Kenshin Samurai Vagabondo: Manga e anime

Hanno fatto nu film, na serie 'e cartune animate e dduie libbre.

'Sto fumetto parla 'e nu samurai ca primm' accireve 'a ggente e mo invece s'è pentut' e va girann' p''o Giappone aiutanno 'e perzone. 'O samurai se chiamma Kenshin Himura e pe nunn'accirere a nisciuno se porta appriesso na spada c''a lama tutt''o ccuntrario, accussì nisciuno pò murì. Isso aiuta 'e perzone in difficoltà e cumbatte contro a chilli ca nunn''a penzano comme isso 'ncopp''o fatt''e nunn'accirere.

'A serie è fatta 'e 28 fumette e incumencia facenne veré a Kenshin ca incontra a Kaoru Kamiya e 'a salva. Essa pe se luà 'o riebbeto 'o fa stà a casa soja e isso nunn'adda fa cchiù 'o vagabondo. Kenshin e Kaoru incontrano nu cuofono 'e perzone e assieme a lloro cumbattono contro a paricchie nemici, tra cuie: Shishio, ca è n'ato assassino comm'era primm Kenshin; e Enishi Yukishiro, ca è 'o cainato 'e Kenshin e sse vò vendicà 'ncuollo a Kenshin pecché c'ha acciso 'a sora.