Campur-Formatschoon

De Sedimenten, de sik aflagert hebbt, weren vör allen Kalksteen un tosätzlich Dolomit, Konglomeraat un Siltsteen.

De Naam kummt von’n Oort Campur in dat Municipio San Pedro Carchá, Guatemala. Defineert worrn is de Formatschoon 1962 von George Larry Vinson.

De Formatschoon hett sik in de Tied von 100,5 bet 66,0 Milljonen Johren vör uns Tied billt (in de Böverkried). Ünner de Campur-Formatschoon liggt de Sepur-Formatschoon. Dor över liggt de Cobán-Formatschoon. Se hängt lateraal mit de Ixcoy-Formatschoon tohoop.

Dat Aflagerungsmilieu von de Campur-Formatschoon weer de subtidale Zoon von de Solten See, dat heet in dat siede Water, aver deep noog, dat dat Rebeed dör de Tiden nich dröögfullen is. Dat Rebeed leeg woll ok nich in en Zoon mit Krallenriffs, man in de Zoon, wo dat Water to deep för Krallen weer.

In de Formatschoon sünd ünner annern Rudisten, Miliolida un Alveolinidae funnen worrn. De Fossilien höört to düsse Gruppen:

• Accordiella cf. conica
• Bournonia cardenasensis, B. excavata
• Distefanella lombricalis
• Senalveolina aubouini
• Sulcoperculina sp.