Büllhorn: Dörp in Neddersassen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21435 | |
| Vörwahl: | 04174 | |
| Geograafsche Laag: | 53° 22′ N, 10° 6′ O | |
Büllhorn (hoochdüütsch Büllhorn) is en Oort in de Gemeen Stell in’n Landkreis Horborg, Neddersassen. Büllhorn höört bi Ashusen mit bi.
Geografie
Büllhorn liggt op de Geest, knapp twee Kilometer von de Maschkant af. Na Westen to liggt de Baukweddel un in’n Süüdoosten flütt de Ashuser Möhlenbeek langs.
De Naveröörd sünd Stell un Achterdiek in’n Noorden, Ashusen in’n Oosten, Scharmbääk un Parrns in’n Süüdoosten, Holtörp un Ohlendörp in’n Süüdwesten un Host un Maschen mit Freschenhusen in’n Noordwesten.
Historie
Dat Rebeed von Büllhorn weer bet in dat 20. Johrhunnert Holt. In disse Tied sünd dor en Reeg Feernhüüs boot worrn. Eerst mit un na’n Tweten Weltkrieg sünd veel Utbummte ut Hamborg fast in de Feernhüüs intagen.
Verwaltungsgeschicht
De Oort hett vör 1885 to de Vaagdie Parrns in dat Amt Winsen tohöört. Blots in de Tied von 1852 bet 1859 weer de Oort kort in dat Amt Parrns. Na 1885 weer dat in’n Kreis Winsen un is 1932 Deel von’n Kreis Horborg worrn.
De Oort is an’n 1. Juli 1972 as Deel von de Gemeen Ashusen mit de Gemeenreform in Neddersassen an de Gemeen Stell kamen.
Religion
Büllhorn is evangeelsch-luthersch präägt un höört siet 1964 to dat Kaspel von de Andreas-Kark in Ashusen. Vörher hett de Oort to dat Kaspel von de Gertrud-Kark in Parrns höört.
För de Kathoolschen is de Goden-Hirt-Kark in Winsen tostännig.
Weertschop un Infrastruktur
Verkehr
Von Büllhorn loopt lüttjere Straten na de Kreisstraat 22 in’n Westen un de K 8 in Ashusen in’n Oosten. De K 22 geiht in’n Noorden na Stell an de K 86 un in’n Süüdwesten na Holtörp un Braackel. De K 8 geiht von Ashusen in’n Noorden na Gehrden an de K 86 un in’n Süden över Scharmbääk na Parrns an de Landsstraat 215.
De nächste Autobahn is de Autobahn 39 (Afsnidd Hamborg–Lümborg). De Opfohrt 3 Winsen-West liggt knapp veer Kilometer in’n Süüdoosten von Büllhorn an de K 8.
De nächste Bahnhoff is so bi dree Kilometer wied weg in’n Noordoosten de Bahnhoff Ashusen an de Bahnlien Hamborg–Lümborg.
This article uses material from the Wikipedia Plattdüütsch article Büllhorn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.