Henri Antoine Grouès, ditto Abbé Pierre (Abbate Pietro) (nato a Lione (Francia), 'o 5 'e aùsto 'e 1912 - muorto a Parigi 'o 22 'e jennaro 'e 2007) fuje nu prèvete frangese, resestente, ommo pulíteco e funnatore int' 'o 1949 d' 'e Compagnons d'Emmaüs, n'organizzazzione p' 'e pòvere e 'e refuggiate.
Nasce a Lione inta na famiglia nummerosa (è quinto d'otto figli) e benestante. Studia int' 'o Culleggio d' 'e gesuite d' 'a sua cittate natale e entra adolescente int' 'o movemiento "scout". Sidecenne, durante na gita a Assisi decide 'e divintare cappuccino e tre anne doppo, doppo avere distribbuito a 'e pòvere quanto avuto in eredità, entra, siempre a Lione int' 'o cunvento 'e clausura d' 'e cappuccine e ci resta nfi a 'o 1938 studianno tiuloggìa e filosofìa.
Ordinato sacerdote, ll'anno doppo (1937), è custritto a abbannunare 'a vita munàsteca pe mutive 'e salute e svolge la sua attivitate priesso 'a diòcese 'e Grenoble 'e cui successivamente diventa vecario d' 'a cattedrale.
Entrò int' 'o movemiento d' 'a resestenza frangese durante la sicunna uerra munniale, addò operò co diverze pseudòneme (fino a chillo 'e "Abbé Pierre") sarvanno nummerose vite e favurenno 'a fuga d'abbrei e perzeguite pulìtece verzo 'a Sguizzera o l'Algirìa.
L'Abbé Pierre fu pe assaje anne cunsidirato 'o perzunaggio cchiù pupulare 'e Francia.
Arcune controverze ca lo riguàrdano sò ll'amicizzia c' 'o vìscuvo Jacques Gaillot e co Roger Garaudy, negazzionista 'e l'olocàusto, oltre a 'e crìteche 'e parte d' 'e cunservatore pe 'a sua pusezzione n favure 'e ll'aduzzione omosessuale e pe ll'ammissione d'avere avuto un rappuorto sessuale co na fèmmina doppo l'ordenazzione.
'O pupulare religgioso è deceduto a 94 anne la notte d' 'o 22 'e jennaro 'e 2007 doppo na lunga malatìa.
This article uses material from the Wikipedia Nnapulitano article Abbé Pierre, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.