اِسپارت اتا قدیمی شهر هسته که یونان شنه و پلوپونز منطقه دله دره.
اسپارت
|
اسپارت یونان باستان دوره جه خله تاریخ دارنه و اون گدر اتا مهمِ پولیس بییه که نظامیکَری جه مشهور بییه. اسپارت دله اتا نظامی حکومت دیّه و خانواده نهاد وجود نداشته. وشون شه وچون ره جمیعتی گت کردنه و وچون که گت بینه په، وسّه سرباز بوون. وشون شهر اتا گتِ پادگانمونا بییه و اینتی باقیِ شهرون ره راحت گیتنه و ثروت بدست یاردنه. شهرهایی که اسپارت ره تسلیم بینه یا وشون جه شکست خردنه وسّه انده کشاورزی هاکنن که اسپارتِ نیاز ره هم برطرف هاکنن. شهری که اسپارت جه خله رقابت داشته آتن بییه که دموکراسی جه اداره بییه و ونه دریایی نیرو قِد خله بییه. اسپارت و آتن چنکَش متحد بینه و مثل هخامنشیون ره هئی جا شکست هدانه ولی اَی این صوه دشمن بینه و هِدی ره حمله کردنه که پلوپونزی جنگ معروف هسته، ولی وشون قِد نرسییه طرفمقابل ره کامل از بین بَوِرِن. اسپارت دمبدالته شه قدرت ره از دست هدا و سالها روم و بیزانس و عثمانی مستعمره بییه تا اَی جهونی جنگ اول سالها بییه که یونان اَی شه اتا سیوا کشور بیّه.
This article uses material from the Wikipedia مَزِروني article اسپارت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه ونه خلاف ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.