آندره دیمیترویچ ساخاروف (به روسی: Андрей Дмитриевич Сахаров) فیزیکدون هستهیی شوروی که پییر بومب هستهیی این کشور لقب هایته.
وه ۲۱ ماه مه ۱۹۲۱ شهر مسکو دله دنیا بییموئه. ونه وچگی با دورون استقرار رژیم کومونیستی همزمون بییه. وه دورون تحصیلی سختی ره نظر ایقتصادی بگذرنییه، اما بتونسته پیش از پایان تحصیل استخراج فلزات صنایع دفاعی اتا کارخنه مهمات سازی شغل پیدا هاکنه.
وه به تئوریئون فیزیک علاقه داشته و آخرسری همین رشته هم فارغالتحصیل بیّه. پس از بومبارون اتمی هیروشیما و ناکازاکی بدست آمریکا ، هیاتی از طرف دولت روسیه موظف به موطالعه این زمینه بَینه. این تحقیقات با ابتکارات ساخاروف مونجر به اختراع اولین بومب هیدروژنی سال ۱۹۵۲ دله بیّه.
وه زمونی که به امکان کاربرد و قدرت تخریب بومبئون هیدروژنی پی بَورده به موخالفت هِرِسائه و به اتا موخالف تبدیل بیّه. این موخالفت تا آخر عمر با وه همراه بییه. وه به خاطر فعالیتاش برنده نوبل صلح جایزه سال ۱۹۷۵ بیّه.
ساخاروف سال ۱۹۶۷ نومهیی سرگشاده به برژنف رهبر وقت شوروی بنویشته و ونه دله به افزایش زندونیا سیاسی و نقض حقوق بشر اعتراض هاکرده.
وه به خاطر اعترضات خادش به شهر گورکی ۴۰۰ کیلومتری مسکو تبعید بیّه، و پس از ۱۰ سال ۲۱ دسامبر ۱۹۸۶ زندون جه آزاد بیّه.
آزدای وه ره شخص گورباچف با تلفون به وه اعلام هاکرده.
وه عاقبت ۱۴ دسامبر ۱۹۸۹ سن ۶۸ سالگی دله بر اثر حمله قلبی بمرده. ساخاروف به عونوان قهرمون دموکراسی و حقوق بشر شوروی بِشناسته وانه.
وه بعدا کتابی در مورد زندگی خادش بنویشته و ونه دله به بررسی وضع زندگی خادش روسیه دله و اکتشافات خادش در مورد بومبئون هستهیی پرداخت..
ویکی تلمبار دله بتونّی پروندهئونی که آندره ساخاروف خَوری دَره ره پیدا هاکنین. |
This article uses material from the Wikipedia مَزِروني article آندره ساخاروف, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.