Bohlsbach: Oort in de Gemeen Offenburg in’n Landkreis Offenburg, Baden-Württemberg

Wapen/Flagg	Koort
Basisdaten
Bundsland: Baden-Württemberg Landkreis: Ortenaukreis Gemeen: Offenburg
Flach:	6,11 km²
Inwahners:	2.436 (2018-12-3131. Dezember 2018)
Inwahnerdicht:	398,7 Inwahners pro km²
Postleettall:	77652
Vörwahl:	0781
Geograafsche Laag:	48° 30′ N, 7° 57′ O

Bohlsbach is en Dörp un Oortsdeel in de Stadt Offenburg in’n Ortenaukreis, Baden-Württemberg.

De Oort liggt in de Ortenau. Dat Water ut dat Rebeed flütt deelwies na de Kinzig un deelwies över’n Kammbach na de Rench hen.

De Naveröörd sünd Windschläg in’n Noorden, Ebersweier in’n Noordoosten, Durbach in’n Oosten, Rammersweier in’n Süüdoosten, Offenburg in’n Süden, Waltersweier in’n Süüdwesten, Bühl un Weier in’n Westen un Griesheim in’n Noordwesten.

Bohlsbach kummt 961 as Badelsbach toeerst in en Oorkunn von Bischop Uto III. vör.

De vörher egenstännige Gemeen Bohlsbach is an’n 1. Januar 1975 tohoop mit Windschläg Deel von de Stadt Offenburg worrn. Sietdem billt dat Dörp en Oortsdeel mit egen Oortsvörsteiher un Oortschopsraad.

Inwahnertall

Religion

 

Bohlsbach is kathoolsch präägt un billt mit de St.-Laurentius-Kark en egen Karkengemeen. De Kark is 1666 boot worrn is.

För de Evangeelsch-Lutherschen is de Matthäus-Kark in Weier tostännig, de siet 1980 besteiht.

De Doden warrt op’n Karkhoff an de Okenstraße in’n Noorden von’n Oort begraven. Fröher leeg de Ole Karkhoff dicht bi de Kark.

Wapen

Dat Wapen von Bohlsbach wiest op sülvern Grund en Appelboom mit swarten Stamm, gröne Bläder un rode Appeln. In’n gollen Schildfoot is en swarte Wulfsangel to sehn.

Oortsvörsteihers

• opstunns (Stand 2019): Nicole Kränkel-Schwarz

En Denkmaal för de Fullenen ut de twee Weltkrieg’ steiht in Bohlsbach op’n Karkhoff.

De Oort hett siet 1993 en Partnerschop mit de Gemeen Perrigny in Frankriek un siet 2002 mit Ste. Genevieve in de USA.

Verenen

De Schüttenvereen Bohlsbach is 1926 grünnt worrn un de Sportvereen TuS Bohlsbach 1920.

Bohlsbach billt en egene Insatzafdelung von de freewillige Füürwehr Offenburg.

In’n Westen von’n Oort doot de Anlagen von’n Göderbahnhoff von Offenburg liggen.

Dat Paul-Gerhardt-Wark bedrifft in Bohlsbach en Pleegheim mit 90 Plätz.

Verkehr

An Bohlsbach langs löppt de Bundsstraat 3, de in’n Noordoosten över Appenweier, Renchen un Achern na Bühl geiht un in’n Süden dör Offenburg un na Lahr. In’n Noordwesten geiht de Kreisstraat 5324 över Bühl (dor anbunnen an de B 33) un Weier na Hesselhurst un Eckartsweier un in’n Oosten na Ebersweier un Durbach.

De nächste Autobahn is de Autobahn 5 (Afsnidd Karlsruhe–Freiburg). De Opfohrt 55 Offenburg liggt so söss Kilometer in’n Süüdwesten von Bohlsbach an de B 33a un de Opfohrt 54 Appenweier söven Kilometer in’n Noorden an de B 28.

De nächste Bahnhoff is so bi dree Kilometer wied weg in’n Süden de Bahnhoff Offenburg an de Bahnlien Mannheim–Basel un de Schwarzwaldbahn. Över Appenweier is de Bahnhoff ok an’n Verkehr op de Bahnlien Appenweier–Strasbourg un de Renchtalbahn anslaten.

Scholen

In Bohlsbach gifft dat en Kita un en Grundschool, de Lorenz-Oken-Schule.

 

1779 is in Bohlsbach de Mediziner un Bioloog Lorenz Oken boren un 1845 de kathoolsche Geistliche un Politiker Theodor Wacker.

• Martin Siebert: Bohlsbach. Geschichte eines Dorfes in der Ortenau. 1903

  Bohlsbach. Mehr Biller, Videos oder Audiodateien to’t Thema gifft dat bi Wiki Commons.

• Websteed över dat Dörp (hoochdüütsch)

 

Stadtdelen von Offenburg

Albersbösch | Bohlsbach | Bühl | Elgersweier | Fessenbach | Griesheim | Hildboltsweier | Offenburg | Rammersweier | Uffhofen | Waltersweier | Weier | Windschläg | Zell-Weierbach | Zunsweier