Anatoli Wiktorowitsch Schdanowitsch (russisch: Анатолий Викторович Жданович; * 23.
Dezember">23. Dezember 1961 in Nowosibirsk, Sowjetunion) is en ehmalger sowjeetsch Biathlet un hüüd Biathlontrainer.
Anatoli Schdanowitsch weer in de laat 1980er Johren Liddmaat vun de sowjeetsch Biathlonnatschonalmannschap un is to dat Enn' vun sien Loopbahn för dat Vereente Team antreeden. Bi Biathlon-Weltmeesterschapen wunn he dree Medaillen, de eerste noch för de Sowjetunion 1990 in Minsk, as he Bronze in' Eenzel achter Waleri Medwedzew un Sergei Tschepikow recken dee. Dat bleev aber ok sien eenzige Medaille in en Individualwettbewarf. Een Johr later wurr he in Lahti Dart in de Mannschap, gemeensam mit Sergei Tarassow, Sergei Tschepikow un Waleri Medwedzew för dat Vereente Team startend. Sien gröttsten internatschonalen Erfolg fier Schdanowitsch bi de Biathlon-Weltmeesterschapen 1992 in sien Heimat Nowosibirsk. Gemeensam mit Jauhen Redskin, Alexander Tropnikow un Alexander Popow wunn he in' Mannschapswettkamp de Goldmedaille.
Ok natschonal kunn Schdanowitsch Erfolge vörwiesen, he weer 1987 sowjeetsch Meester mit de Militärpatrouillenstaffel un 1988 mit de Biathlonstaffel, dorneben noch dreemal Dart mit de Staffel (1985–1987). He leit de Kinner- un Jöögdschool Lokomotive för Biathlon in Nowosibirsk. Sien Söhn Konstantin is ok Biathlet.
This article uses material from the Wikipedia Plattdüütsch article Anatoli Wiktorowitsch Schdanowitsch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.