Fred Denger, an un for sik Alfred Denger (* 12.
Juni">12. Juni 1920 in Darmstadt; † 30. Oktober 1983 in Hohegeiß) weer en düütsch Schriever.
He hett dat bekannte hoochdüütsche Volksschauspeel „Langusten“ schreven un dorto noch allerhand Dreihböker för düütsche Kinoproduktschonen, de goot ankamen sünd. Neven sien Arbeit as Schriever hett he sik in de verscheden Afsnitten vun sien Leven ok as Pleger in Zoo versöcht un as Singer, as Akrobaat in’n Zirkus un as Baas vun en Theater.
Sien Schauspeel „Langusten“ (1957) weer en Stück för bloß en Person. Dat warrt as en Klassiker vun dat Volkstheater ankeken. Beröhmte Schauspelersche as Tilla Durieux oder Annie Rosar hefft dat speelt. Düt Stück is denn vun annere Schriever in verscheden Mundoorden överdragen wurrn. Filmdreihböker hett he schreven för de düütschen Karl May- un Edgar Wallace- Films. Ok Böker hett he rutbröcht. Besunners goot ankamen sünd sien free Överarbeiten vun dat Ole („Der große Boß“) un dat Nee Testament („Der Junior-Chef“).
Wat sien Privaatleven angeiht, kann noch vertellt weern, dat he twölf mol verheiraat weer.
This article uses material from the Wikipedia Plattdüütsch article Fred Denger, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.