Эрзянь Келень Чи

Ульнесь тешкстазь 1993-це иестэ Анатолий Рябовонь лемсэ Эрзянь келень идема вейсэндявксонть.

Эрзянь келень чи
Ушетфоль	1993
Мастор	Мордовия Республикась
В память о	Эрзянь кель ды Анатолий Павлович Рябовонь
Период события	1 ие
День в году	Чадыковонь 16 чи
Категория лауреатов награды	Аношонь Тумай, Шарононь Сандра, Q63442048?, Журавлёвонь, Числав Григорьевич, Йовлань Оло, Орест Борисович Ткаченко[d], Цыганкин, Дмитрий Васильевич ды Калаганонь Керяз
Эрзянь келень чи

Те коесь ульнесь теезь-путозь се чистэнть, коли васенце эрзянь профессорось, кельсодыесь чачсь - Чадыковонь 16 чистэ. Пурнавить те чистенть аволь ансяк Мордовиясо, томбалеяк, кува эрить эрзят, вадрясто ютавтови Эстэнь (Эрзянское общество «Сятко» ды Суоминь Мастортнева. Москов ошсо анокстыцякс-ютавтыцякс ули РОО «Эрзянь вайгель», Ине-Петрань ошсо – Петра ошонь ды Ленинградонь ёнксонь «Эле» эрзянь ломанень вейсэндявксось.

Ютавтома лувозо эрьва-кодамо: панжадо урокт школасо, вастневемат содавикс ломань марто, кельяжамот, ютксо столь, киштема-морамо пурнавкст ды седе тов. Смустесь вейке — невтемс эрзянь келень ды литературань валонть киштеманть ды ванстоманть вельде.

Саран ошсо Эрзянь келень чинть ютавтыть истя:

• Максыть те покшчиденть эрьва кодамо кельсэ Кулялопань сёрмадовкст.
• Пурнамо таркасонть сценасо понгавтыть А.П. Рябовонь чамарунгонь портретэнзэ, теить эрзянь кельсэ сёрмадовкс, атянь эземень озамо таркас путовить цецят.
• Покшчись ушодови «Косо Тюштянь Масторозо?» моросо, конань сёргедьсы «Торама» морамо-седямо кужось (моронть марто лисить).
• Морось прядови, кирвазтеви штатол. Кирвазти сонзэ содавикс шержей ломань (кельсодыесь, профессорось Дмитрий Цыганкин эли Нуянь Видяз (прявтредактор «Эрзянь Мастор» кулялопанть).
• Кочкави Эрзянь Атянь Эзем, ветешка-котошка сехте шержей атятнестэ.
• Нурькинестэ Эрзянь келень чиденть. Лембе валт ёвты эрзянь Инязорось Кшуманцянь Пиргуж.
• Рябовонь лемсэ «Кой» пуромкссонть пельде казнень, шнамо лопань максомась.
• «Эрзянь сёрмадома шкинемань казненть» ды «Руця» ярмакпаргонь пельде шнамо лопань максомась.
• Эрзянь келень идема фондонть-пурнавксонть прявтось (кортыцясь Кшуманцянь Пиргуж) ёвтни мезе теезь ютазь иестэ эрзянь тевтнестэ.
• Кочкить Фондонь од прявт ды ревизионной комиссияс совицят.
• Киштемат-морамот.
• Степан Эрьзянь кеврунгонть икелев цецянь путомась.

• 1994 ие — Виктор Феофанович Тингаев, «Лисьмапря» вейсэндявксоть ветикуронть прявт, Бугуруслан ош, Оренбургонь ёнкс.
• 1995 ие — Вера Ивановна Клементьева, эрзянь келень тонавтыця, эрзянь моронь ды койень пурныця, Ало веле, Орданьбуестэ (максозь куломадо мейле)
• 1996 ие — Римма Дмитриевна Жегалина, ушодовкс классонь эрзянь келень тонавтыця, Покш Игнадбуень куншкань школанть, Мордовия.
• 1997 ие — Аношонь Тумай, Эрзянь шкинемань музенть прявт, Лугаян ош, Нижнёй ёнкс
• 1998 ие — Иван Андреевич Ефимов, Огарёвонь лемсэ МГУ-нь доцент-историк.
• 1999 ие — 1) Шарононь Сандра, эрзянь ды рузонь кельсэ сёрмадей, наукань келеньсодыця докторось, «Масторава» морокерьксэнть пурныцязо-нолдыцязо; 2) Ирек Дамирович Биккинин, «Азатлык» (руз. «Свобода») радиостанцинь корреспондентэнт, «Татарская газета» кулялопанть витний.
• 2000 ие — Богачева Мария Михайловна, «Масторава» вейсэндявксоть ветикуронть прявт Похвистневань буень Самарань ёнксcо.
• 2001 ие — Эрюшень Вежай, Мурманонь ёнксонь эриця, «Руця» эрзянь Лезэпаргонть ветиесь.
• 2002 ие — Числав Журавлёв, эрзянь сёрмадей ды валморозей, Самар ошонь «Радио-7» студиясо ветясь эрзянь кельсэ пачтямо керькст.
• 2003 ие — Йовлань Оло, эрзянь содавикс Ине морыця-седиця, «Торама» морамо-седямо кужонть пурныцязо-ветицязо. (Саран ош)
• 2004 ие — Прокаев Константин Васильевич, эрзянь келень вечкиця ды сонзэ ванстыця, Никольск ош Пенза ёнкс.
• 2005 ие — Мацьказонь Лёфай, куляньсёрмадей, «Эрзянь вайгель» московонь вейсэндявксонть Ветикурос совиця.
• 2006 ие — Мария Романовна Биушкина, филологиянь наукань кандидат, ульнесь прявтокс «Эрзянь вайгель» московонь вейсэндявксонть.
• 2007 ие — Гайнинькань Пичай, эрзянь келень вечкиця ды сонзэ ванстыця, Лесосибирск ош, Красноярскоень край.
• 2008 ие — Дригань Толай, сёрмадей, спортонь-налксий, Алякшвеле Похвистневань буе Самарань ёнксcо.
• 2009 ие — 1) Малов Александр Андреевич, «Эрзянь вайгель» московонь вейсэндявксонть васенце прявт, Сетин Фёдор Ивановичень марто ульнесь «Масторава» вейсэндявксонть теицякс. 2) Орест Борисович Ткаченко, филологиянь наукань доктор, Украинань АН улиця-корреспондент (Киев ош).
• 2010 ие — Шарононь Сандра (?)
• 2011 ие — Дмитрий Васильевич Цыганкин, эрзянь ине кельсодый. Филологиянь наукань кандидат, филологиянь наукань доктор. Доцент, профессор.
• 2012 ие — Калаганонь Керяз, эрзянь керсидей, Йовлань Олонь лемсэ Этно-кудонь прявтось.
• 2013 ие — Чингаень Ёндол, МОУ-нь «Горяйновонь юр вейсэньтонавтыця школанть» прявт.
• 2014 ие — Ананькань Катя, библиотекарь, Пенза ош.
• 2015 ие — (?)
• 2016 ие — Эрзяйкин Иван Федорович, сёрмадей, юрист, эрзянь келень вечкиця ды сонзэ ванстыця.

•  
  Эрзянь Келень Чи, «Ламзурь» морамо кужось. Саран ош, 2008 иень чадыковонь 16 чи
•  
  Эрзянь Келень Чи, корты А. Малов, чаманьартовкс Рябовонь Анатолиень. Саран ош, 2008 иень чадыковонь 16 чи
•  
  Эрзянь Келень Чи, Атянь эрзянь эзем. Саран ош, 2007 иень чадыковонь 16 чи
•  
  Эрзянь Келень Чи, Степан Эрьзянь кеврунгонть вакссо. Саран ош, 2007 иень чадыковонь 16 чи
•  
  Эрзянь Келень Чи, Ламзурь ёвтне эсинзэ «Ракакудыне» книганзо, «Весинь сюлмиця кель…» («Всех нас связующий язык…») проектсэнть кона лись 4 кельсэ: эрзякс, мокшокс, рузкс, англань кельтнесэ. Петра ош, 2008 иень чадыковонь 12 чи
•  
  Эрзянь Келень Чи, Вирь Ало Тавла, Кочкурбуе, Мордовия, 2008 иень чадыковонь 16 чи
•  
  Эрзянь Келень Чи - 2017. Пурнавсть Петра ошонь ды Ленинградонь ёнксонь «Эле» эрзянь ломанень вейсэндявксось, «Эрзянь кельсэ Викимедиянь витнийть-ветийть» Пурнавксось (UG EZY) ды «Руця» эрзянь Лезэпаргось. Петра ош. 2017 иень чадыковонь 16 чи.

• Чамзинский район. Официальный сайт. //День эрзянского языка Архивировазь 28 Панжиковонь 2019 иестэ.(руз.)
• Сельское поселение Балыклыкульский сельсовет. // Эрзянь келень чи - День эрзянского языка. Архивировазь 21 Эйзюрковонь 2019 иестэ.(руз.)
• Администрация Бессоновского района // День эрзянского языка в Пазелской школе. Архивировазь 21 Эйзюрковонь 2019 иестэ.(руз.)
• МБОУ "ЛОБАСКИНСКАЯ СРЕДНЯЯ ШКОЛА // Фотогалерея(руз.)
• Региональная мордовская национально-культурная автономия Пензенской области. //В селе Пазелки прошел День эрзянского языка(руз.)
• АДМИНИСТРАЦИЯ БОЛЬШЕБОЛДИНСКОГО РАЙОНА // В Большеболдинском районе провели День эрзянского языка(руз.)
• Эрзянь мастор. //ДЕНЬ ЭРЗЯНСКОГО ЯЗЫКА В ПИКШЕНИ Архивировазь 13 Умарьковонь 2020 иестэ.(руз.)
• ИА «Башинформ». // В селе Федоровка отметили День эрзянского языка(руз.)
• Kультурная столица финно-угорского мира 2015. // Эрзянский ансамбль «Пизёлне» посетил финно-угорскую культурную столицу Архивировазь 28 Ожоковонь 2017 иестэ.(руз.)