'E Tre Regni d' 'a Corea fujeno chille 'e Goguryeo, Baekje e Silla, che accupajeno 'a pennìsula curiana e 'a Manciùria, tra 'o primmo seculo a.C.
e 'o sèttimo seculo d.C. Ate regne cchiù antiche 'e state tribale, esistètteno primma e durante 'o perìodo d' 'e tre regne, cioè Gya, Dongye, Okjeo, Buyeo, Usan, Tamna, ecc.
'O periodo accummenciaie, tradiziunalmente, dint' 'o 57 a.C., quanno 'o regno Saro (poi Silla) dint' 'o sud-est d' 'a pennisula avette l'autonumia d' 'â (dinastia Han), 'e ll' impero cinese. Goguryeo 'o nord e 'o sud d' 'o sciummo Yalu (sciummo Amnok dint' 'a lengua curiana) pigliajeno l' innipennenza d' 'e cinise dint' 'o 37 a.C. Dint' 'o 18 a.C, duje princepe 'e Goguryeo lassajeno 'a lotta p' addeventà 'o successore, e stabbilètteno Beaekje dint' 'o sud-ovest d' 'a pennisula (ogge Seoul), 'e 'a capitale fuje Ungjin (ogge Gongju o Chongju) e poi Sabi (ogge Puyo) dint' 'o sud-ovest 'e Seoul. 'O regno Gaya fuje separato 'a Beakje dint' 'o primmo seculo d.C.
'A fine d' 'a dinastia 'e Han, 'o principio d' 'o tierzo seculo, lassaje 'e tre regne a se sviluppà una continuazione senza 'ntuppo. Tutte 'e tre regne tenevano 'a stessa cultura. 'O Confucianismo se diffunnette dint'a ll'ata suggità d' 'a Corea, accummencianno d' 'o primmo seculo a.C. Doppo fuje cumpletamente cagnàto c' 'o Buddismo.
Goguryeo, 'o cchiù granne d' 'e tre, tenette ddoje capitale alternative. Nangnang (ogge Pyongyang) e Kungae ncopp' 'o sciummo Yalu. Ô principio 'o Stato ca steva ê cunfine d' 'a Cina, cunquistaje a puoco a puoco 'e granne territorie d' 'a Manciùria, e all'urdemo, secutaje 'e cinise fora 'a Nangnang, dint' 'o 313. 'A 'nfluenza culturale d' 'e cinise rummanette 'nfino ca 'o Buddismo fuje aduttato comme 'a religiona ufficiale, dint' 'o 372.
Dint' 'o quàrto seculo Baekje fuje asaje pruduttiva e dumenàva quase metà d' 'a pennisula, 'a parte meridiunale.
Cagnànno 'o nomme 'e Silla dint' 'o 503, sapimmo ca 'o regno 'e Silla assurbètte 'o regno sano sano 'e Kaya, 'o Gaya ncopp' 'e cunfine suje dint' 'a primma metà d' 'o quarto seculo. 'A capitale 'e Silla era Seorabeol (ogge Gyeongju). 'O Buddismo se trasfurmaje comme religgione ufficiale dint' 'o 528.
Alleata c' 'a Cina 'a dinastia Tang, Silla cunquistaje Goguryeo dint' 'o 668, doppo avè già cunquistato Baekje dint' 'o 660,facenno accumincià accussi 'o periodo unificato 'e Silla, e mettenno cumpletamente fine 'e tre regne.
'O nomme Samguk, o Tre Regne venette usato dint' 'e titule coreane d' 'e teste classiche Samguk Sagi e Samguk Yusa.
This article uses material from the Wikipedia Nnapulitano article Tre Regni d''a Corea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.