Heracles Almelo
Heracles Almelo is nen profvootbalklub oet Almelo, op ericht op 3 mei 1903 en doarmet ene van de oaldere profvootbalklubs van Nederlaand.
Ze spölt in et Polmanstadion.
Heracles wör kampioen van Nederland in 1927 en 1941. Doarnoa had et nog ne kleaine opleawing midden joaren zestig. Noa de degradasie in 1966 spölden ze meestentieds in de Eerste Divisie, tot as ze doar in 2005 kampioen van wörden. In de Eredivisie deu Heracles et völle better as de meeste leu verwocht harren. Ze hoofden in gin eankel joar noakompetisie te spöllen en eandigden mangs zölfs in de subtop. In 2012 haalden ze de finale van de KNVB-beker, in 2016 wunnen ze de play-offs veur Europees vootbal. Hierdeur geet de klub in et seizoen 2015/16 veur et eerst Europees vootbal spöllen.
Naam
De klub is eneumd noar den Grieksen haalfgod Herakles. Der bunt leu in Nederlaand dee as den name van de klub oetsprekt as HEE-rakles, moar anhangers van de klub (en ok verslaggevvers as Tom Egbers) zegt He-RAA-kles. In 't Oaldgrieks lea et akseant op de leste lettergreep, met ne perispomenè (circumflexum): Ἡρακλῆς 'HeraKLÊS'. In Nederland wörd et Grieks meestentieds volgens de Latiense dreesyllabenwet oetspreuken. In dat geval zol de platte oetsproake met et akseant op de veurleste lettergreep good wean. De oetsproake met de klemtoon an et begin keump woarschienlik van de Latiense name Hercules.
Weblinks
 | Dit stüksken is noch mär en knöpken. Wy nöydigt ou üm dissen knop te låten bloien. |
This article uses material from the Wikipedia Nedersaksisch article Heracles Almelo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.