Bildts
Et Bildts is een Nederlaanse streektael.
Et wodt algemien indield bi'j et Hollaans. Et wodt praot in de gemiente Et Bildt in Noord-Frieslaand.
Et Bildts is ontstaon naodat in 1505 de oolde Middelzee veerder inpoolderd wodde deur Hollaanse heren. Daor kwam ok et warkvolk vot, zo van rond Werkendam, Zuud-Hollaand, om de bedieking te doen. Een diel kwam ok in de ni'je poolder wonen. Deur de vermenging van de Zuud-Hollaanse dialecten die zi'j oorspronkelik praotten en et Fries van de poolderbewoners van de omliggende gebieden is et Bildts ontstaon.
Et Bildts wodt praot in de plakken Sint-Anne, (Stellingwarfs: Sunt Anneperochie), Sint-Jabik (Sunt Jekobiperochie), Froubuurt (Vrouwenperochie), Ouwe-Syl (Ooldebildtziel), De Westhoek (Westhoek) en Ni'j Altoenae. Allienig in de kern Minnertsge (Fries: Minnertsgea), die niet in et pooldergebied ligt en pas sund de gemientelike herindieling van 1984 tot de gemiente Et Bildt beheurt, wodt Fries praot.
Naor schatting bin d'r 6000 meensken die et Bildts beheersen (2006).
This article uses material from the Wikipedia Nedersaksisch article Bildts, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.