’n 14. Johrhunnert geven, de leste Oorkunn is ut’n Johr 1383.
De 28. Juli 1743 sünd in’n Öört twölf Buurnhüüs un 19 Nevengebüüd daalbrant. Noch een Füür geev dat de 29. September 1850, as 20 Gebüüd twei maakt weern, mang negen Hüüs, dor se in leevt hebbt. 21 Familien woorn huusloos.
Gemeenreform
An’n 1. März 1974 hett de Gemeen Neetz mit de Gemeenreform in Neddersassen de Gemeen Süttörp tokregen.
Politik
De Gemeen Neetz is’n Deel vun’n Landdagswahlkreis 48 Elv un vun’n Bundsdagswahlkreis 38 Lüchow-Dannenbarg – Lümborg.
Gemeenraad
De Gemeenraad ut Neetz hett 13 Liddmaten.
(Stand: 27. August 2017)
Börgermeester
De Börgermester sünner Geld Karsten Johansson weer 2016 wählt.
Weertschop un Infrastruktur
Verkehr
De Bundsstraat 216 Lümborg - Dannenbarg (Elv) is in’n Süden vun de Gemeen. Nor Bleikd und Lümborg fohrt alldags elke stünn een Bus. De Iesenbahnstreck Lümborg–Bleikd geiht dör Neetz, man nu is dat bloots een Museumsiesenbahn.
Billen
In Neetz gifft dat een Grundschool un twee Kinnergoorns.
Literatur
- Reinhold Baumgarten, C.-E. Meyer und R. Simmering: Neetze und Umgebung - wie es früher war. Eigenverlag, 1993.
- Egon Behrens: 800 Jahre Neetze : 1205–2005; Beiträge zur Ortsgeschichte. Husum 2004, ISBN 978-3-89876-1734.
- Egon Behrens: Neetze : Boltersen, Breetze, Süttorf; Beiträge zur Geschichte liebenswerter Dörfer. Husum 2008, ISBN 978-3-89876-429-2.
Footnoten
Weblinks
- Websteed von de Gemeen (hoochdüütsch)
Addelborg | Ahndörp | Amelkusen | Amt Neehuus | Barnst | Bätzendörp | Bewick | Bleikd | Boitz | Boorn | Borendörp | Briedel | Dahlenborg | Dahlm | Düütsch Äwern | Echen | Emsen | Handörp | Haunstörp | Hittbargen | Kerkgellsen | Lümborg | Lüürsborg | Mechtsen | Melbeck | Näätz | Norndörp | Olndörp | Radbrouk | Rehlen | Reinstörp | Reppenstää | Rullstörp | Scharnbääk | Soosdörp | Sugellsen | Themsborg | Toschelop | Vastörp | Vögelsen | Wendsch-Ävern | Westergellsen | Wittörp
This article uses material from the Wikipedia Plattdüütsch article Gemeen Neetz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.