Bates Motel is een amerikaanske psychologiske horror-dramasery oaver et leaven van Norman Bates.
De sery is eproduceerd vöär de amerikaanske televisysender A&E, en wördden üütesünden van 18 määrt 2013 tot 24 april 2017, dårnåst is et beskikbår esteld up Netflix. Et vertelt de vöärgeskydenisse van de film Psycho van Alfred Hitchcock (ebaseerd up et gelyknamige book van Robert Bloch), en richt sik up de relåty tüsken Norman en syn mo, Norma. De sery verskilt up summige punten van de film, so is et byvöärbeald når de teagenswoordige tyd vertaald, spöält et sik of in een andere fiktive plaatse, en is et tynerleaven van Norman anders as in de film.
De sery begint in Arizona mid de doud van Normas man, wårnå se et Seafairer Motel koupt in de fiktive plaatse White Pine Bay, Oregon, sodat see en Norman samen dår een ny leaven künnen upbowen. De dårup volgende seisonen richten sik up Normans geystelike andoning dee aldöär gevårliker wördt, en ho Norma worstelt höär söäne te beskarmen teagen sikselv, en degeynen rundüm hüm. De sery is efilmd krekt büten et kanadääske Vancouver in Aldergrove, Britsk-Kolumbia en up andere lokåtys binnen de Fraservallei.
Dit artikel is eskreaven in et westveluwsk, in de Nysassiske Skryvwyse. |
This article uses material from the Wikipedia Nedersaksisch article Bates Motel (televisysery), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.