Eozän is de Beteken vun en eerdhistorische Epoch binnen de Periood vun dat Paläogen.
Ärathem Ära | System Periood | Serie Epoch | Stoop Öller | ≈ Öller (Mya) |
---|---|---|---|---|
K Ä N O Z O I K U M | höger | höger | höger | jünger |
Paläogen | Oligozän | Chattium | 28,1–23,03 | |
Rupelium | 33,9–28,1 | |||
Eozän | Priabonium | 38–33,9 | ||
Bartonium | 41,3–38 | |||
Lutetium | 47,8–41,3 | |||
Ypresium | 56–47,8 | |||
Paläozän | Thanetium | 59,2–56 | ||
Seelandium | 61,6–59,2 | |||
Danium | 66–61,6 | |||
deeper | deeper | deeper | deeper | öller |
Vördem dat System ümstellt worrn is, hett dat Eozän noch to dat Tertiär höört. Anfungen hett dat Eozän vör ruch weg 55,8 Millionen Johren un weer vör ungefäähr 33,9 Millionen Johren wedder vörbi. Vun dat Paläogen is dat na dat Paläozän de tweete Epoch wesen un weer opfolgt vun dat Oligozän. Nöömt is dat Eozän na Eos, wat in de greekschen Mythologie de Göddin vun dat Morgenroot weer.
Bedüdend weer vör dat Eozän, dat sik de Söögdeerten op’n Sprung wieterentwickelt hebbt. In disse Tiet sünd de Ornen vun de Unpoorhover (Perissodactyla), de Fledderbeester (Chiroptera), de Primaten (Primates) un de Gnaagdeerter (Rodentia) entstahn.
To de beropensten Fossilenfundsteden ut dat Eozän in Düütschland tellt de Gruuv Messel bi Darmstadt, dat Geiseldaal westlich vun Merseborg un dat Eckfelder Maar bi Manderscheid. Dor gifft dat fossile Överresten vun Insekten, Amphibien, Reptilien, Vagels un Söögdeerten. To disse sünnerlichen Deertenwelt höört ünner anneren Rieseneemken, Riesenslangen, Krokodilen, bit to twee Meter hooge Riesenloopvagels (t. B. Diatryma), Oorpeerd so groot as en Voss, Tapiren, Eemkenboren, Schuppenbeester, Oorroofdeerten un op twee been lopende Söögdeerten.
This article uses material from the Wikipedia Plattdüütsch article Eozän, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.