Een streektaol is een taol die up politiek en administraotief-rechtelijk gebied erkend wordt as officiële taol van een bepaolde streek.
Nederlaand hef officieel drei erkende streektaolen: Nedersaksisch, Limbörgs en Fries. Het Fries hef now nog een hogere staotus as de aandere twee taolen, maor ze bint bezig um 't Nedersaksisch erkend te kriegen volgens diel III van 't Europees Haandvest veur regionale talen of talen van minderheden. Dit zol dan betekenen dat het dezölfde staotus as het Fries krig (een darde laandstaol). Op 26 september 2006 hebt de overheden in de regio waor ze Nedersaksisch praot hieroaver een petitie anboden an de vaste Kaomercommissie veur Binnenlaandse Zaoken en Keuninkrieksrelaoties. 't Dagblad van 't Noorden berichtten op 9 juli 2007 det der een goeie kaans is det 't kabinet 't Nedersaksisch diel III van 't Haandvest geven zal.
Een verzeuk um het Zeeuws erkend te kriegen as Nederlaands vierde streektaol weur in 2004 ofwezen deur minister van Binnenlaandse Zaoken Johan Remkes, umdat het Zeeuws historisch bekeken een dialect van het Nederlaands weden zol. 't Nedersaksisch hef daorintegen, ondaanks mangs slimme beïnvloeding van en deur 't Hollaands/Nederlaands, zien eigen ontstaonsgeschiedenis.
Schreven in Midden-Drèents van Rolde |
This article uses material from the Wikipedia Nedersaksisch article Streektaol, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.