Ahoff

Wapen/Flagg	Koort
Basisdaten
Bundsland: Neddersassen Landkreis: Rodenborg Samtgemeen: Zeven Gemeen: Heeßel
Inwahners:
Postleettall:	27404
Vörwahl:	04281
Geograafsche Laag:	53° 18′ N, 9° 22′ O

Ahoff (hoochdüütsch Ahof) is en lütten Oort in de Gemeen Heeßel (Samtgemeen Zeven) in’n Landkreis Rodenborg, Neddersassen. De Oort höört polietsch von öllers bi Wiersdörp mit bi.

An’n Ahoff langs flütt de Röhrsbeek, de in’n Noordoosten in de Oost münnt.

De Naveröörd sünd Adiek in’n Noorden, Oosterheeßel in’n Noordoosten, Weertzen un Freyersen in’n Oosten, Rüspel in’n Süüdoosten, Frankenbossel in’n Süden, Wiersdörp in’n Westen un Heeßel in’n Noordwesten.

Verwaltungsgeschicht

In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Heeßel in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Inwahnertall

Religion

Ahoff is evangeelsch-luthersch präägt un höört to dat Kaspel von de Viti-Kark in Heeßel.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Verkehr

An Ahoff langs löppt de Landsstraat 142, de in’n Westen na Zeven an de Bundsstraat 71 ran geiht un in’n Süüdoosten na Zittens un Wist an de Bundsstraat 75 ran.

De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so twölv Kilometer in’n Süden von Ahoff un de Opfohrt 47 Zittens twölv Kilometer in’n Süüdoosten.

De nächsten Bahnhööv sünd so bi 24 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen un bi 25 Kilometer wied weg in’n Noordoosten de Bahnhoff Harsfeld an de Bahnlien Bremerhoben–Buxthu.